BILANGAN 18:22 - Susula Malalaok Hehelu Palak Ma Hehelu Beuk

²² Hataholi Israel fe'ek-kala, ta bole deka Lalaa Temak ndia so'on, fo ela ala boso leni sala-singok, ma huhuku nisak neu sila aoinan-na.

BILANGAN 18:22 Referans Kwoze

IMAMAT 22:9

Basa imam-mala muse tunga Au fe nakanenetek-kala. Metema ta soona, lasala de neukose mates, nanahu ala la'olena nakanenetek malalao-malalafuk sila-la. Au nde Manetualain, ma Au nde hele hehelik sila soaneu Au.

BILANGAN 18:7

Tehu ka'da o, ma o anam-mala mesam-ma, nde bole makalala'ok bela-ba'uk da'di leo imam, nai basa ue-le'dis lala'en-na dalek, fo natutik no mei tunu-hotuk-ka, ma hata manai Kama Malalao-malalafuk nanseli-a dalek. O lulu'a-lelepam nde ndia, nanahu Au fe basa emi nangatutuuk, da'di leo imam so. Ba'eneu hataholi see fo, ta nanuu haak ndia fa soona, neukose nanahukunisak, metema ana deka bua-lo'a malalao-malalafuk sila-la.”

BILANGAN 3:38

Nai ofu dale, Musa no Harun boema anan-nala mamanan-na nai Manetualain Lalaa Teman-na uluk, fo nai boboan dulu. Ala mete-lakanae leoina Israel-la makaluku-makatelen, nai Kama Malalao-malalafuk dale. Fe'ek neme hataholi sila-la mai, su'di see boe, fo ana so'ba-so'ba tao tatao-nono'ik ndia soona, muse hukunisan.

BILANGAN 3:10

Tehu o muse so'u Harun no anan-nala, fo lakalalaok bela-ba'uk da'di leo imam; fe'ek neme sila mai, metema su'di see boe, fo ana so'ba-so'ba nakalala'ok bela-ba'uk ndia soona, muse huku nisan.”

IMAMAT 20:20

Metema touk esa, ana sungu no to'on-na saon-na soona, nakamamaek to'on. Touk-ka no inak ndia, muse lu'a-lepa huhukun-na. Losa mate boeo, ala ta hapu anak fa.

KELUARAN 28:43

Sila muse pake lopo ndia tataasesa, nai lelek ala masok leo Au Lalaa Temang dale leu, do leu deka loo mei tunu-hotuk-ka soaneu ala tao makaluku-makatele da'dileo imam nai Kama Malalao-malalafuk dale, fo ela boso mates, nanahu hataholi nita sila aopaan fo ta nandaa hataholi nita fan. Nakanenetek ndia, da'di nahele soaneu Harun no tititi-nonosin.”