BILANGAN 17:7 - Susula Malalaok Hehelu Palak Ma Hehelu Beuk

⁷ Boema, Musa pe'da ai tete'ek sila-la, nai Manetualain Lalaa Teman dale, fo nai Peti Hehelu-balataak-ka matan-na.

BILANGAN 17:7 Referans Kwoze

HATAHOLI 7:44

Uma Lopo fo Manetualain mamanan fo Ana mai neu hataholi daebafa ka, hapun nai ita bei ba'ikai nala neme mo maloa. Manetualain paleta Musa fo ana tao Uma Lopo ndia, tunga natutu'duk fo Manetualain natu'dun neu Musa.

KELUARAN 38:21

Susulak fo nana sulak bua kabelik fo nanapakek nai Manetualain Lalaa Teman dale nde, batu ka duak fo Manetualain Paleta ka Sanahulun sila-la mamana pepe'dan-na nde ia. No Musa paletan-na de susulak ndia nanataok, ma hataholi Lewi-la sulak matalololen de Itamar fo Imam Harun-na anan-na de nauli-nalanga.

BILANGAN 18:2

O muse pake o tolano ka'a-fa'dim ma hataholi Lewi-la, da'di leo manatulu-fali, nai lelek o makalala'ok o bela-ba'um, ma o anam-mala bela-ba'un.

BILANGAN 1:50

Madenus fo ala ito-ato Au Lalaa Temang-nga no oe-isin lala'en-na. Sila bela-ba'un nde, ndolo Au Lalaa Teman-nga no oe-isin lala'en-na, boema ala ito-aton. Sila muse ofu nai boboa-kaisun.

BILANGAN 1:53

Tehu hataholi Lewi-la, muse ofu okofeo-la Au Lalaa Temang-nga. Sila muse lanean, fo ela ta bole hataholi deka fan, nalosa ala tao-la Au amanasa, fo Au huku hataholi Israel-la.”

BILANGAN 9:15

Nai faik fo Manetualain Lalaa Teman-na nananapadedeik-ka, ko'as-sa mai, de ana poti-na Lalaa Temak ndia. Ko'as ndia nai Lalaa Temak lain, nai fai le'odaen-na losa fafaik, fo meten soona, sama leo ha'i-a.

BILANGAN 17:4

Soona, meni ai tete'ek sila-la, leo Au Lalaa Temang-nga neu, fo pe'das leu Peti Hehelu-balataak-ka matan-na, nai mamanak fo, Au biasa atongo o emi seku-seku.

BILANGAN 17:6

Musa nanduku-nalosak dede'ak ndia, neu hataholi Israel-la. Boema, basa sila mauli-malangan-nala, ala fe Musa ai tete'ek esa, soaneu mane leo esa. Basa-basan, ai tete'ek sanahulu dua, fo Harun ai tete'en-na, nai dalek boe.

BILANGAN 14:10

Basa laun-na lala'en-na, ala kekeme, sanga tapa lenik-kasa batu, losa mates. Tehu no kaiboik, hataholi sila-la lita Manetualain masa'an-na to'da mai, nai Lalaa Teman lain.