BILANGAN 16:28 - Susula Malalaok Hehelu Palak Ma Hehelu Beuk

²⁸ Boema Musa nae, “No enok ia, de neukose emi bubuluk mae Manetualain nadenu basa au, fo tao basa ia-la, ma emi bubuluk mae au hihii-nanau mesang ta ndia fa.

BILANGAN 16:28 Referans Kwoze

YOHANIS 6:38

Nanahu Au eme nusa so'da ka mai, fo Au ta tao-no'i tunga ka'da Au hihii-nanau mesa nga fa, te Au tao-no'i tunga Amak fo manamadenu Au a, hihii-nanaun.

KELUARAN 3:12

Manetualain nataa nae, “Neukose, Au tulu-fali o. Ma metema o moo leoina ndia kalua neme Masir mai soona, neukose emi sene-do'ok neu Au nai letek ia. Ndia da'di buti, nae Au adenu o.”

YOHANIS 5:36

Tehu Au sakasii nga ba'u lenaheni Yohanis sakasii na. Au tao-no'i hata nai besak ia soona, Ama ka nde fe Au tatao-nono'ik ndia, fo ela ana da'di ta'du esa nae, Ama ka nde nadenu Au a.

YESKIAL 13:17

Manetualain nafa'da nae, “Besak ia, hai hataholi daebafak fo, manasapu-manalalok-konei, taoafik neu basa inak fo, ala tao nono'kabai de, sila nabi nai emi leoina tala'da. Fes nasanene'da mahelek,

YEREMIA 23:16

Manetualain Fo Manakoasa nafa'da neu laun Yerusalem-mala nae, “Boso mamanene basa nabi-la hala-kokolan fo ala fe mamahehenak fo ka'da louk tatas esa. Ka'da sila landuku-lalosak sila mesak-kasa meneunala te Au hala-haituang-nga ta ndia fa.

YOHANIS 14:11

Mamahele Au leona, nana Au da'di esa o Ama ka, ma Ama ka da'di esa no Au. Do dede'a keke'u na nae, mamahele leon neu hata fo Au tao basa kala so.

YOHANIS 11:42

Au bubuluk O mamanene Au tunga faik, tehu Au afa'dak ia, soaneu hataholi fo manai ia la, fo daenga ela lamahele lae, O nde madenu Au a.”

YOHANIS 5:30

“Au ta hapu tao-no'i hata esa boen, tunga Au hihii-nanau mesang-nga fa. Te Au aketu-ala'di tunga ka'da Manetualain paleta na. Boema Au nakeketu nga matetuk, nana Au ta tunga Au hihii-nanau mesa nga fa, te Au tunga Amak fo manamadenu Au a, hihii-nanaun.

ZAKHARIA 4:9

nae, “Zerubabel pe'da basa Au Umang-nga batu makasososan-na so, de neukose ana tao nakababasak uma ndia lala'en-na. Metema, dede'ak ndia ana da'di soona, neukose Au anang-ngala bubuluk, lae Au nde adenu o, fo Zakharia neu leo sila neu.

ZAKHARIA 2:9

“Neukose Manetualain mesak-kana nde la'ban emi, ma neukose emi usi heni emi atam-mala, sila nde lamanako seluk emi. Metema, dede'ak ndia ana da'di soona, neukose emi bubuluk, mae Manetualain Fo Manakoasa, nadenu basa au so.”

1RAJA-RAJA 18:36

Lelek fai na losa fe tutunu-hohotu le'donoso ka boema, Nabi Elia neu deka no mei tunu-hotuk ndia, boema ana hule-haladoi nae, “Ou Amak, Manetualain fo Abraham, Isak ma Yakob sene-do'ok-ka, matu'dun besak ia mae O nde Manetualain nai Israel, ma au ia O atam. Boeo matu'du mae basa hata lala'en fo au taon ia nde been-na no O paleta ma.

ULANGAN 18:22

Metema nabi esa, ana kokolak pake Manetualain na'den-na, tehu hata fo ana kokolak-kana ndia, ana ta da'di fa soona, hala-kokolak ndia, ta neme Manetualain mai fa. Nabi ndia, ana kokolak pake ndia na'den-na, de ta paluu emi bii-mamata'u neu fan.”

KELUARAN 7:9

“Metema manek-ka noke emi tao manada'di beuk, fo da'di neu buti soona, madenu Harun, fo ana ho'i-na aitete'en-na, fo ana tapan neu dae lain, nai manek-ka matan. Soona neukose, aitete'ek ndia nasafali da'di menge.”

BILANGAN 24:13

leomae Tuan fe la'iesak lilofulak, ma lilopilas manai Tuan uma manen-na boeo, au ta bisa la'olena Manetualain paletan-na, fo au tao hata esa, tunga ka'da au dale hihiing-nga fa do? Ka'da au bole afa'da hata fo, Manetualain nadenu au afa'dan.”

KELUARAN 4:12

Besak ia, muu leona, te neukose Au tulu-fali o, fo o kokolak, ma Au anoli o, hata fo o muse mafa'dan.”

KELUARAN 4:15

Kokolak moon, fo mafa'dan hata fo muse ana kokolak-kana. Neukose Au tulu-fali ma Au anoli emi dua, hata fo emi muse kokolak ma tao-no'in.