BILANGAN 16:18 - Susula Malalaok Hehelu Palak Ma Hehelu Beuk

¹⁸ Boema esa-esak ho'in-na mamana ha'in-na, de ana tao ha'ikaak ma boomenik leo dalek neu, boema napadeik neu Manetualain Lalaa Teman-na lelesun-na bafan-na, sama-sama no Musa ma Harun.

BILANGAN 16:18 Referans Kwoze

IMAMAT 16:12

muse ana ho'in-na, mamana ha'i-a neme mei tunu-hotuk-ka mai, fo ana tao nahenun nenik ha'ikaa manapila lo'a-lo'ak, ma boomeni sopuk, nafanggetek dua, fo nenin leo Kama Malalao-malalafuk nanseli-a, dalek neu.

BILANGAN 16:19

Basa boema, Korah naloo nakabubua basa hataholi Israel-la lala'en-na, de lapadeik lasasalematak loo Musa no Harun, nai Manetualain Lalaa Teman-na lelesun-na bafan-na. No kaiboik, basa hataholi Israel-la lala'en-na, lita Manetualain mandela-masa'an nangale'do.

IMAMAT 16:13

Ana muse tunu boomenik ndia, nai Peti Hehelu-balataak-ka matan, nalosa masun-na potin-na Peti ndia tatanan-na, de Harun ta hapu nita peti ndia fa, nana metema Harun nita Peti ndia soona, neukose maten.

BILANGAN 16:37

“Madenu Eleazar, fo Imam Harun-na anan-na, ko'o neni ha'i-a na'a ela mamana ha'i-la, fo neu nggali afun-na leo mamana fe'ek neu, nana ha'i-a mamanan ndia, malalao-malalafuk. Bua-lo'as sila-la nde been-na, tunu-hotuk neme hataholi fo nanahuku nisak, hu kande sala-singon-nala. Bua-lo'as sila-la malalao-malalafuk, nanahu nanatunu-hotu basak nai Manetualain matan so, hu ndia de, muse tutus da'di bebela ni'ianak-kala, fo me'das neu mei tunu-hotuk-ka lou dean-na. Manada'dik ndia, neukose ana da'di nasanene'dak ba'eneu leoina Israel-la.”

BILANGAN 16:48

He'di-laus ndia nate'e, te Harun bei nai hataholi bei maso'dak-kala ma hataholi manamate basak-kala tala'da.

2TAWARIKH 26:16

Lelek manek Uzia natea-nahele boema, ana da'di manakoao-ndaeaok, de koao-ndaeaon ndia nde tao nakalulutuk-kana. Ana la'o lena Manetualain paletan-na, nanahu neu leo Manetualain Uman dale neu fo ana hotu boomenik nai mei tunu-hotu boomenik lain.