BILANGAN 15:35 - Susula Malalaok Hehelu Palak Ma Hehelu Beuk

³⁵ Boema Manetualain nafa'da Musa nae, “Muse hukunisa hataholi ndia. Muse no hataholi ndia leo lalaa oofuk-ka deak neu, fo basa hataholi Israel-la lala'en-na, muse tapan nenik batu, losa maten neme ndia.”

BILANGAN 15:35 Referans Kwoze

HATAHOLI 7:58

Ala lele'a-loloso Stefanus leo kota deak neu, basa boema ala tapan ninik batu. Basa hataholi fo lita matan manda'dik ndia, ala pe'da ba'du manalu nala neu touana muli-soluk esa na'de Saulus ei na.

1RAJA-RAJA 21:13

Hataholi manatao tatao-nono'i mangalauk dua langatuuk lasasalematak loo Nabot, de ala kalaa kanan-nai lea matan lae ana soo-supa basa Manetualain ma manek-ka so. Hu ndia de, loon leo kota deak neu, boema ala tapan nenik batu losa maten.

ULANGAN 21:21

Soona, touk manai kota ndia dalek-ka, ala muse tapalisa ni'iana ndia, nenik batu. No enok ndia, emi tao mamopo tatao-nono'i mangalauk ndia. De metema, basa hataholi Israel-la, ala lamanene manada'dik ndia soona, neukose ala bii-lamata'u.”

IMAMAT 24:23

Musa nanduku-nalosak basa dede'a-kokolak sila-la neu leoina Israel-la, boema loo hataholi fo ana soo-supa basa Manetualain ndia, leo mamana oofuk-ka deak neu, de ala tapan nenik batu losa maten. No enok ndia, leoina Israel-la tao hata fo Manetualain paleta basan neu Musa so.

IMAMAT 20:2

nafa'da dede'ak ia neu leoina Israel-la nae, “Hataholi see, fo nai emi dalek, do hataholi nusa dea, fo ana leo nahele no emi, metema ana tunu-hotu anan-na soaneu nitu Molokh-ka soona, basa laun-na lala'en-na, muse tapan nenik batu losa maten.

LUKAS 4:29

Boema ala fo'a lapadeik de ala usiheni Yesus leo kota deak neu, de helan leo fela madema esa nai letek esa nai sila kota na. Ala dudu'a lae, ala solin leo felak ndia dalek neu.

IMAMAT 20:27

Touk do inak see, fo ana kokolak no hataholi manamatek samanen-na soona, muse tapan nenik batu, losa maten. Hataholi ndia mate, hu kande salan-na.”

BILANGAN 15:36

Boema basa-basas loson leo lalaa oofuk-ka deak neu, de ala tapan nenik batu losa maten, sama leo Manetualain paletan-na.