BILANGAN 14:5 - Susula Malalaok Hehelu Palak Ma Hehelu Beuk

⁵ Boema musa no Harun, senek leu basa laun-na matan-na.

BILANGAN 14:5 Referans Kwoze

BILANGAN 16:4

Musa namanene dede'ak ndia boema, ana senek neu dae lain, de ana hule-haladoi neu Manetualain.

BILANGAN 16:22

Tehu Musa no Harun senek, de lafa'da lae, “Ou Manetualain, O nde fe maso'dak neu basa hata maso'dak lala'en-na. Metema ka'da hataholi esa mesak-kana nde nasala-nasingo soona, ade O mamanasa basa hataholi Israel-la lala'en-na do?”

BILANGAN 16:45

“Makadedeak meme hataholi sila-la mai. Te neukose Au tao amopo-amates lai mamanak ndia boe!” Duas senek

YESKIAL 9:8

Ala do'do-pau hataholi sila-la te, au mesang-nga nai ndia. Au senek, de au aloo bou-bou ae, “Manetualain Fo Mademaina, ade O nasa-melum leondiak ba'eneu Yerusalem, nalosa O sanga taomisa la'iesak hataholi bei maso'dak manai Israel ia do?”

1 TAWARIKH 21:16

Dauk nita ata nusa so'dak ndia laa nai lalai n daebafak ka tala'da. No tafaina manai liman-na ndia, ata nusa so'dak ndia naheheleaon soaneu tao namate-namopo Yerusalem. Boema Dauk ma mauli-malangan laun nala, fo nai lelek ndia ala bei pake bua papake lafa lapik fo da'di ta'du-tana sale dalek ka, ala senek leu dae lain.

YOSUA 5:14

Hataholi ndia nataa nae, “Ta tia-laik, ma ta musu boen. Au mai leo ia mai, da'di leo Manetualain malanga solda'du matuainan.” Yosua namanene dede'ak ndia boema, no lai-laik, nakaluku-nakatele neu hataholi ndia. Yosua nae, “Au ia, Tuan atan. Hata fo au bisa taon soaneu Tuan?”

IMAMAT 9:24

No kaiboik, Manetualain nakona ha'i mai, de hotu heni tutunu-hohotu nanatunuk-kala, ma paa bibiak mamina manai mei tunu-hotuk lain-na. Lelek hataholi Israel-la litan boema, ala eeki-latadale ma ala sene-do'ok.

KEJADIAN 17:3

Boema, Abram senek, de basa boema, Manetualain nafa'da nae,

NINITAK 7:11

Basa ata nusa so'da kala lapadeik okofefeo la kandela mane ka, ma basa lasi-lasi nala, boema mahahae kahak sila la. Ata nusa so'dak sila la bala leu kandela mane ka mata na, boema ala sene-do'ok Manetualain.

NINITAK 5:14

Boema mahahae kahak sila la lataa lae, “Amin!” Ma lasi-lasik sila la bala leu ma ala sene-do'ok.

NINITAK 4:10

mauli-malanga kaduahulu hak sila la bala leu Ndia fo nangatuuk nai kandela manek ndia lain mata na, boema ala sene-do'ok neu Ndia fo naso'da losa dodoo na. Basa boema ala tapa sila bulamoli nala neu kandela manek ndia mata na ma lae,

MATEOS 26:39

Basa boema Ana la'ok leo uluk neu doo-doo ana faa, de Ana senek boema Ana hule-haladoi nae. “Ama, metema Ama nau soona, madok doidosok fo Au muse lu'a-lepan ia neme Au a mai. Tehu boso tunga Au hihii-nanaung, te tunga ka'da Ama hihii-nanaun.”

DANIAL 10:9

Lelek au amanene halan-na boema, au sapala'o losa au bala u dae lain.

1RAJA-RAJA 18:39

Nai lelek laun-na lita manada'dik ndia boema, ala lakatele leo dae a neu ma lafa'da lae, “Amak ndia Manetualain! Tete'e ka Amak ndia Manetualain!”

YOSUA 7:10

Manetualain nataa Yosua nae, “Fo'a! Te o sene-do'ok leondiak, neu dae lain ndia, sosoa-ndandaan ta!

BILANGAN 14:6

Yosua, fo Nun anan-na, ma Kaleb, fo Yefune anan-na, fo hataholi ka duak ia-la, lai manamakuk sila-la dalek boe, ala sisii-lulu'i bua papaken-nala, fo da'di neu ta'du-tana manasusak.

BILANGAN 20:6

Boema Musa no Harun la'oela hataholi sila-la, de lapadeik deka Manetualain Lalaa Teman-na lelesun-na. Ala senek, boema Manetualain mandela-masa'an potin-nalas.

BILANGAN 17:10

Basa boema, Manetualain nafa'da Musa nae, “Pe'da fali Harun ai tete'en-na, neu Peti Hehelu-balataak-ka matan-na. Muse pe'da ai tete'ek ndia, da'di leo nasanene'dak ba'eneu hataholi Israel fo, manalena-la'ban paleta sila-la, ma mae metema bemumu lakandoo soona neukose mates.”