BILANGAN 14:43 - Susula Malalaok Hehelu Palak Ma Hehelu Beuk

⁴³ Nai lelek, emi masasalematak mo hataholi Amalek ma hataholi Kanaan sila-la soona, neukose emi mate natee-natatik dale. Neukose Manetualain ta no emi fa, nanahu emi ta nau tunga fan.”

BILANGAN 14:43 Referans Kwoze

2TAWARIKH 15:2

nalosa neu natongon-no Manek Asa, de nafa'da nae, “Hai, Manek Asa, ma basa Yehuda ma Benyamin laun-nala lemin! Mamanene! Te Manetualain deka no emi metema emi deka moon. Metema emi moke Manetualain natutu'dun-na soona, neukose Ana fen mai. Tehu metema emi ta taoafik neu fan soona, Ndia boeo neukose Ana ta taoafik neu emi boen.

BILANGAN 13:29

Hataholi Amalek-kala, leo nai nusak ndia, boboan kona; hataholi Het, Yebus ma Amori-la, leo nai nggolok mapupukuk-kala; hataholi Kanaan-nala, leo nai nggolo tasi su'uk-kala, ma nai ndolo-ndolo Lee Yarden-na, su'un-na.”

HOSEA 9:12

Tehu leomae hapu ni'iana-la nanabongik, fo lakaboboin losa namatua boe, neukose Au ho'i alas. Neukose, Au ta po'ilotak esa boen, bisa naso'da fa. Hai leoina Israel-la lemin, metema Au la'oela emi soona, soe ba'eneu emi!”

YESAYA 63:10

Tehu ala lena-la'ban, de ala tao lakahehe'dik, Manetualain dalen-na. Boema, Ana nasafali da'di sila musun, de Ndia mesak-kana, natee-natati la'ban-nasa.

1 TAWARIKH 28:9

Boema Dauk nafa'da Salomo nae, “Anang-ngonei, ela leo been-na Manetualain fo o amam sene-do'ok-ka, o sipok-kana da'di leo o Manetualaim. O muse mamahele neun no dalek-katematuak ma dale ndoos. Nana Ana bubuluk basa ita dudu'a-aafin ma ita dale hihiin-na. Metema o sangan soona, neukose o hapun, tehu metema o la'oelan soona, neukose Ana ta sipok o losa dodoon-na fa.

HAKIM-HAKIM 16:20

Boema, ana nggasi ma nae, “Simson! Hataholi Filistin-nala mai!” Simson fo'a, de naedaenga ana hapu natapo'i, sama leo nai fai-fai maneuk-kala. Ana ta bubuluk, nae Manetualain la'oelan so.

ULANGAN 28:25

Metema, emi ta tunga emi Manetualaim-ma fa soona, neukose Ana fe emi musum-mala, ala sengi emi. Neukose emi meu matee-matati no napalanik, tehu emi malai tu'u-fo'a. Basa leoina manai daebafak-ka, ala mete emi toto'a-sosotam soona, ala bii-lamata'u lanseli.

IMAMAT 26:17

Neukose, Au huku emi, nalosa emi musu-mala sengi emi, ma hataholi fo ta lahiik loo emi fa, ana koasa emi. Neukose, emi bii-mamata'u manseli, nalosa leomae hataholi ta usi emi fa te, emi malai.

BILANGAN 14:42

Boso meu! Te neukose emi musum-mala sengi emi, nanahu Manetualain ta no emi fa.

BILANGAN 14:44

Tehu hataholi Israel sila-la, lakatatasa dale de ka'da kae lakandoo leo letek ndia poin-na leu, leomae Musa ma Peti Hehelu-balataak-ka, ta la'oela lalaa oofuk ndia fa.

YOSUA 7:12

Hu ndia de, ala ta lakatatakak lasasalematak loo musu-a fa. Musu sengis, nanahu sila boeo, nanaketu basak, soaneu nanatao namopo-namatek so. Neukose, Au ta nai emi boboam-ma so'on, metema bua-lo'as fo ta bole ho'i fas sila-la, beita tao nakalulutuk-kasa fa.

YOSUA 22:15

Boema, ala losa leo Ruben, Gad ma leo Manasye manai nusa Gilead-ta, mamanan-na.

MAZMUR 44:10

Tehu besak ia, O la'oela ami, ma O po'ilotak ami kala. O ta tutulumatak seluk sama-sama moo ami fa.