BILANGAN 14:39 - Susula Malalaok Hehelu Palak Ma Hehelu Beuk

³⁹ Lelek Musa nanduku-nalosak basa Manetualain hala hehelun-na neu leoina Israel-la boema, leoina ndia ana falu no dale he'dik.

BILANGAN 14:39 Referans Kwoze

KELUARAN 33:4

Basa boema, Manetualain nadenu Musa nafa'da leoina Israel-la nae “Emi, leoina langa batuk. Leouni'ka Au tunga o emi, leomae ka'da dodoo faa mesak-kana, tao leo bee o, Au tao amopo-amate la'iesak emi. O'duheni emi lilo-henum lala'en-na, soona neukose Au aketu hata fo Au taon soaneu emi.” Lelek lamanene Manetualain halak-kaka'in ndia boema, dalen-nala he'dis nanseli sama leo hataholi manafalu mamates-sa. Boema ala o'duheni lilo-henun-nala. Da'di, ala la'oela Letek Sinai boema, leoina Israel-la ta pake lilo-henu so'on.

IBRANI 12:17

Emi bubuluk mae makabui na, Esau nahiik hapu baba'e-papalak ndia neme aman mai, tehu ana tipahenin. Nana leomae no kikii-makaleleuk, ana sanga enok, soaneu ana taonahi sala na, tehu failoak soaneu dede'ak ndia, ta hapun so'ok.

MATEOS 8:12

Te see ko na hataholi fo tunga ndo na ala da'di Manetualain hataholi kamahehele nala, neukose sila nanatapahenik leo makahatuk manai dea ka leu. Nai ndia neukose ala doidoso.”

AMSAL 19:3

Hataholi daebafak-ka, nggoan-na, nakatutu'dak seluk aoinan-na, basa boema, ana fe salak neu Manetualain, hu kande tataon ndia.

YESAYA 26:16

O huku basa ami so, nai ami makase'em-ma dalek, ami fali leo O mai, ma hule-haladoi neu O, Manetualain.

BILANGAN 14:28

Emi muse mataas mae lao ia: Manetualain nafa'da nae, ‘Au soo unik Au fo maso'dak-ka na'den-na, ae neukose Au tao emi, sama leo hata fo, emi mafa'dan nai Au matang-nga. Au, fo Manetualain nde manakokolak-ka.

BILANGAN 14:38

Neme manamakuk ka sanahulu duak sila-la, ela ka'da Yosua ma Kaleb nde bei maso'dak-kala.

YOSUA 7:12

Hu ndia de, ala ta lakatatakak lasasalematak loo musu-a fa. Musu sengis, nanahu sila boeo, nanaketu basak, soaneu nanatao namopo-namatek so. Neukose, Au ta nai emi boboam-ma so'on, metema bua-lo'as fo ta bole ho'i fas sila-la, beita tao nakalulutuk-kasa fa.