BILANGAN 13:33 - Susula Malalaok Hehelu Palak Ma Hehelu Beuk

³³ Nakalenak, ami mita hataholi-la, sama leo hataholi ao matua, ei madema-la, fo nde hataholi Enak-kala tititi-nonosin-nala. Metema nakasasamak ami mo hataholi sila-la soona, ami mame'da-nana, ami sama leo lamak-ka, de tao leo bee-o, sila boeo dale nameme'dan-na leondiak soaneu ami boe.”

BILANGAN 13:33 Referans Kwoze

ULANGAN 1:28

Da'di, sosoak hata, ita teu leo naa teu? Ita tadenu hataholi manaleu leo naa leu-a, ala tao-la ita bii-tamata'u, nenik sila hala nafafa'dan-na, lae leoina ndia, balakain-na ma aon-nala makadelek lena heni ita, ma lae ala leo nai kota-kota fo papala nanadaman-nala dedeman-na losa lalai. Lita hataholi ao matua ma ei madema-la lai naa boe!’

YESAYA 40:22

Fo mana makadada'dik-kana, nangatuuk nai daebafa bobongok lain, mete laun-na soona, anak-ka sama leo lamak-ka Ana nakapepela lalai-a, sama leo temak-ka, ma Ana taon, sama leo lalaa temak-ka, fo hataholi hapu leo nai dalek.

KEJADIAN 6:4

Nai tepo-lelek ndia, ma tepo-lelek maneuk-ka boe, hapu hataholi ao matua ma mademaina, nai daebafak-ka. Hataholi sila-la tititi-nonosik neme hataholi daebafak-kala, anafe'oanan-nala mai, fo ala saoana loo Manetualain anan-nala. Hataholi ao matua ma mademaina sila-la nde been-na palani ta'ti batu-la nanseli, ma hataholi nananita-nalelak nai tepo-lelek makahulun eli.

SEMUEL SUSULAK-KA ESAN-NA 17:42

Tehu lelek Goliat nita Dauk, de ana mete hehelun boema, ana hika ma ana hakinonolin, nanahu Dauk bei muli-soluk nanseli, ma aon-na makadelek.

ULANGAN 9:2

Hataholin-nala, ao matuaina, ma balakain-na seli; hataholi ao matua ma ei madema sila, de emi mamanene basa, lae ta hapu hataholi esa boen, bisa la'ban hataholi sila fa.

ULANGAN 3:11

Hataholi Refaim fo maso'dak-ka, ela ka'da Mane Og-ka mesak-kana. Kopan-na, nanataok neme batu-a mai, nanataok neme batu mai, nanalun-na metel haa, ma loloan-na hihii nae metel dua, uukuk ia, tunga uukuk fo nananaketu basak-ka so. Losa besak ia, kopak ndia bei titan nai Raba fo hataholi Amon-nala kotan-na.)

1 TAWARIKH 11:23

Ana tao nisa hai hataholi Masir ao matuaina esa so boe; Hataholi ndia dedeman-na, metel 2 lenak. Hataholi ndia ho'u tee matuaina, tehu Benaya nasasalematak non nenik ka'da ai kalapu'ak. Ana loso-na tee manai hataholi Masir ndia liman-na, boema ana tee nisan nenik tee ndia.

ULANGAN 2:10

Makahulun-na, hataholi Emim-mala, ala leo leme Ar. Hataholi sila aon-nala matuaina, sama leo hataholi Enak-kala, fo hataholi ao matua ma ei madema-la.

BILANGAN 13:22

Makasososan-na, leu leo nusak ndia boboan kona leu, de ala losa kota Hebron-na, fo hataholi Ahiman, Sesai, ma Talmai, fo Enak tititi-nonosin-nala, mamana leleon-na. Kota Hebron-na, napadedeik nakahuluk teuk hitu, neme kota Zoan-na nai Masir.

BILANGAN 13:28

Tehu nusak ndia, laun-nala, ao makadelek mesa-mesan. Nusan-nala matuaina mesa-mesan, ma makota musuk. Bai te, ami mita hataholi ao matua, ei madema-la tititi-nonosin-nala lai naa.

BILANGAN 14:1

Leo'dae katemak esa dalen-na, hataholi Israel-la nggasi ma ala kii-kii mesan.

YOSUA 11:21

Nai tepo-lelek ia boe, Yosua neu tao namopo-namate leoina Enak-kala, fo nde leoina ao matua-ei madema-la, ala leo nai nggolo letelepak-kala, nai Hebron, Debir, Anab, ma nai basa nggolo letelepak manai Yehuda, ma Israel. Yosua taonisa la'iesa kasa, ma ana tao nakalulutuk kotan-nala.

YOSUA 14:12

Hu ndia de, besak ia, fe nusa letelepak fo Manetualain helu basa, fen neu au so, nai lelek au ma hataholi fo sama-sama loo au fali ma'im-ma, fo ami meni hala nafa'dak. Nai lelek ndia, o mamanene matam, lae hataholi ao matuaina ma ei madema-la lai naa, fo lokes soona lae, leoina Enak. Ala leo lai kota-kota matuaina-la, lanuu papala nanadamak. Fafa'kama, Manetualain, neukose Ana tulu-fali au, nalosa au hapu usi henis, sama leo Manetualain nafa'dak-ka.”

YOSUA 15:14

Enak tititi-nonosin nde hataholi Sesai, Ahiman, ma Talmai. Kaleb usi heni basa-basas leme Hebron mai.

SEMUEL SUSULAK-KA ESAN-NA 17:24

Hataholi Israel-la lita Goliat no kaiboik boema, lalai no bibiik nanseli.