BILANGAN 13:32 - Susula Malalaok Hehelu Palak Ma Hehelu Beuk

³² Boema leu tui hataholi Israel-la dede'a pepekok, la'eneu nusak fo, sila leu maku besa-besa loon ndia. Lafa'da lae, “Nusak ndia, mangalaun-na seli, lena-lenak laun-na bai. Ami mita hataholi manai naa-la, ao matuaina mesa-mesan.

BILANGAN 13:32 Referans Kwoze

AMOS 2:9

Leomae leondiak boe, hai Au anang-ngala lemin, hu ka nde emi, de Au tao amopo-amate hataholi Amori fo mademaina sama leo ai kaiou, ma balakaik sama leo ai terpentin.

MATEOS 23:13

“Soe ba'eneu emi, fo mese agama la ma hataholi Farisi la lemin! Emi ia hataholi mana dea-dale kala. Emi mapanggengge hataholi soaneu ala da'di lima eik neme Manetualain hataholi kamahehele nala mai. Emi nde ta nau da'di lima eik neme Manetualain hataholi kamahehele nala mai fa, boema hataholi mana nau kala, emi mapanggengges. [

1 TAWARIKH 20:6

Nai natee-natati fe'ek esa seluk nai Gat, hapu hataholi ao matuaina ma mademaina esa, limaku'un nee ma eiku'un nee. Hataholi ndia tititi-nonosik neme hataholi ao matuaina ma mademaina tepo lelek makahulun eli mai.

2 SEMUEL 21:20

Natee-nata'tik la'ban hataholi Filistin-nala ndia, ana da'di seluk nai Gat. Nai ndia, hapu hataholi ao matua ei madema esa, ana hii natee-nata'ti nanseli. Hataholi ndia, limaku'un nee, ma eiku'un nee.

ULANGAN 1:28

Da'di, sosoak hata, ita teu leo naa teu? Ita tadenu hataholi manaleu leo naa leu-a, ala tao-la ita bii-tamata'u, nenik sila hala nafafa'dan-na, lae leoina ndia, balakain-na ma aon-nala makadelek lena heni ita, ma lae ala leo nai kota-kota fo papala nanadaman-nala dedeman-na losa lalai. Lita hataholi ao matua ma ei madema-la lai naa boe!’

BILANGAN 13:28

Tehu nusak ndia, laun-nala, ao makadelek mesa-mesan. Nusan-nala matuaina mesa-mesan, ma makota musuk. Bai te, ami mita hataholi ao matua, ei madema-la tititi-nonosin-nala lai naa.

MAZMUR 106:24

Basa boema, ala ta nau sipok nusak mana'ahiik ndia fa, Nanahu, ta lamahele neu Manetualain hehelu-balataan fa.

YESKIAL 36:12

Neukose Au o falik Au anang Israel, fo ala leo seluk sila nusan-na. Neukose dae ndia, ana da'di sila nuu mesan, fo dae ndia ana fes buna-boak tataas esa, nalosa ta mate anan-nala no la'as-sa so'on.’

AMOS 2:10

Au o falik emi kalua meme dae Masir-ra mai so, ma Au hela-nole emi teuk haahulu dalen-na neme moo solokaek-ka. Au fe hataholi Amori-la daen-na neu emi fo da'di emi nusam-ma.