BILANGAN 11:8 - Susula Malalaok Hehelu Palak Ma Hehelu Beuk

^8-9 Nai fai le'odaen-na soona, loti manna ndia tu'da sama-sama no dinis-sa mai leo mamana ofu-a neu. Fafain-na, hataholi-la la'ok leu-mai fo ala hele lakabubuan, fo ala kekenok-kana, do ala paun da'di ha'desopuk, fo ala taon da'di koki bobongo ni'is. La'dan-na sama leo kokis fo nanatunuk nenik mina setun.

BILANGAN 11:8 Referans Kwoze

KELUARAN 16:31

Hataholi Israel-la loke nana'ak ndia soona lae, manna Lupan-na, sama leo aide'e lutuanak dula fula, ma la'dan-na, sama leo kokis nanasese'dok fanioe.

YOHANIS 6:27

Boso sanga ka'da nana'a kabook fo hapu basan. Te sanga nana'a kaboo ta ka, ma nana'a manini maso'da matetu ka, ma manaketu basa ta ka. Fo Ana Hataholi ka nde fe emi nana'ak ndia. Nanahu Amak Manetualain so'u basa Ana Hataholik ndia so.”

KELUARAN 16:23

Musa nafa'das nae, “Manetualain paletan-na nde ia nae: Balahaa nde been-na, fai hehelik soaneu hahaeaok, fai Sabat, faik fo fen neu Manetualain. Hata fo emi nau tunu-dalan nai faik ia soona, tunu-dalan leona, ma hata fo emi nau tunu-nasun soona, tunu-nasun leona. Metema emi paluun nai faik ia dalen-na hapu lenak soona, pe'da fe'en soaneu balahaa.”

YOHANIS 6:31

Ami bei ba'ikai mala la'a loti manna neme mo solokae ka, sama na leo nanasulak nai Susula Malalaok dale nae, ‘Ana fes la'a loti maneme nusa so'da ka mai.’ ”

KEJADIAN 25:29

Nai faik esa, fo nai lelek Yakob nasu fufue pilas boema, Esau fali neme sopu-dangan mai te namala'a.

BILANGAN 11:7

Manna ndia lupan-na sama leo ai de'e kome'doana, fo dula fula kunik.