BILANGAN 11:23 - Susula Malalaok Hehelu Palak Ma Hehelu Beuk

²³ Boema Manetualain nataa nae, “Ade Au koasang-nga matoo-lanek do? Neukose no lai-laik o mita, ade Au afa'dak ndia, tete'ek-ka ana da'di do ta!”

BILANGAN 11:23 Referans Kwoze

YESAYA 59:1

Boso maedaenga Manetualain tapandoes nanseli, soaneu soi-tefa emi, do pakek nanseli, soaneu namanene emi hala naloloom-ma.

YESAYA 50:2

Tao le'e de, neme Au anang-ngala mai, hataholi esa boen, ta hapu nataa, nai lelek, Au mai aloos? Ade, ka'da ala bedenge, nanahu laedaenga. Au ta soi-po'i, ma soi-tefa abe'i fas do? Te'e-te'e, no Au paletang-nga, de tasi ma'dan, Au tao lee-la, da'di moo solokaek, nalosa i'ak-kala mates, de laboo mami.

YESKIAL 12:25

Au, Manetualain Fo Mademaina, kokolak neu leoina Israel-la, ma basa hata fo Au afa'dan, tao leo bee-o neukose ana da'di no lai-laik. Mamanene leon, hai leoina malenalanga-masa'basook-kala lemin! Nai tepo-lelek o maso'da, neukose Au akalala'ok basa hata lala'en fo, Au afa'dan neu o. Au, Manetualain Fo Mademaina, nde manakokolak-ka.”

BILANGAN 23:19

Manetualain ta sama leo hataholi daebafak-ka fa, fo mu'dak la'iesak-kana, nasasale dale, ma Ana hii nasapepeko-nasandandali. Metema, Manetualain helu soona, tao leo bee-o, Ana tao natetun! Metema Ana kokolak soona, tao leo bee-o, neukose ana da'di!

KEJADIAN 18:14

Ade, hapu hata mateaina ba'eneu Manetualain do? Sama leo na'kasa, Au afa'da basan ae, bei bulak sio seluk bai te, neukose Au fali ma'ing-nga leo ia mai. Te nai lelek ndia, neukose Sara bongi ni'iana touanak esa so.”

LUKAS 1:37

Nana ba'eneu Manetualain soona, ta hapu hata fo ana ta da'di fa.”

MATEOS 19:26

Yesus nanganalos boema nae, “Soaneu hataholi daebafa ka soona, dede'ak ndia ana ta da'di fa! Tehu ba'eneu Manetualain soona, basa-basas mana da'dik mesan.”

YESKIAL 24:14

Au, Manetualain Fo Mademaina, kokolak basa so. Fain-na losa so, ba'eneu Au mulai tao hata esa. Neukose, Au ta afandele heni o sala-singom fa, ma Au ta fe do'o do ampon neu o, do Au sue-lai o fa. Neukose o nanahukuk, nandaa no o tatao-nono'im lala'en-na. Au Manetualain Fo Mademaina, nde manakokolak-ka.”

MATEOS 24:35

Lalai a no daebafa ka neukose mopos, tehu Au dede'a-kokolang lahele losa dodoo na.”

MIKHA 2:7

Boso maedaenga, Manetualain supa-soo basa hataholi Israel-la so! Neukose Manetualain ta tao dede'ak leondiak-ka fa. Beita la'iesa fo mopo dudu'a-aafi manalun-na fa. Ade, Ana ta kokolak no mangana'uk neu hataholi fo manatao dede'a ndoos-sa fa do?”

MAZMUR 78:41

Ala so'ba Manetualain la'i ba'uk-ka, ala tao susa Israel Manetualain Fo Malalao-malalafuk-ka.

2RAJA-RAJA 7:2

Boema, manek-ka manamanean-na, ana balas nae, “Masa bole! Dede'ak ndia, ta da'di fa, leomae nai hatematak ia boe, Manetualain fe u'da ina neme lalai mai!” “Mahani te neukose o mita dede'ak ndia ana da'di, tehu neukose, o ta mu'a mita, nana'ak ndia faaanak boen.”

BILANGAN 11:22

Hapu sapi ma bi'ilopo de'u-de'u basa sila-la nai bee, fo do'do-ta'ti fes, fo daenga la'a losa lakabete? Ade basa i'ak manai tasi dale-la dai soaneu fes la'a do?”

YEREMIA 14:9

Tao le'e de O sama leo hataholi fo mapangamak-ka; sama leo palani tatibatu fo ta tulu-fali be'i fa do? Tehu, tao leo beeo O nai ami tala'da, Manetualain! Ami anam-mala, de O boso la'o ela ami!’ ”

DANIAL 6:20

Lolebalahak boema, manek-ka fo'a, de neu lai-lai leo singa-la lean-na neu.

KELUARAN 6:1

Manetualain kokolak no Musa nae, “Au nde Manetualain.

2RAJA-RAJA 4:43

tehu ata ndia nafa'dan nae, “Tao leo bee-o, ta dai hataholi natun esa fa.” Boema Elisa nataa nae, “Ka'da baba'en leona, fo daenga la'a, nana Manetualain nafa'da nae, neukose la'a, fo la'a basa te, bei ela bai.”

YEREMIA 32:17

“Manetualain Fo Madema ina, O nde makadada'dik lalai-a ma daebafak-ka nenik O koasam-ma, ma O be'i-balakaim fo matuaina ndia. Ta hapu hata esa fo matea ba'eneu O fa.

YEREMIA 32:27

“Au nde been-na Manetualain, fo basa hataholi Manetualain-na. Ta hapu fo matea ba'eneu Au fa.