BILANGAN 11:17 - Susula Malalaok Hehelu Palak Ma Hehelu Beuk

¹⁷ Neukose Au kona mai, fo Au kokolak os nai mamanak ndia, ma Au fe basa o, Au koasang-nga seli ndia, neukose Au fen leo sila neu. Soona ala bisa lu'a-lepa fali o, soaneu leoina ia, fo daenga boso o mesam-ma lu'a-lepan.

BILANGAN 11:17 Referans Kwoze

SEMUEL SUSULAK-KA ESAN-NA 10:6

Nai hatematak ndia boe, neukose Manetualain Duladalen-na koasa o, fo neukose o tunga hataholi sila-la fofoti-lolongen ma eekin-nala, boema ala fe o ha'da-palii beuk, nalosa o masafali da'di hataholi fe'ek.

BILANGAN 11:25

Boema Manetualain kona nai ko'as dale, de Ana kokolak no Musa. Manetualain ho'in-na koasa fo Ana fe basa Musa seli ndia, de Ana fen leo mauli-malangan ka hituhuluk sila-la neu. Lelek Manetualain Duladalen-na kona neu hataholi sila-la lain boema, ala mulai laloo beebou sama leo nabi-a, tehu ta dook-ka fa.

1 KORINTUS 2:12

Ma dula dale daebafak ndia, ta nanafek neu ita fa, te Dula Dalek fo maneme Manetualain mai a dei, fo ela ita bubuluk hata fo Manetualain ba'e-pala basan neu ita.

2RAJA-RAJA 2:9

Ala losa lee selik boema, Elia nafa'da Elisa nae, “Moke hata fo, o mahiik-kana neme au mai leona, beidai Manetualain beita so'u au, fo au la'oela o fa!” Boema Elisa nataa nae, “Makona Ama koasan-na leo au mai, fo ela au nggati Ama.”

YOEL 2:28

“Basa ndia soona, neukose mate'en-na, Au po'a Au Duladaleng-nga neu basa hataholi lala'en-na. Soona, neukose emi anatou-anainam landuku-lalosak Au hala hehelung-ngala, emi neukose emi lasi-lasim-mala hapu me'is, neukose, Au fe ninitak neu ta'eanak-anafe'oanak,

2RAJA-RAJA 2:15

Nabi ka limahuluk, fo manai Yerikho sila-la, litan boema, lafa'da lae, “Elia koasan-na, lali leo Elisa neu so!” Boema, ala mai, de ala senek leu matan-na,

ROMA 8:9

Tehu emi ta maso'da tunga hataholi daebafa ka ha'da-paliin fa. Emi maso'da tunga Manetualain Dula Dale na, fo metema tete'e ka soona, Manetualain Dula Dale na koasa nai emi dalem dale te'e-te'e. Hataholi fo Kristus Dula Dale na ta nai dalen dale fa soona, Kristus hataholin ta ndia fa.

1 TESALONIKA 4:8

Hataholi see ka nde, ana ta sipok nanolik ia la fa soona, ana ta tipa hataholi daebafak ndia fa te, ana tipa Manetualain fo mana fe emi Dula Dale malalao na, nde ndia.

NEHEMIA 9:20

O manolis menik O koasa malolem-ma La'a manna ma linu oe losa su'di bebe'ik-ka.

KELUARAN 18:22

Madenus, fo ala tao-no'i da'di leo leoina ia manakee-manafulan, nai esa-esak baba'en-na dalek. Sila muse lakalala'ok bela-ba'uk ndia, no malole. Bole leni dede'a matua-la leo o mai, tehu sila laketu-lala'di aon dede'a nale'a-napilik anak-kala. Neukose, enok ndia tao namada'du o bela-ba'um, nanahu ala lu'a-lepa fali o, nai o bela-ba'um-ma dalek.

YUDAS 1:19

Hataholi sila nde lini nasi'da-naba'e ka. Nana Manetualain Dula Dale na, ta koasa hataholi sila la fa, te hihi-nanau daebafa ka nde, koasa hataholi sila la.

1 PETRUS 1:22

Hu ka nde emi tao tunga Manetualain nanoli nala, de emi tao balisi emi ao ina mala, ma emi sue-lai hataholi fo emi namahehelek esa, no dale ndoos. Hu ndia de, ela leo bee na emi masue-malai ao no dale katema tuak.

BILANGAN 12:5

de Manetualain kona nai dii ko'as dale mai. Manetualain napadeik neu Lalaa Teman-na lelesun-na, de naloo Harun boema Miryam. Boema duas tutulumatak,

KELUARAN 19:20

Manetualain kona nai Letek Sinai poin-na, de naloo Musa, fo neu leo letek ndia poin-na neu. Boema Musa kae neu,

KEJADIAN 11:5

Boema, Manetualain kona mai, fo Ana mete kota, ma uma puni madema fo, hataholi daebafak-ka tao-nak ndia.

YOHANIS 7:39

Yesus kokolak la'eneu see namahelen soona, neukose ana sipo Manetualain Dula Dale na. Nanahu lelek ndia, Manetualain beita fe Dula Dale na mai fa. Hu ka nde Yesus beita nananamatutua-namadedemak ninik mamate na fa.)

YOHANIS 3:13

Ta hapu hataholi esa, ana kae leo nusa so'da ka neu boen, ka'da ka Ndia fo manakona leo daebafa ka mai, fo nde Ana Hataholi ka.

YESAYA 44:3

Nana, neukose Au fe oe leo dae tuuk-ka neu, ma Au fe lee-la, ala faa lai dae tokotik-kala. Neukose, Au fe Au koasang-nga, neu o tititi-nonosim, ma Au fe o upu-anam, baba'e-papalak.

BILANGAN 27:18

Boema, Manetualain nafa'da Musa nae, “Maloo Yosua, fo Nun anan-na. Ndia hataholi esa, bafa da'uk. Tao o limam-ma neu langan lain.

BILANGAN 12:8

Ma Au kokolak on, matak no matak, no mangale'dok, te ta no neneuk fa. Nakalenak, nita Au mata-panang so boe! Tao le'e de, emi mapalani la'ban Musa, fo Au atang ndia?”

KELUARAN 34:5

Boema Manetualain kona mai nai ko'as esa dalek; napadeik no Musa nai mamanak ndia, de nafa'da na'de malalao-malalafun, fo nde Manetualain.

KELUARAN 19:11

Binesak te, sila muse laheheleaon basa so. Nai faik ndia, neukose Au kona leo Letek Sinai lain u, nai mamanak fo nai bee, basa hataholi-la bisa lita Au.

KEJADIAN 18:33

Lelek Manetualain kokolak basa no Abraham boema, Ana la'o, ma Abraham fali ne'un leo uman neu.

KEJADIAN 17:22

Manetualain nafa'da basa nae leondia boema, Ana la'o ela Abraham.

KEJADIAN 17:3

Boema, Abram senek, de basa boema, Manetualain nafa'da nae,

KELUARAN 18:18

No enok ndia, o tao masota o aoinam-ma mesak-kana, ma hataholi sila-la boe. Tatao-nono'ik sila-la belan-na seli soaneu o, neukose o mesam-ma ta bisa tao-no'i fan.

YESAYA 63:11

Boema ala nafandele-la, tepo lelek makahulun-na, Musa, fo Manetualain atan-na, tepo lelen-na. Ala latane lae, “Manetualain fo, manahela-nole anan-nala mauli-malangan-nala, tunga tasi dale-a, nai bee? Manetualain fo, manafe koasan-na neus-sala, nai bee?

BILANGAN 7:89

Metema Musa neu leo Manetualain Lalaa Teman dale neu, fo ana kokolak no Manetualain soona, namanene Manetualain kokolak non neme Peti Hehelu-balataak-ka tatanan lain mai, fo Peti Hehelu-balataak ndia, nai mahahae nusa so'da ka duak-kala dodoki-dudulan tala'da.