BILANGAN 10:29 - Susula Malalaok Hehelu Palak Ma Hehelu Beuk

²⁹ Musa nafa'da palan Hobab, fo Rehuel hataholi Midian ndia anan-na nae, “Neukose ami la'o leo mamanak fo tunga Manetualain nafa'dan-na nae, neukose Ana fen neu ami. Manetualain helu basa hata fo malole, soaneu hataholi Israel-la. Da'di, tunga ami leona, te neukose ami tao malole soaneu o.”

BILANGAN 10:29 Referans Kwoze

KEJADIAN 12:7

Boema, Manetualain natu'du aoinan-na neu Abram, de nafa'dan nae, “Nusak ia, nde neukose Au fen neu o tititi-nonosim-mala.” Boema, Abram taon-na mei tunu-hotuk esa, neu mamanak ndia, soaneu Manetualain, fo natu'du aoinan-na neun-na.

HAKIM-HAKIM 4:11

Nai lelek ndia, Heber, fo hataholi Keni esa, ta nakabubua no leoinan-na fa. (Leoina Keni nde been-na, Hobab, fo Musa kelan-na, tititi-nonosin.) Heber neu pasak basa lalaa teman-nala deka no ai terpentin manai Zaanaim-ma so, ta dook-ka neme Kedes mai fa.

KELUARAN 3:1

Nai lelek ndia, Musa foo aliaman Yitro, fo imam nai dae Midian-na, bi'ilopo bi'ihiin. Lelek ana foo neni bana sila leo moo solokaek-ka selik neu boema, ana losa Letek Sinai, letek fo malalao-malalafuk.

KELUARAN 2:18

Lelek ala fali le'us boema, anafe'oanak sila-la aman natane nae, “Tao le'e de, faik ia emi fali ma'im-ma no lai-laik nanseli?”

KEJADIAN 32:12

Mafandendelek te, Manetualain helu basa, nae neukose Amak-ka ito-ato basa hata lala'en-na no malole soaneu au, ma Amak-ka fe au tititi-nonosik makadotok. Ta hapu hataholi esa boen, hapu leke-nala fan, nanahu dede'un-na sama leo solokaek manai tasi su'un-na.”

NINITAK 22:17

Manetualain Dula Dale na ma Penganten Ina ka lafa'da lae, “Mai leona!” Basa hataholi fo lamanene dede'ak ia boeo, muse lafa'da lae, “Mai leona!” See fo ana maa ma'da soona, ela leo bee na ana mai! Ma see fo nahii kana soona, ela leo bee na ana ho'i oe fo manafe maso'dak ndia no ta bae fa.

IBRANI 6:18

Dede'ak dua ta hapu lasafali fa: Tao leo bee o Manetualain ta nasapepeko la'eneu hala hehelu na, ma soo-supan fa. Hu ndia de, ita fo tasulu-tahapa basa neu Manetualai na, nanafe manggate balakaik soaneu ho'u tahehele neu namahenak, fo nanabetubalak nai ita mata na.

TITUS 1:2

Nanolik ndia nae, hu no namahehena ka de, neukose ita hapu so'da matetu ka, ma mana ketu basa ta ka. Manetualain helu basa so'dak ndia ndek daebafa ka beita da'di fa Manetualain ta nasapepeko-nasandandali fa.

HATAHOLI 7:5

Nai lelek ndia, Manetualain ta fe Abraham dae ia bibianak faa anak boen, fo ana taon da'di ndia dae pusakan boen; tenga esa boeo, Ana ta fe fan. Tehu Manetualain helu nae, neukose Ana fe dae ndia neu Abraham, fo ana da'di Abraham no tititi-nonosi nala pusakan. Ndia te Abraham anan beita.

YEREMIA 50:5

Neukose sila latane enok mana neu leo Sion, boema ala la'ok leo ndia leu. Neukose ala tao hehelu mate'ek lo au ma ami ho'u mahele.

YESAYA 2:3

basa-basas lafa'da lae, “Mai fo, ata kae leo Manetualain Pupukun lain teu, leo Israel Manetualain Uman-na teu. Neukose nanoli ita hata fo ita muse taon. Neukose ita tunga enon-na, nana Manetualain nanolin-na, ana mai neme Yerusalem mai, Ana kokolak neme Sion mai.”

MAZMUR 34:8

Manetualain ata nusa so'dan-na, nanea hataholi fo kamahehelek-ka, ma Ana soi-po'is leme soe-a mai.

SEMUEL SUSULAK-KA ESAN-NA 15:6

Boeo, ana haitua fe hataholi Keni-la hala nasanene'dak nae, “La'o leona, fo la'oela hataholi Amalek-kala, fo daenga au boso taoisa emi sama-sama moos, nana makahulun-na emi bei-ba'i kaim-mala, tao basa tia-laik loo hataholi Israel-la, nai lelek hataholi Israel-la mai leme Masir mai.” Boema hataholi Keni-la la'oela mamananak ndia.

HAKIM-HAKIM 1:16

Musa aliaman-na, tititi-nonosin fo nde hataholi Keni-la tunga, leo Yehuda, de ala kalua leme Yerikho, fo kota kurma ndia mai, de leu leo nusa tokotiik-ka nai Arad boboan kona, fo nai Yehuda. Ala leo lahele leme naa, loo leoina Amalek-kala.

BILANGAN 23:19

Manetualain ta sama leo hataholi daebafak-ka fa, fo mu'dak la'iesak-kana, nasasale dale, ma Ana hii nasapepeko-nasandandali. Metema, Manetualain helu soona, tao leo bee-o, Ana tao natetun! Metema Ana kokolak soona, tao leo bee-o, neukose ana da'di!

KELUARAN 18:27

Basa boema, Musa po'i Yitro fali leo nusan-na neu, boema Yitro fali ne'un leon-na.

KELUARAN 18:1

Musa aliaman-na na'de Yitro, fo imam nai Midian, namanene basa hata lala'en fo Manetualain tao-no'in soaneu Musa ma leoina Israel-la, nai lelek nauli-nalangas kalua leme Masir mai.

KELUARAN 3:8

Hu ndia de, Au kona u, fo soi-po'is leme hataholi Masir-ra liman mai, fo Au os kalua leme nusak ndia mai, leo nusa maloaina esa neu. Daen-na kamasu'ik ma nalole, de besak ia, leoina Kanaan, leoina Het, Amori, Feris, Hewi ma Yebus ala leo lai nusak ndia.

KEJADIAN 15:18

Nai lelek ndia boe, Manetualain tao hehelu-balataak no Abram. Manetualain nae, “Au helu ae neukose, Au fe dae ia lala'en-na neu o tititi-nonosim, mulai neme too no nusa Masir-ra, losa Lee Efrat-ta,

KEJADIAN 13:15

Neukose Au fe basa dae, fo o mitak ndia neu o, ma neu o tititi-nonosim, fo ela ana da'di o pusakam losa dodoon-na.

KELUARAN 6:4

Au amanene basa hataholi Israel-la hoo-ngu'un, fo leoina Masir-ra taos da'di ata, boema Au afandele neu Au hehelu-balataang ndia.

KELUARAN 18:12

Basa boema, Yitro neni bana tutunu-hohotu nanatunuk, ma bana tutunu-hohotu nanado'dok de'ubee, fo da'di leo tutunu-hohotuk fe Manetualain. Harun ma basa leoina Israel-la mane leon-nala mai, de la'a sama-sama loo Yitro nai Manetualain matan.

BILANGAN 10:28

Metema, hataholi Israel-la lali mamanak soona, solda'dun-nala bubuak esa la'o, fo basa soona, bubuak esa tunga. Ito-aton leondiak.

ULANGAN 4:40

Tunga la'iesak hoholo-lalanek fo au fen neu emi nai faik ia, soona emi ma emi tititi-nonosim neukose maso'da no tetu-temak, ma emi maso'da makandoo nai emi Manetualaim-ma fe emi nusak-ka losa dodoon-na.”

ULANGAN 30:5

Boema, emi hapu falik dae fo makahulun-na, emi bei-ba'i kaim-mala leo-nana. Fo Ana fe emi maso'da no tetu-temak seluk, ma emi mamade'u lena heni emi bei-ba'i kaim-mala.

MAZMUR 95:1

Mai fo, ata takamee ba'eneu Manetualain, eeki-tatadale, ba'eneu ita manasoi-manatefan-na!

MAZMUR 100:1

Kokoa-kikiok soaneu tutunu-hohotu makasi. Eeki-matadale leona, ba'eneu Manetualain, hai basa daebafak-ka lala'ena lemin!

KEJADIAN 17:8

Neukose, Au fe dae ia neu o, ma o tititi-nonosim, fo nde dae fo besak ia, o leon da'di leo hataholi manamai. Basa dae Kanaan-na lala'en-na, neukose da'di o upu-anam pusakan, losa dodoon-na, ma neukose, Au da'di sila Manetualain-na.”

KELUARAN 2:21

Musa nakaheik leo nai ndia. Basa boema, Yitro fe anafe'on mana'de Zipora leo Musa neu, fo duas sao.