BILANGAN 1:53 - Susula Malalaok Hehelu Palak Ma Hehelu Beuk

⁵³ Tehu hataholi Lewi-la, muse ofu okofeo-la Au Lalaa Temang-nga. Sila muse lanean, fo ela ta bole hataholi deka fan, nalosa ala tao-la Au amanasa, fo Au huku hataholi Israel-la.”

BILANGAN 1:53 Referans Kwoze

BILANGAN 16:46

boema, Musa nafa'da Harun nae, “Ho'i-ma o mamana ha'im-ma, fo ho'i ha'ikaak neme mei tunu-hotuk lain mai, fo taon leo dalek neu, ma tao boomenik neu ha'ikaak lain. Menin lai-lai leo hataholi Israel-la neu, fo tao feta sala-singok hapu do'o do ampon soaneus. Lai-lai leona! Te Manetualain nasa-melun lua ponu-ponu, ma he'di-laus mulai so.”

1 TAWARIKH 23:32

Sila boeo nanafe bela-ba'uk soaneu mete lakanae Manetualain Lalaa Temak na boema Manetualain Uman na ma soaneu tulu-fali sila tolanon nala, fo nde basa imam fo Harun tititi-nonosin nala, nai lakalala'ok makaluku-makatele dalek nai mamanak ndia.

IMAMAT 10:6

Boema Musa nafa'da Harun no ana fe'en-nala, fo nde Eleazar ma Itamar nae, “Boso po'ilotak emi langa doom-ma nanggangganu, ma boso sisii-lulu'i emi bua papakem-ma, fo matu'du mae emi susa, ma emi falu. Metema emi tao leondiak soona, neukose mate emi, ma Manetualain namanasa la'iesak hataholi Israel-la. Tehu hataholi Israel fe'ek-kala, bole falu soaneu hataholi manamatek ka duak-kala, nanahu ha'i-a neme Manetualain mai.

BILANGAN 31:47

Sama leo Manetualain paletan-na, de metema hataholi nanafook ma bana-manu limahulu soona, Musa ho'in-na esa, fo ana fen leo hataholi Lewi, fo manaito-ato Manetualain Lalaa Teman-na neu.

BILANGAN 31:30

Neme hataholi Israel-la baba'en-na mai soona, metema limahulu soona, o muse ho'i-ma esa, nau neme hataholi nanafook-kala mai, do neme sapi, keledei, bi'ilopo, ma bi'ihiik-kala mai boe. Fe basa sila-la, leo hataholi Lewi fo, manaito-ato Au Lalaa Temang-nga.”

BILANGAN 8:19

de Au fe hataholi Lewi sila-la leo Harun no anan-nala leu, fo ela lalalau-laoono hataholi Israel-la, nai Au Lalaa Temang dale. Boeo, fo ela loke Au fe do'o do ampon neu leoina Israel-la, fo ela metema ala mai deka lanseli loo mamana malalao-malalafuk ndia soona, soe bodo tuni la'e leoina ndia.”

2 TIMOTIUS 4:2

ela leo bee na, o tao mamaloa halak fo maneme Manetualai na mai a, ma boso hahae sanga enok, fo ela hataholi la lamanenen, nana hataholi nggelok nau lamanene ma nggelok ta nau lamanene fa. Ela leo bee na mafa'das fo lamahele, mafa'da sala nala, matetea-maheheles. Boso manoli hataholi no nasak.

YEREMIA 23:15

Manetualain Fo Manakoasa nafa'da nae, “Neukose Au fe basa nabi-nabi manai Yerusalem-mala sesele-bubu'u makaheduk soaneu nana'an-nala ma laso soaneu nininun-nala, nanahu ala tao-la hataholi-hataholi manamai nusak-ka lala'en-na ala ta fe ha'da-holomata mai Au fa.”

YEREMIA 5:31

nabi-la, lasapepeko-lasandandali, imam-mala, lalalau-laoono tunga sila dale hihii mesan-na, ma emi, fo Au anang-ngala, hii dede'ak ndia. Tehu metema, fai mate'ek-ka ana losa soona, neukose emi tao hata?”

2TAWARIKH 13:10

Ami mamahele mahele neu ami Manetualain ma ami ta la'oela fan. Ami imam-imam-mala nde Harun tititi-nonosin-nala nahele, ma hataholi Lewi-la tulu-fali laheles.

SEMUEL SUSULAK-KA ESAN-NA 6:19

Tehu, hu kande hataholi Bet-Semes sila-la titino leo Manetualain Peti Hehelu-balataan dalek neu, de Manetualain taonisa sila hataholin hituhulu. Boema laun-na falu, nana Manetualain fe soe matuina tuni nalas.

BILANGAN 3:38

Nai ofu dale, Musa no Harun boema anan-nala mamanan-na nai Manetualain Lalaa Teman-na uluk, fo nai boboan dulu. Ala mete-lakanae leoina Israel-la makaluku-makatelen, nai Kama Malalao-malalafuk dale. Fe'ek neme hataholi sila-la mai, su'di see boe, fo ana so'ba-so'ba tao tatao-nono'ik ndia soona, muse hukunisan.

BILANGAN 1:50

Madenus fo ala ito-ato Au Lalaa Temang-nga no oe-isin lala'en-na. Sila bela-ba'un nde, ndolo Au Lalaa Teman-nga no oe-isin lala'en-na, boema ala ito-aton. Sila muse ofu nai boboa-kaisun.

BILANGAN 1:54

Boema, hataholi Israel-la tao basa hata lala'en fo Manetualain paletan neu Musa.

BILANGAN 2:17

Basa ndia soona, leo Lewi-la ndolo Manetualain Lalaa Teman-na, fo ala la'ok nai solda'du Israel-la tala'da heon. Sama leo nai mamana ofu-a, leondiak boe ala la'ok, esa-esak nai mamanan-na tunga sila dedeon-nala.

BILANGAN 3:23

Elyasaf fo Lael anan-na, nde nalanga leo-ingu ndia. Nai leoina Israel-la mamana ofun-na dalek, leo-ingu ndia mamanan-na nai boboak muli, fo nai Manetualain Lalaa Teman-na dean-na.

BILANGAN 3:29

Elisafan fo Uziel anan-na, nalanga leo-ingu ndia. Nai ofu dale, leo-ingu ndia mamanan-na nai Manetualain Lalaa Teman-na boboan kona.

BILANGAN 3:35

Abihail fo Zuriel anan-na nalanga leo-ingu ndia. Nai ofu dale, leo-ingu ndia mamanan-na nai, Manetualain Lalaa Teman-na boboan kii.

BILANGAN 17:7

Boema, Musa pe'da ai tete'ek sila-la, nai Manetualain Lalaa Teman dale, fo nai Peti Hehelu-balataak-ka matan-na.

BILANGAN 16:9

Ade emi maedaenga, dede'a anak ia, de emi mae nai hataholi Israel-la dalek, Israel Manetualain-na hele emi, fo ela emi bole deka moon, ma emi malalau-maoono nai Lalaa Teman dale, boema emi maue-male'di soaneu hataholi Israel-la, ma malalau-maoonos do?

2TAWARIKH 13:11

Tunga-tunga fafai le'donoson ala tunu boomenik ma ala fe tutunu-hohotu nanatunuk soaneu Manetualain boema ala sadia loti tunu-hotuk Tunga-tunga le'odaen-na ala de'de banuk-kala nai banueik lilopilas-sa. Ami tunga mahele Manetualain paletan-nala, tehu emi la'oelan so.