AYUB 9:20 - Susula Malalaok Hehelu Palak Ma Hehelu Beuk

²⁰ Au lilineka, ma ta tao sala-singok fa, tehu au bafang-nga, nafa'da nae, au ta ndoos fa; basa hala-kokolak fo, au difadoong-nga kokolak-kana, nono'kabai, ana fe salak neu au aoinang-nga.

AYUB 9:20 Referans Kwoze

AYUB 34:35

nae Ayub kokolak te ta nalelak fa, ma nae dede'a kokolan sosoa-ndandaan ta.

YAKOBIS 3:2

Nasi'a ita basa tala tao salak. Tehu hataholi fo ana beita tao nita salak ninik hala-kokola na, hataholi ndia, hataholi matetu-mandaak, nana ana hapu koasa na, ao ina na lala'ena.

1 TIMOTIUS 6:5

fo nale'a-napili ka, ta hahae fa. Hataholi sila dudu'a-aafi nala lakale'o ma dudu'a-aafi nala, ta malole la so'on. Laedaenga lamasu'i neme agama mai.

LUKAS 16:15

Tehu Yesus nafa'das nae, “Emi nde hataholi fo nai hataholi fe'ek matan soona, nananitak ndos, tehu Manetualain bubuluk emi dale ma oe isin lala'ena. Nana hata fo hataholi daebafa ka nafa'da nae madema, Manetualain meten soona, kaba'oanak.

LUKAS 10:29

Tehu mese agama ndia nau tao namandoo aoina na, hu ndia de natane nae, “See ka nde au nonoo hataholing ndia?”

YESAYA 6:5

Boema, au kokolak ae, “Soe! Ketu au namahehenang-nga, nana au kokolak dede'a manggenggeok nanahu sala-singok-ka, ma au leo nai leoina-la boeo leondiak boe. Leomae leondiak boe, au ita matang Manek fo nde Manetualain Fo Manakoasa!”

AMSAL 17:20

Hataholi manatipu-daik esa, neukose ta naua-nanale fa, hataholi maa kaba'ek-ka, neukose ana hapu soe.

AMSAL 10:19

Boetai kokolak soona, boetai tao sala-singok; hataholi fo nakatatakak-na maan-na nde been-na, hataholi manatee-tenok.

MAZMUR 143:2

O atam au ia, de boso maketu-mala'di au, nana hataholi lala'ena, masalak mesa-mesan nai O matam.

MAZMUR 130:3

Metema, O mafandele ami sala-singom nakandoo soona, ou Manetualain, see kande, hapu nakatatakak-ka?

AYUB 35:16

O kokolak makandoo boeo, manada'di tak; nana, o ta bubuluk hata fo, o mafa'dak-ka fa.

AYUB 4:17

‘Ade, hapu hataholi sala tak nai Manetualain matan do ta? Ade, hapu hataholi bu'u-ba'en ta, nai Manetualain, mata memeten-na fo manamakadada'dik-kana do ta?

AYUB 1:1

Touk esa na'de Ayub, ana leo nai dae Us-sa Ana sene-do'ok, ma ana lilineka neu Manetualain. Hataholi ia, hataholi dale malole, ma ana ta tao tatao-nono'i mangalauk faaanak boen.

AYUB 9:15

Leomae au salang ta, tehu, au ta bole se'i fan, ka'da au dokodoe, susue-lalaik neme Manetualain, fo au manakee-manafulang-nga?

AYUB 9:29

Nah, metema leondiak soona, au bei paluu beek bai?

AYUB 10:15

Metema, au tao sala-singok, soona te'e-te'e, soe ba'eneu! Tehu metema, au tatao-nono'ing ndoos boeo, O mafa'da mae, au tao sala-singok ahele! Au ta apalani, botik au langang-nga fa, nana au amae'da dale he'dik, ma nananakamumulu-nakamamaek.

AYUB 14:17

Neukose, O fe do'o do ampon neu au sala-singong, ma O tu'u-tapa henis; neukose, O koka heni, au sala makahulung-ngala.