AYUB 8:7 - Susula Malalaok Hehelu Palak Ma Hehelu Beuk

⁷ O su'i-betem manamopok sila-la, sosoa-ndandaan ta, metema nakasasamak-kana no hata fo, mahani te neukose o hapun.

AYUB 8:7 Referans Kwoze

AMSAL 19:20

Metema, o nau manoli ma mamanene nanoli-nafa'dak soona, neu fai makabuin te, o da'di hataholi manatee-tenok.

AMSAL 4:18

Hataholi mangalauk-ka enon-na makahatuk, sama leo makahatuk-ka nai fai le'odaen-na. Ala lakatunu, fo ala tu'u leu, tehu ala ta bubuluk fa. Nasafalin-na, enok fo hataholi malole-a la'ok tungak-ka nde been-na, sama leo le'do-a tii mai; ana boetai mangale'dok-ka, losa mate'en-na, mangale'don-na namatua.

MATEOS 13:12

Nanahu hataholi mana manuu basa ka, neukose ala fen ba'u ka seluk, fo ana hapu nakalena. Tehu hataholi fo ta nanuu hata esa boen soona, metema bei nanuu faa anak nai ndia soona, neukose nanaho'i nak.

ZAKHARIA 14:7

Nai faik ndia, ta hapu makahatuk so'on. Neukose faik ndia, mangale'dok nahele, ma boeo nai fai le'odaen-na. Tehu ka'da Manetualain mesak-kana, nde bubuluk, faihi'da faik ndia losa.

ULANGAN 8:16

Ana fe emi koki manna neme moo solokaek-ka, fo ana da'di emi nana'am, fo emi bei-ba'i kaim-mala, beita lalelak nana'ak ndia fa. Manetualain tao basa sila-la, fo Ana so'ba emi, ma Ana taon-na emi makaloe-makadae oam-mala, fo ela neu mate'en-na, Ana tao malole soaneu emi.

2 PETRUS 2:20

Hataholi mana malelak Amak Manetualain, ma ita Mana Soi-Tefan, Yesus Kristus soona, hataholi ndia natapo'i neme basa koasa daebafak fo mana tao nanggenggeo hataholi daebafa ka. Tehu metema neu fai makabuin fo lakahihi'ik la selu kana soona, neu mate'e na te, hataholi ndia ha'da-tataon mangalau na, lenaheni ha'da-tatao makasososa na.

AYUB 8:8

O muse taoafik neu hataholi malelak, ma manatee-tenok makahulun eli, ma dodoo-tatai, hata fo basa bei-ba'i kai-la, la'ola'din.

AYUB 5:11

Ndia nde Manetualain, fo manaso'u namadema hataholi taidaek-ka, ma manataon-nala hataholi manato'a-taak-ka naua-nanale.

AYUB 42:10

Ayub hule-haladoi basa ba'eneu tia-lai ka telun-nala boema, Manetualain taon-nan, namasu'i seluk. Ana fen namasu'i diku la'i dua, neme su'i makahulun-na mai.