AYUB 8:3 - Susula Malalaok Hehelu Palak Ma Hehelu Beuk

³ Beita la'i esa fo, Manetualain tao peko-pakik, ndoos ma matetuk-ka fa; beita la'i esa fo napadedeik natetetu ndoos-sa, fo ta da'di fa.

AYUB 8:3 Referans Kwoze

2TAWARIKH 19:7

Emi muse bii-mamata'u neu Manetualain, ma tao hata esa no besa-besa, nana ita Manetualain namanasa hataholi manatao peko-pakik-ka, boso mete matak do sipo hataholi fo ana solo o dalem-ma nenik doik.”

ULANGAN 32:4

Emi manamasala'em-ma nde, Manetualain fo palani tatibatu, ue-le'din matetu-mandaak, ma basa enon-na ndoos ma matetuk. Emi Manetualaim-ma manalilinekak, ma ta masapepeko-masandandalik fa, Ana tao hata fo malole ma la'en.

KEJADIAN 18:25

Boso taomisa hataholi sala taak sila-la, sama-sama loo hataholi masalak-kala. Bosok Manetualain! Nana, metema Manetualain taon soona, tao leo bee-o, neukose hataholi sala taak-kala, nanahukuk sama-sama loo hataholi masalak-kala. Hapu nai bee, manakee-manafula lalai ma daebafak-ka, ho'i nakeketuk fo ta ndoos ma matetuk fa!”

DANIAL 9:14

O, ou Manetualain, fo ami Manetualaim, O huku basa ami nenik sua-soe fo O sadia basan so; O nakeketum-ma la'en tataas esa, ndoos ma matetuk, tehu ami ta nau mamanene O halam-ma fa.

NINITAK 16:7

Boema au amanene hala ka neme mei tutunu-hohotu ka mai nae, “Lamatuak, Manetualain fo Mana Koasa, O maketu-mala'di huhuku ka ndoos ma tunga ndo na!”

NINITAK 15:3

Boema lakamee Manetualain atan Musa ma Bi'ilopo Ana nakamee na. Lii na nae leo ia, “Lamatuak, Manetualain Mana Koasa, O tatao-nono'im ba'u na seli ma matabeuk! Manek neu basa leoina lala'ena. O tatao-nono'im nde maketu-mala'di tunga matetu na ma ndoos!

ROMA 2:5

Tehu emi langa batu ma emi ta nau oebeu dale mala fa. Hu ndia de, emi nde tao mambela seluk emi huhuku ma nai Fai Mate'e ka, metema Manetualain natu'du nasa-melun fo naketu-nala'di tunga matetu na.

YESKIAL 33:20

Leomae leondiak boe, leoina Israel-la lafa'da, lae Au tatao-nono'ing ndia, ta ndoos ma matetuk fa. Tete'ek-ka, neukose Au aketu-ala'dis, tunga sila esa-esak tatao-nono'in.”

YESKIAL 33:17

Tehu leoina ndia nafa'da, nae Au tatao-nono'ing ndia, ta ndoos ma matetuk fa! Te se'kona, sila tatao-nono'in nde, ta ndoos ma matetuk fa.

YESKIAL 18:25

Fafa'kama, nggelok lafa'da lae leo ia, ‘Manetualain tatao-nono'in ndia, salan.’ Mamanene leon, hai hataholi Israel-la lemin! Ade, Au tatao-nono'ing ndia, salan do? Emi nde sala dei.

MAZMUR 99:4

Manek fo mabe'i-balakaik, fo manasue-lai hoholo-lalanek; O mapadedeik matetu ndoos-sa so; O makalala'ok hoholo-lalanek, ma ndoos ma matetuk-ka nai Israel.

MAZMUR 89:14

O koasam-ma, ba'un-na seli, ma O be'i-balakaim anseli nanseli!

AYUB 40:8

Ade, o sanga malelesi Au ndoong ma matetung-nga, fo o soa ndoon-na, ma o fe salan-na leo Au mai do?

AYUB 35:13

Ala nggasi lapane'e lanseli, tehu manada'di tak; Ndia Fo Manakoasa, ta mete do namanene fas.

AYUB 34:5

Ayub nafa'da nae, ‘Ta hapu salak nai au fa, tehu Manetualain ta nau fe au, ndoos ma matetuk-ka fa.

AYUB 21:20

Nemen-na, fo hataholi masala-masingok-ka, ana lu'a-lepa aon sala-singon, nemen-na, fo name'da nita, Manetualain Fo Mademaina, nasa-melun.

AYUB 21:15

Ala dodoo lae, “Lalalau-laoono Manetualain soona, sosoa-ndandaan ta, ma hule-haladoi neun soona, ta hapu hata esa boen.

AYUB 19:7

Au aule-ahelu, hu kande tatao-nono'in, fo ta nanuu dale ksian ndia fa, tehu, ta hapu hataholi esa boen, taoafik neu au fa. Au ngasi ae, “Ndoos ma matetuk-ka nai bee,” tehu, ta hapu hataholi namanene au fa.

AYUB 10:3

Hapu nanalak hata, metema O tuni-ndeni leoiak, de O tu'u-tapa heni, O ue-le'dim buna-boan? Hapu nanalak hata, metema O sipok hataholi mangalauk-kala, hahapun, ma dale tutu'un-nala?

AYUB 4:17

‘Ade, hapu hataholi sala tak nai Manetualain matan do ta? Ade, hapu hataholi bu'u-ba'en ta, nai Manetualain, mata memeten-na fo manamakadada'dik-kana do ta?

AYUB 36:3

Au malelang-nga ba'uk-ka; de neukose, au pake malelak ndia, soaneu au fe buti, ae Manamakadada'dik au-a nde been-na, ndoos ma matetuk.

AYUB 36:23

See kande, bisa natu'du fen enok, do napalani kalaak-kana nae, Ana tao salak?

AYUB 37:23

Te'e-te'e, ita Manetualain, koasan-na ba'un-na seli; ita ta tapalani deka fan, Ana tao tunga ndoon-na, ma ndoos ma matetuk tataas esa; Ana beita tuni-ndeni nita hataholi daebafak-ka fa.

AYUB 19:6

Bubuluk leona, te besak ia, Manetualain fepa-li'u au, de Ana ho'un-na au, nai meobesin dale.