AYUB 8:10 - Susula Malalaok Hehelu Palak Ma Hehelu Beuk

¹⁰ Mamanene makahuluk, hataholi malelak ma manatee-tenok sila-la, dede'a-kokolan dei, ala fe o nanolik-ka nde ia nae,

AYUB 8:10 Referans Kwoze

AMSAL 18:15

Hataholi dale malole-a maa ma'da malelak-ka tataas esa; hataholi manatee-tenok-ka, ana hii hapu nanolik tataas esa.

IBRANI 12:1

Naa, la'eneu ita mesa tala soona, nai ita boboa-kaisun hapu sakasii makadotok nanseli! Hu ndia de, mai fo ata tu'u-tapaheni basa hata fo ana tao nambela ita, ma basa sala-singok fo lakadita lahele ita. Ma mai fo no te'e-te'ek teu tunga nakasusu'di ka nde ita mata na.

IBRANI 11:4

Hu ka nde namahehele ka, de Habel fe Manetualain, tutunu-hohotuk fo malole lenaheni Kain tutunu-hohotun. Nanahu namahehelen ndia, de Manetualain sipok Habel da'dileo hataholi fo malole, nana nananitak nae, Manetualain sipok tutunu-hohotun. Habel maten so, tehu hu ka nde namahehele na, de ana bei kola-kola losa besak ia.

MATEOS 12:35

Hataholi malole a, ana kokolak dede'a malole, nanahu dale na henuk no malole a. Nasafali na, hataholi mangalau ka, ana kokolak dede'a mangalauk, nanahu dale na henuk no mangalau ka.

AMSAL 16:23

Hataholi dale malole-a dudu'a-aafin, taon-na dede'a-kokolan da'di manatee-tenok, ma nanolin-na, boetai nananamahelek.

MAZMUR 145:4

Neme bobongik leo bobongik neu, neukose ala koa-kio O tatao-nono'im, ma lala tui-benga O palanim-ma.

AYUB 32:7

Au dodoo ae, emi nde muse kokolak-ka, fo see lasin-na lena soona, ana muse baba'e manatee-tenon-na.

ULANGAN 11:19

Manoli paleta sila-la, neu emi anam-mala. Kokolak moos, nai lelek emi nai uma dale, do emi nai emi leleo-lala'om-ma dalek, do nai lelek emi nai ue-le'dis dale, do nai lelek emi hahaeaom-mala.

ULANGAN 6:7

Manoli paleta sila-la neu emi anam-mala. Ela leo been-na, emi kokolak paleta sila-la, nai uma dale, ma nai emi nono hataholim-ma tala'da, nai lelek emi hahaeaom, ma nai lelek emi maue-male'di.

AYUB 8:9

Ita so'dan-na keke'uanak, te ita ta buhuluk hata-hata fa; ita fai maso'dan-na, sama leo salaok-ka.

AYUB 8:11

‘Hanoe-a, moli nai ka'da mamana oe; henak-ka moli nai ka'da dae manapepetek.