AYUB 7:2 - Susula Malalaok Hehelu Palak Ma Hehelu Beuk

² sama leo ata, fo nahiik hapu nasulu-nahapak; sama leo kuli, fo nahani sese'ba-babaek.

AYUB 7:2 Referans Kwoze

IMAMAT 19:13

Boso lumu-ese emi nonoo hataholim-ma do malaka-ma bua-lo'an. Boso ho'u mahele hataholi fo naue-nale'di fe emi-a, ngga'din-na, leomae ka'da le'odaek esa boe.

ULANGAN 24:15

Tunga faik, fo le'do beita temak fa te, emi muse bae ngga'din faik ndia dalen-na; ana namahena doik ndia, nanahu ana paluun. Metema, emi ta bae ngga'din-na fa soona, neukose ana naloo bou-bou neu Manetualain fo, noke tutulu-fafalik soaneu emi, fo emi da'di hataholi masala-masingok.

YAKOBIS 5:4

Emi ta bae hataholi mana so'ubelak manai emi tina-osi mala, ngga'di nala fa. Besak ia, mamanene hataholi sila dale haladoi na! Basa hataholi mana ketu-kolu emi tina-osim buna boa na, Manetualain fo Mana Koasa, namanene dale haladoi nala so.

MALEAKHI 3:5

Manetualain Fo Manakoasa, nafa'da nae, “Neukose Au mai neu emi, fo aketu-ala'di. Neukose no lai-laik, Au da'di sakasii neu hataholi manasuangik-kala, manahohongek-kala, manasakasii pepekok-kala, hataholi fo ana ta bae natetu hataholi mana'a ngga'di-la, ngga'din-na fa, manatuni-ndeni faluina-anamaak-kala, hataholi nusa dea, ma neu basa hataholi fo ana ta fe ha'da-holomata neu Au fa.”

YEREMIA 6:4

Neukose lafa'da lae, “Ayo, maheheleaom leona, fo ata sapu-ta, Yerusalem! Mai fo, ata sapu-tan, nai faik ia boe!” Tehu basa boema, neukose lafa'da lae, “Wah, ita ta tasi'a fa, de le'do-a sanga tenak so, salao le'donosok-ka mulai namanalu so.

MAZMUR 143:6

Au so'uk au limang-nga, fo au hule-haladoi neu O; au samaneng-nga, nahiik nanseli, natongo no O, sama leo dae tuuk-ka.

MAZMUR 119:131

Au hae kofa-kofa, nanahu au ahiik O paletam-ma.

KEJADIAN 34:8

Hemor nafa'da Yakob nae, “Au anang Sikhem susue ina anafe'on-na tu'da neu Tolanook-ka anan-na; au dokodoe fo ela Tolanok-ka fe au anang-nga loak sao nan.

AYUB 7:1

Hataholi daebafak ndia, nono'kabai de, nananakasetik, fo ana ulepo'de sanga nanalak; so'dan-na belak-ka, sama leo hataholi nanase'ba-baek esa, so'dan-na; ma

AYUB 7:3

Au so'dang-nga, neme bulak leo bulak neu, ta hapu mate'e-mahanin fa; neme le'odaek leo le'odaek neu, au daleng-nga, henuk no dale he'dik-ka.

YUNUS 4:6

Boema, Manetualain nakamomolik aiana malolongek esa, fo nasulu Yunus nalosa Yunus namahoko. Memak, Yunus namahoko nanseli neu aiana ndia.