AYUB 6:14 - Susula Malalaok Hehelu Palak Ma Hehelu Beuk

¹⁴ Nai doidosok leo ia-ka dalek, au amahena neu tia-lai malole. Ade, au bei lilineka ahele, do au afandele heni Manetualain Fo Manakoasa so do?

AYUB 6:14 Referans Kwoze

AMSAL 17:17

Tia-laik esa, lilineka tataas esa neu nonoon-na, ma ana da'di tolanook esa, nai toto'a-tataan-na dalek.

GALATIA 6:2

Ela leo bee na, emi matulu-mafali ao nai hataholi toto'a-tataa na dalek, fo ela no enok ndia de, emi tao tunga Kristus paleta na.

1 KORINTUS 12:26

Metema limak-eik esa doidoso soona, basa lima-ei fe'e kala boeo doidoso; ma metema lima-eik esa nanakoa-kiok soona, basa lima-ei fe'e kala boeo tunga namahokok.

ROMA 12:15

Mamahoko mo hataholi manamamahoko kala, ma kii mo hataholi manakii kala.

LUKAS 23:40

Tehu hataholi mangalauk esa ka ana ka'i nonoon ndia nae, “Ade o ta bii Manetualain fa do? O nanahukuk sama-sama leo Ndia boe.

IBRANI 13:3

Mafandendelek leona te, hataholi manai bui dale la, nono'ka bai emi boeo nai bui dale sama-sama mos. Ma hataholi-hataholi fo ala tao su'dibebe'i ka lo sala, ela leo bee na emi mafandeles, nono'ka bai ala tao emi leondiak boe.

2 KORINTUS 11:29

Metema hapu nggelok tapandoe soona, au boeo ame'da tapandoe. Metema hapu nggelok tu'da leo sala-singo ka dalek leu soona, au dale nga nakalulutuk.

AYUB 19:21

Hai, au tia-laing-ngala lemin, sue-lai au dei nana Manetualain liman-na, fepa au.

AYUB 16:5

Neukose, au atetea-ahehele emi dalem-ma, nenik nadedenuk mata-matak-kala; au dede'a-kokolang, neukose ana fe kokoe-nanasik.

AYUB 15:4

Leouni'ka, tunga o kokolam ndia soona, ta hapu hataholi esa boen ana bii, do ana hule-haladoi seluk neu Manetualain fa.

KEJADIAN 20:11

Boema, Abraham nataa nae, “Au aedaenga, nai ia, ta hapu hataholi bii Manetualain fa, nalosa hataholi fo nahiik au saong-nga, neukose ana taonisa au.

AYUB 1:5

Metema basa feta esa soona, Ayub fo'a fafaianak tatas esa, fo ana tunu-hotu tutunu-hohotuk soaneu anan-nala esa-esak, fo ela Manetualain fes do'o do ampon. Nana Ayub dodoo nae, bole da'di anan sila-la tao basa sala-singok, ma ta lame'da fa te, lakamumulu-lakamamaek Manetualain so.

ZAKHARIA 7:9

“Teu-teu maneuk-ka, Au fe Au anang-ngala, paleta nde ia nae, ‘Emi muse maso'da tunga matetun-na, masue-malai ao, madale malole neu emi nonoo hataholim-ma.

AMSAL 25:19

Mamahele hataholi malelesik-ka, nai fai toto'a-tataak-ka, nde been-na, sama leo aale nenik nisi manggolek-ka, do la'ok nenik ei do'oeik.