AYUB 42:9 - Susula Malalaok Hehelu Palak Ma Hehelu Beuk

⁹ Elifas, Bildad ma Zofar tao hata fo, Manetualain nadenun, de Manetualain sipok Ayub huhule-haladoin.

AYUB 42:9 Referans Kwoze

IBRANI 11:8

Hu ka nde namahehele ka, de Abraham tunga Manetualain paleta na, nai lelek Manetualain nalon ma nadenun neu leo nusak fo Manetualain helu neu na. Boema Abraham la'o no ana ta bubuluk neukose neu leo bee neu fa.

HATAHOLI 9:6

Tehu besak ia fo'a leona, fo mu leo kota dale mu. Nai ndia, neukose o bubuluk hata fo o muse tao-no'in.”

HATAHOLI 10:33

Hu ndia de no lai-laik, au adenu hataholi neu nalo Tuan. Tuan dale na malole hiik, de Tuan mai so. Besak ia, ami basa-basa mala makabubua nai ia, nai Manetualain matan, fo mamanene basa hata fo Manetualain nadenu Tuan nafa'dan neu ami.”

MATEOS 7:24

“Naa, ba'eneu see fo namanene Au dede'a-kokolang ia boema ana tao tungan, soona hataholi ndia sama na leo hataholi malela ka napadedeik uma na nai batu lain.

YOHANIS 2:5

Boema Yesus inan nafa'da malalau la nae, “Metema nafa'da emi tao beek soona, ka'da tao tungan.”

YESAYA 60:14

Ni'iana manatuni-ndeni o-a, ala mai sene-do'ok, ma manamakadadaek hai o-a, neukose lakatele, neukose loke o lae, ‘Manetualain Kotan-na’, ‘Sion, fo Israel Manetualain Malalao-malalafun-na, Kotan-na’.

PENGKHOTBAH 9:7

Ayo, ka'da mu'a-minu ma mamahoko-setelee leona, minu o angol-la no namahoko-seteleek. Manetualain nakahe'ik, nakalenak Ana nau.

AYUB 42:8

Nah, besak ia, pa'a-ma sapi mane 7 ma bi'ilopo mane 7, fo muu leo Ayub. Basa soona, tunu-hotu bana sila-la, da'di leo tutunu-hohotu nanatunuk, soaneu o aoinam-ma. Neukose, Ayub hule-haladoi ba'eneu emi, de neukose, Au sipok huhule-haladoin. Leomae emi mandaa sipo huhukuk, tehu neukose, Au ta akamamaek emi fa. Emi ta mafa'da tunga ndoon-na, la'eneu Au aoinang-nga fa, tehu Ayub nafa'dan tunga ndoon-na.”

AYUB 22:27

Metema, o hule-haladoi soona, neukose nataa o, ma o bisa tao matetu basa o hehelu-balataam lala'en-na.

AYUB 2:11

Ayub tia-lain telu, lamanene susa-soe fo manatuni la'e Ayub-pa. Ayub tia-lai ka telun sila-la, nde Elifas neme kota Téman-na mai, Bildad fo hataholi Suah, ma Zofar fo hataholi Naama. Ala lalahalak, leu donge-dama Ayub, fo ala kokoe-nanasin.

AYUB 42:10

Ayub hule-haladoi basa ba'eneu tia-lai ka telun-nala boema, Manetualain taon-nan, namasu'i seluk. Ana fen namasu'i diku la'i dua, neme su'i makahulun-na mai.

YESKIAL 14:14

Leomae Noh, Danel ma Ayub, ala leo leme mamanak ndia, tehu sila telu tatao-nono'i malolen-na, hapu soi-tefa-na ka'da sila telu samanen-na mesak-kana. Au, Manetualain Fo Mademaina, nde manakokolak-ka.

KEJADIAN 20:17

Manetualain taon-na basa inak manai Abimelekh uma manen-na, manabongi tak no'u-no'u, nanahu manada'dik no Sara, fo Abraham saon ndia. Boema, Abraham hule-haladoi neu Manetualain, de Manetualain tao nalea-nahai Abimelekh, saon-na ma ata inan-nala, nalosa inak sila-la hapu bongi seluk.

AYUB 22:30

Metema, o salam ta, ma o tao tunga Manetualain hihii-nanaun soona, Ana tulu-fali o.”