AYUB 42:12 - Susula Malalaok Hehelu Palak Ma Hehelu Beuk

¹² Manetualain ba'e-pala Ayub, nenik baba'e-papalak fo manasasi kao-kaok-ka, nai bei ela fai maso'dan-na dalek, lena heni neme tepo-lelek ana beita la'o la'di susa-soe-a fa. Ayub bi'ihii bi'ilopon 14.000, onta 6.000, sapi 2.000, keledei 1.000.

AYUB 42:12 Referans Kwoze

AYUB 8:7

O su'i-betem manamopok sila-la, sosoa-ndandaan ta, metema nakasasamak-kana no hata fo, mahani te neukose o hapun.

PENGKHOTBAH 7:8

Malole lenak dede'ak esa mate'en-na, neme dede'ak ndia manakoasan-na mai; malole lenak boso haelai mamanasa, neme namatutua dalek-ka nanseli.

AMSAL 10:22

Ka'da hu kande Manetualain baba'e-papalan, de hataholi-a da'di kamasu'ik; ue-le'di no puse-laipanak-ka, ta hapu popo-tama hata-heto fa.

KEJADIAN 24:35

Manetualain ba'e-pala au tuang ndia ba'un-na seli de Ana taon-nan, da'di namasu'i hatu-hatu. Manetualain fe basan bi'ilopo, bi'ihiik, sapi, onta, keledei ma lilopilas lilofulak boe, boema ata touk ata inak.

AYUB 1:3

Fe'ek neme ndia mai boe, nanuu ata makadotok, bi'ilopo 7.000, onta 3.000, sapi 1.000, ma keledei natun lima. Dede'a keke'un-na hataholi ia nde been-na, hataholi kamasu'ik nanseli, nai laun manai nusak Dulu-a dalek.

1 TIMOTIUS 6:17

Ba'eneu hataholi kamasu'ik manai daebafak ia la, ela leo been-na, mafa'das fo ala boso koao ma boso lamahena neu hata-heto mana sapu-lalok sama leo su'i-bete sa. Sila muse lamahena neu ka'da Manetualain fo mana po'a-ngganga basa hata lala'ena fe ita, fo ta'a pake.

MAZMUR 107:38

Manetualain ba'e-bati fes, anak makadotok, ma bana-manun-nala, boetai lamade'u.

ULANGAN 8:16

Ana fe emi koki manna neme moo solokaek-ka, fo ana da'di emi nana'am, fo emi bei-ba'i kaim-mala, beita lalelak nana'ak ndia fa. Manetualain tao basa sila-la, fo Ana so'ba emi, ma Ana taon-na emi makaloe-makadae oam-mala, fo ela neu mate'en-na, Ana tao malole soaneu emi.

YAKOBIS 5:11

Loke hataholi sila la lae, hataholi maua-manalek, nana lakatatakak. Emi bubuluk basa, Ayub ta haelai namanasa fa, ma emi bubuluk, tao leo beek de neu mate'e na, boema Amak Manetualain fen baba'e-papalak. Nana Amak Manetualain ndia mana sue-laik nanseli, ma dale malole.

AYUB 1:10

O masulu-mahapa uma isin-nala, ma su'i-beten lala'en-na tataas esa. O ba'e-pala ue-le'din, ma O fen bana-manu makadotok, dai soaneu ala tao lahenu nusak-ka lala'en-na.

YESKIAL 36:11

Neukose o laum-ma, ma o bana-manum, boetai lamade'uka, fo de'u lena makasososan-na, boema ala bongi fo, upu-anan-nala makadotok nanseli. Neukose laso'da sama leo makasososan-na nai naa, ma Au fes laso'da no tetu-temak, fo emi beita hapu maso'dak leondiak-ka fa. Soona besak-ka, emi bubuluk mae Au nde, Manetualain-na

AYUB 1:2

Anatoun 7, ma anainan 3.