AYUB 4:4 - Susula Malalaok Hehelu Palak Ma Hehelu Beuk

⁴ O hala-kokolam, neni manggatek, O hela mafofo'a hataholi manamakatunuk-ka, manandole-ndakuk-ka, ma manasota-manguk-ka.

AYUB 4:4 Referans Kwoze

IBRANI 12:12

Hu ndia de, tao balakai emi limam mana ndole-ndaku mala, ma emi lungulanga mana delem ndia!

1 TESALONIKA 5:14

Tolano-tolanoo ngala lemin! Ami moke boe, fo daenga manoli-mafa'da hataholi mana pela-bale kala; matetea-mahehele hataholi mana bii-mamata'u kala; tulu-fali hataholi mana paluu tutulu-fafalik, ma boso haelai mamanasa hataholi.

AMSAL 12:18

Kokola huu-pe'da taak-ka, bisa nakahehe'dik hataholi dalen, sama leo tafaina paun; tehu dede'a-kokolak manatee-tenok-ka, nono'kabai mo'do-akidook fo nakahahaik.

MAZMUR 145:14

Manetualain tulu-fali hataholi fo, nai susa dale, ma Ana tao natetu hataholi makatelek-ka langan-na.

2 KORINTUS 7:6

Tehu ami moke makasi ba'u ka, nana Manetualain tao natea-hahele hataholi manaketu namahehena kala dale nala tataas esa; Ana tao na ami dale ma loa-loak mesan ninik Titus mamai na.

2 KORINTUS 2:7

Besak ia emi muse fe do'o do ampon neu hataholi ndia, ma fe manggatek neu selu kana, fo ela ana boso dale he'di nanseli, losa ketu namahehena na.

DANIAL 5:6

Mata-panan fula ma ana bii nanseli, nalosa lungulangan-na dele ngge'be-ngge'be.

AYUB 4:3

O manoli hataholi makadotok so, ma o matetea-mahehele hataholi tapandoes-sa dalen-na.

AYUB 4:5

Tehu besak ia, dale-he'dik-ka tunin-na o seluk; O nggenge, de o da'di hataholi manaketu namahehenak.

AYUB 29:11

Su'di see boe, metema lamanene au na'deng-nga soona, lasamanan; su'di see, fo nita au soona, ana koa-kio au tatao-nono'i maloleng-nga.

AYUB 29:25

Au nde da'di leo mauli-malangan, fo au ho'i basa nakeketuk lala'en-na, Au auli-alangas, sama leo manek-ka nai solda'dun-nala tala'da, ma au kokoe-nanasis, nai dale he'din-nala dalek.

AMSAL 25:11

Hahapuk fo, nananafa'dak nandaa no fain-na, sama leo lilopilas boak-ka, nai pinga lilofulak dale.

YESAYA 50:4

Manetualain Fo Mademaina, nanoli au kokolak, fo ela au hala-kokolang natetea-nahehele hataholi manasota-manguk-ka. Tunga-tunga fafain-na, Ana fafae nafo'a au dale hihiing-nga soaneu au amanene, nanolin ba'eneu au-a.