AYUB 38:28 - Susula Malalaok Hehelu Palak Ma Hehelu Beuk

²⁸ Ade, u'dan-na ma ama bongik do? Dinis-sa oe manati'ti-na, aman nde see?

AYUB 38:28 Referans Kwoze

YEREMIA 14:22

Leoinam-mala sosong-tatangon-nala ta hapu lakona u'dan leo daebafak-ka mai fa. Lalai-a boeo ta bisa po'a u'dan nenik koasan-na mesak-kana fa. Ka'da O nde ami mamahenak-ka. O nde tao basa sila-la ala da'di.

MAZMUR 147:8

Ndia nde, nakapepela ko'as-sa nail alai; Ana sadia u'dan, ba'eneu daebafak-ka, ma Ana fe na'u-la, moli lai pupukuk-kala.

MATEOS 5:45

fo ela emi Amam manai nusa so'da ka, Ana tao emi da'di Ndia anan. Nanahu Manetualain sue-lai hataholi malole a ma hataholi mangalau ka boe. Ana fe hataholi mana tao ndo sa ma hataholi mana tao mangalau ka u'dan no'u-no'u.

AMOS 4:7

Au kena-ka'i u'dan-na nai lelek emi bubu'a-palusam-mala paluu oe. Au akona u'dan leo kota esa neu, tehu kota fe'ek-kala ta. Tina esa hapu u'dan, tehu tina fe'ek-kala lamatuu.

YOEL 2:23

Hai laun Sion-nala lemin, mamahoko-setelee leona! Mamahoko ma eeki-matadale! nanahu basa malole lala'en-na ala mai leme Manetualain, fo emi Manetualaim mai. Ana fe emi u'dan, nai fai hanas mate'ek-ka. Ana fe u'dan-na mai, nai fai makasufun-na, boeo nai fai sele-ngalik-ka, sama leo fai makahulun-na.

HOSEA 14:5

Manetualain nafa'da nae, “Au aloo falik Au anang manatao tofa-tafik-kala, fo Au sue-lais no dalek-katema tuak; neukose, Au ta amanasa seluk-kasa fa.

YEREMIA 10:13

Ka'da nenik paletan-na, de oe-a nadodolo nai lalai-a. Ana fe ko'as-sa neme daebafak-ka pe'dan, ma ana tao ndelas-sa lasalolo'de nai u'dan dale, boema ana haitua anin neme mamana pepe'dan-na.

YEREMIA 5:24

Emi ta mafandele mita, fo fe ha'da-holomata neu Au boen, te se'kona Au nde fe u'dan-na, nau nai makasososan-na, do nai mate'en-na boe. Au boeo nde fe emi, fai keketu-kokoluk, tunga teun.

AMSAL 3:20

No malelan-na, de Ana tao oemata-la nai dae matanggak-ka dae, fo oen-na faa boema ko'as-sa nai lalai, fo ana po'a oe-a leo daebafak-ka mai.

AYUB 38:8

See kande, kena-ketu lelesu-a, fo ana bakate'te tasi maloaina nai lelek oe-a nasapupulak, neme daebafak-ka buin-na mai?

AYUB 29:19

Au sama leo ai manaleloakak-ka, fo okan-na hapu oe, ma dinis-sa nakadoe ndanan-na.

1RAJA-RAJA 17:1

Hapu nabi esa na'de Elia. Ana da'di neme Tisbe, fo kota esa nai nusa Gilead. Faik esa boema, neu leo Mane Ahab neu de nafa'da nae, “No Manetualain fo maso'dak-ka na'den-na, fo hataholi Israel-la Manetualain-na fo au alalau-aoonon, au afa'da Tuan ae nai teuk dua do telu manamaik ia, neukose ta hapu dinis do u'dan faa anak boen, ta'da fe'e au nde afa'dan nana.”

2 SEMUEL 1:21

Hai, pupukuk Gilboa-la lemin, mamanene au hala naloong-nga: Boso nalosak, dinis-sa ma u'dan-na nakadoe emi! Nemen-na, fo emi tinam-ma, ma emi moo-mala lamatuu ma tokotiik. Nana nai naa, palani ta'ti batu-la babaa fanan-nala, ala besenggela. Ma Saul babaa fanan-na boeo, nalulutu, ta lose mina neu so'on.

ULANGAN 33:28

Soona, neukose Yakob tititi-nonosin, laso'da no tetu-temak, nai nusak fo, henuk no gandum, ma angol-la, fo dinis-sa, ana kona neme lalai mai, de ana tetees.

ULANGAN 33:13

La'eneu leo Yusuf-fa, Musa nafa'da nae, “Ela leo been-na, Manetualain fe sila daen-na, baba'e-papalak, nenik u'dan, ma nenik oe-a, neme dae dale mai.

KEJADIAN 27:39

Basa boema, Isak nafa'dan nae, “Neukose, o ta hapu dinis neme lalai mai fa, neukose, ta hapu tina manaleloakak, soaneu o fa.

KEJADIAN 27:28

Sa'di leo been-na Manetualain fe o dinis neme lalai mai, ma Ana tao na o tina-osim leloaka! Sa'di leo been-na Ana fe o gandum ma angol la sasi kao-kao!

AYUB 36:27

Manetualain nde hela oe-a, neme daebafak-ka mai, fo ana da'di ko'as, boema Ana tao nasafalin da'di u'da oe.

AYUB 36:28

Ana fe u'dan-na mai, neme ko'as-sa mai; fo Ana tee-teen leo, hataholi daebafak-ka lain neu