AYUB 37:13 - Susula Malalaok Hehelu Palak Ma Hehelu Beuk

¹³ Manetualain fe u'dan-na mai, fo ana tao nakadoe dae-a, do boeo, soaneu Ana huku hataholi daebafak-ka; fafa'kama, soaneu Ana fes lita, susue-lalain ba'un-na seli, nahele losa dodoon-na.

AYUB 37:13 Referans Kwoze

1RAJA-RAJA 18:45

Ka'da hatematak esa mesak-kana, de lalai-a nasakoko'a, ma ani matuaina mai, boema u'daina mai leon. Ahab sa'e na kaletan-na de ana fali leo Yizreel neu.

AYUB 36:31

Enon-na nde ndia, Ana fe maso'dak, neu leoina-na, ma Ana fe nana'a-nininuk manasasi kao-kaok-ka.

AYUB 37:6

Hu kande paletan-na, de salju-a tu'da leo daebafak-ka mai; ma hu kande nadedenun-na, de u'daina, ana mai.

EZRA 10:9

Basa faik telu, fo hataholi Yahudi-la, bula ka sion-na fain duahulu boema, basa touk manaleo nai nusa Yehuda, ma Benyamin-na, ala mai leo Yerusalem mai, de lakabubua lai Manetualain Uman so'dan-na. Nai lelek ndia, udaina mai. De basa hataholi-la dele bengge'be, nanahu makalenik-ka, ma boeo, nanahu nakabuak ndia sosoa-ndandaan ba'un-na seli.

2 SEMUEL 21:10

Boema Rizpa, fo Saul sao makahatun-na, ana bela si'di kalong neu batu bebelak fo, lakandondoo mamates-sala neme lain-na, de nanea naheles neme ndia. Rizpa ta la'oela mamanak ndia, mulai neme fai keketu-kokolu makasososan-na mai, losa u'dan-mai, fo nai fai hanas-sa. Ana ta fe manupui-la la'a mamates sila-la, nai fai lele'don-na, do bana makaak-kala nai fai le'odaen-na.

YOEL 2:23

Hai laun Sion-nala lemin, mamahoko-setelee leona! Mamahoko ma eeki-matadale! nanahu basa malole lala'en-na ala mai leme Manetualain, fo emi Manetualaim mai. Ana fe emi u'dan, nai fai hanas mate'ek-ka. Ana fe u'dan-na mai, nai fai makasufun-na, boeo nai fai sele-ngalik-ka, sama leo fai makahulun-na.

2 SEMUEL 21:14

Basa boema, natoi Saul no Yonatan ma hataholi ka hituk-kala, dui-kalun nai Kish, fo Saul aman loo-laten nai Zela, fo nai dae Benyamin-na. Ala tao basa-basan, nandaa no manek-ka paletan-na, de Manetualain sipok sila huhule-haladoin soaneu nusak ndia.

1RAJA-RAJA 18:41

Basa ndia boema Elia nafa'da Mane Ahab-a nae, “Malole lenak besak ia Ama Manek neu na'a! Ba'ihanak seluk bai te, neukose u'dan-na mai, nana ita tamanene hoo na so.”

AYUB 37:14

Hai Ayub, denge-denge ba'ihanak dei, fo mamanene leona; taoafik neu Manetualain manada'di beun-nala.

MAZMUR 65:10

O makaboboi, ma O fe u'dan neu dae ndia, O taom-ma dae ndia nalole, nalosa buna-boan sasi kao-kao. O fe lee-la, oen-nala makadotok, O sadia fes gandum hei, O sadia-ma, leondiak: