AYUB 36:11 - Susula Malalaok Hehelu Palak Ma Hehelu Beuk

¹¹ Metema, ala tunga Manetualain, ma lalalao-laoonon neun, soona laso'da no mole-dame ma tetu-temak, losa sila fai maso'dan-na, nate'e.

AYUB 36:11 Referans Kwoze

YEREMIA 7:23

Ka'da Au paletas, fo ala tunga Au, fo ela Au da'di sila Manetualain, ma sila da'di Au anang. Au adenus, fo laso'da tunga Au paletang-ngala, fo ela laua-lanale.

YEREMIA 26:13

Hu ndia de tao mahii emi so'dam-ma heheo-hihilu ma emi tatao-nono'im; nanda no tunga emi Amam Manetualaim-ma, fo ela Ana pe'da tatak dudu'an-na soaneu tao namopo-namate emi.

YESAYA 1:19

Metema, emi nau tunga Au soona, neukose emi hapu basa hata malole manai emi nusam-ma.

IBRANI 11:8

Hu ka nde namahehele ka, de Abraham tunga Manetualain paleta na, nai lelek Manetualain nalon ma nadenun neu leo nusak fo Manetualain helu neu na. Boema Abraham la'o no ana ta bubuluk neukose neu leo bee neu fa.

ULANGAN 4:30

Metema, basa soe sila-la tuni-ndeni-la emi, ma emi nai toto'a-sosotak-ka dalek, soona neukose emi fali ma'im-ma, leo emi Manetualaim-ma mai, fo emi tungan.

YAKOBIS 5:5

Emi ta to'a ta hata esa boen, ma emi maso'da nai namahoko-setelee ka dalek, nai daebafak ia. Emi hani maao emi ao paa ma, nono'ka bai de, emi mahani fai dodo'do na.

NINITAK 18:7

Fen doidosok ma dale he'dik dede'u na sama no matua-madema ma so'da manadailenak fo nanafek neu aoina na. Nana ana ka'da nafa'da tataas esa neu aoina na nae, ‘Au ia, ina manek fo mana paleta! Au ta inafalu fa; neukose au ta la'ola'di dale he'dik fa!’

AYUB 22:23

Fali leo Manetualain mai, no dale taidaek ela leo been-na, tatao-nono'i mangalauk manai o umam-ma, mate'en leona.

AYUB 22:21

Nah, Ayub, mole-dame moo Manetualain leona, fo ela o hapu nee-nee lino-linok. Metema, o tao ndia soona, tao leo bee-o, o hapu nanalak.

ROMA 6:17

Tehu moke makasi neu Manetualain! Nana makahulu na, emi da'di sala-singo ka atan, tehu besak ia emi tunga nanoli ndoos fo lanoli emi no dale katematuak.

AYUB 42:12

Manetualain ba'e-pala Ayub, nenik baba'e-papalak fo manasasi kao-kaok-ka, nai bei ela fai maso'dan-na dalek, lena heni neme tepo-lelek ana beita la'o la'di susa-soe-a fa. Ayub bi'ihii bi'ilopon 14.000, onta 6.000, sapi 2.000, keledei 1.000.

AYUB 21:11

Hataholi mangalauk-ka anan-nala, lakaboboku no namahoko-seteleek, sama leo bi'ilopo tenak-ka namahoko.

1 TIMOTIUS 4:8

Nanoli ao paa ka, sosoa-ndandaan ka'da faa anak mesa kana, tehu nanoli samane ka, sosoa-ndandaan ba'una seli nai basa dede'ak lala'ena dalek, nana isi na, hehelu balataak soaneu ita maso'dan nai besak ia ma nai fai mana mai ka.

AYUB 21:13

Labasa le'do-fain-nala, nai namahoko-seteleek-ka dalek, ma mates no mole-dame.

MAZMUR 16:11

O matu'du au, enok manaleo maso'dak-ka neu; nai O dalek, au hapu namahoko-seteleek fo, manasasi kao-kaok-ka, ma ua-nalek-ka losa dodoon-na.

MAZMUR 149:4

Manetualain dalen-na nahiik anan-nala; Ana fe hataholi dale taidaek-ka, ana sengi.

2TAWARIKH 33:13

Manetualain sipok Manasye huhule-haladoin, de Ana fe falik-kana eo Yerusalem neu fo ana paleta seluk. Hu kande manada'dik ndia de, Manasye da'di namahele nae Amak-ka nde bee na Manetualain.

MAZMUR 119:3

Maua-manalek ba'eneu hataholi fo, ana tunga Manetualain hihii-nanaun, ma ana ta tao, tatao-nono'i mangalauk fa.

AMSAL 1:33

Tehu hataholi fo mana mamanene au-a, neukose nananakaboboik. Naso'da no nee-nee lino-linok, ma ana ta paluu bii-namata'u fa.”