AYUB 34:21 - Susula Malalaok Hehelu Palak Ma Hehelu Beuk

²¹ Ana nanea besa-besa no, hataholi daebafak-ka so'dan-na, nita basa ei hahain lala'en-na.

AYUB 34:21 Referans Kwoze

AMSAL 15:3

Manetualain nita basa hata manada'dik manai mamanak lala'en-na; Ana taoafik neu basa hata fo malole, ma hata fo mangalauk.

AYUB 31:4

Tao leo bee-o, Manetualain bubuluk basa, au tatao-nono'ing lala'en-na; ma nita basa au ei nggangganing lala'en-na.

YEREMIA 16:17

Au ita basa hata fo sila taok-ka so. Ta hapu fo nananafunik ba'eneu Au fa; Sila sala-singon-nala boeo Au itan so.

AMSAL 5:21

Manetualain nita basa lala'en fo, hataholi daebafak-ka tao-no'in. Hataholi daebafak-ka neu su'di leo bee neu boe, Manetualain mete nahelek-kana.

YEREMIA 32:19

O dudu'a-dodoo fai manamaim-ma ana seli nanseli, ma O tatao-nono'im manada'dik beuk; O mita la'iesak hataholi daebafak-ka tatao-nono'in lala'en-na, de O balas-sala nanda no sila tatao-nono'in.

MAZMUR 139:23

Palisak matalolole au, ou Manetualain, ma mete besa-besa mo au daleng-nga, fola au, fo bubuluk au dudu'a-aafing.

KEJADIAN 16:13

Hagar dodoo nai dalen dale nae, “Tete'ek-ka au ita Manetualain, fo manataoafik neu au-a so?” Boema noke Manetualain, fo manakokolak non nana, nae, “Manetualain, Fo Manataoafik.”

YEREMIA 17:10

Au Manetualain, manapalisak dalek, Au su'di-dou hataholi daebafak dale bobongo anan-na, Neukose Au balas hataholi-a esa-esak tunga ndia tatao-nono'in. boema Au tao tunga sila tatao-nono'in.”

MAZMUR 34:15

Madook aoinam-ma, neme mangalauk-ka mai, ma tao-no'i hata fo malole-a, sanga enok soaneu mole-dame-a, nenik basa o be'i-balakaim lala'ena.

2TAWARIKH 16:9

Manetualain mete leo daebafak-ka lala'en-na mai soaneu Ana fe be'ibalakain neu hataholi fo manalilinekak neun. O tao nakeketu ngoak so, hu ndia de mulai besak ia, neukose o la'ola'di natee-natatik tatasesa.”

AMOS 9:8

Au, Manetualain Fo Mademaina, Au mete besa-besa o nusa Israel fo masala-masingok ia, de neukose Au tao alas mopok-kasa leme daebafak-ka poin-na mai. Tehu Au ta tao amopo-amate basa Yakob tititi-nonosin-nala fa, Au fo Manetualain nde manakokolak-ka.

AYUB 10:4

O mata memetem-ma, ta sama no hataholi daebafak-ka, mata memeten-na fa

AYUB 11:11

Manetualain nalelak hataholi fo, ana hii ka'da nasapepeko-nasandandali; nita la'i esak, sila tatao-nono'i mangalaun-na.

AYUB 13:16

Fafa'kama, hu kande au napalaning ndia, de au aso'da, nana, hataholi mangalauk-ka, neukose ta napalani, nasasalematak no Manetualain fa!

AYUB 14:16

Boema, neukose O manea au ei nggangganing lala'en-na, tehu O ta taoafik neu, au sala-singong so'on.

AYUB 24:23

Manetualain fen naso'da no mole-dame, tehu Ana ta hahae nanea fan.

MAZMUR 33:15

Ndia nde nakadada'dik sila dalen-na, de Ana bubuluk basa, sila tatao-nono'in lala'ena.

YEREMIA 23:24

Ta hapu hataholi sa boen nafuni-na ao inan-na neme Au mata memeteng-nga fa, nana Au nae mamanak lala'en-na: nai nusa so'dak-ka ma nai daebafak-ka.