AYUB 34:20 - Susula Malalaok Hehelu Palak Ma Hehelu Beuk

²⁰ Fatila'da soona, sila bisa mate no kaiboik, Manetualain huku manakoasa-la, de sila boeo, mopo-mate; Ana taonisa hataholi mabe'i-balakaik ma palani, no mu'dak la'i esak-kana.

AYUB 34:20 Referans Kwoze

2 PETRUS 2:3

Hu ka nde mese masapepekok sila la tenepeta nala de, neukose ala tui emi, sila tutui manapopo'de-papai nala, fo tao ka nde ala hapu nanalak neme emi mai. Tehu sila huhuku nala, nanasadiak doo ka so, boema momopo-mamates fo nananaketu basak soaneu sila boeo, nahani mema kasa so.

1 TESALONIKA 5:2

Nana emi bubuluk basan no mangale'dok, Lamatua ka fai mamain ndia, sama na leo nakodaa ana mai nai fai le'odae na.

HATAHOLI 12:23

No hatematak ndia boe, Lamatua ka ata nusa so'da na fapa Herodes, nana ana ta fe ha'da-holomata neu Manetualain fa. Boema kalati kala la'a Herodes de maten.

LUKAS 12:20

Tehu Manetualain nafa'dan nae, ‘Hei nggoa konei! Le'odaek ia boe, mate o, fo neukose see ka nde hapu basa su'i-betes fo o makadudulu mak sila la?’

DANIAL 5:30

Nai le'odaek ndia boe, Belsyazar fo mane Babel ndia nanataonisak.

DANIAL 2:34

Lelek Ama Manek nanganalon boema, batu matuaina esa, hataholi ta koila'e fan, tehu ana tu'da neme felak lain mai, boema napaluni-na dodoki-dudulak ndia ein fo nanataok neme besi ma dae ulek ndia mai, de lutu-lutu.

YESAYA 37:38

Nai faik esa, fo nai lelek ana bei sene-do'ok nai Lamatua Daebafak Nisrokh-ka uma sosongon dale, te anamanen Adramelekh ma Sarezer, tatilisan nenik tafaina. Basa ndia boema, lalai leo Ararat leu. Anamanen fe'en esa, na'de Esarhadon, nggatin da'di manek.

YESAYA 37:36

Le'odaek ndia boe, Manetualain ata nusa so'dan-na, ana mai leo hataholi Asyur-rala ofun-na neu, de ana taonisa solda'du lifun natun esa faluhulu lima. Balahaa fafaianak te, popolan-nala lalefu-le'ak.

YESAYA 30:13

Hu ndia de, emi masala. Emi sama leo papala nanadama mademaina, fo natandala neme lain leo dae neu; neukose no kaiboboianak, emi bala meu.

MAZMUR 73:19

Ala lakalulutuk, nai hatematak esa dalen-na, sila so'da mate'en-na, neni bibii-namata'u matuaina.

AYUB 36:20

O dalem-ma, boso nahiik le'odae makahatuk-ka, fain-na losa, leoina-la mopo-mate, fo mopok-kasa

AYUB 12:19

nakadadaek imam-mala, ma lasi nggolok-kala.

SEMUEL SUSULAK-KA ESAN-NA 26:10

No Manetualain fo maso'dak-ka na'den-na, au bubuluk ae mahani te, neukose Manetualain nde taonisa Saul, metema fai mamaten-na losa so, do metema maten nai natee-natatik dale.

MATEOS 25:6

Fatila'da boema besa ka lamanene hala ka nalo nae, ‘Mana ka'bing tou ka mai so, de mai sipo kana leona!’

ZAKHARIA 4:6

Ata nusa so'dak ndia, nadenu au, fo au anduku-alosak Manetualain hala hehelun-na nde ia, neu Zerubabel nae, “Ta nenik solda'du be'i-balakain, do boeo ta nenik o be'i-balakaim mesam-ma, neukose o sengi, tehu nenik Au duladaleng-nga dei.

AYUB 27:20

Bibii-namata'u matuaina, tuni la'en, sama leo faa matuaina, ana mai no kaiboik. Ani-sangu nai fai le'odaen-na, ana ba'u nenin.

AYUB 34:25

Nana Ana bubuluk sila tatao-nono'in; de Ana tao natu'das ma Ana tao nakalulutuk-kasa ai fai le'odaen-na.

DANIAL 8:25

Nanahu dudu'a-aafin talimo'dis, ma tipu-dain-nala neni buna-boak. Neukose ana koao-ndaeao, ma ana beita fe nakahuluk nasanene'dak fa te, neukose ana tao namopo-namate hataholi makadotok. Nakalenak napalani la'ban Manek Fo Matuaina. Tehu neukose nanatao nakalulutuk ta nenik hataholi daebafak be'i-balakain fa.

YESAYA 40:23

Ana taon-na basa manakoasa-la, mopo be'i-balakain, ma hataholi matua-madema-la, mopo koasan-nala.