AYUB 33:30 - Susula Malalaok Hehelu Palak Ma Hehelu Beuk

³⁰ fo ela Ana hapu soi-tefa-na, hataholi daebafak-ka, ma Ana fen ua-nale malole, nai maso'dan-na dalek.

AYUB 33:30 Referans Kwoze

MAZMUR 56:13

Neukose au tao atetu au hehelu-balataang neu O, ou Manetualain, ma au tunu-hotu tutunu-hohotu makasi soaneu O.

YESAYA 38:17

Neukose au dale he'ding-nga, nasafali da'di dale manatesa-tamak, O soi-tefa mala au eme soe-a mai; O fe do'o do ampon, neu basa au sala-singong-ngala mai.

AYUB 33:28

Manetualain ta nau au u leo hataholi manamatek-ka, daebafan-na u fa, nalosa besak ia, au bei aso'da.

HATAHOLI 26:18

fo tao ma mata nala lalaak, fo daenga ala kalua leme makahatuk dale leo mangale'do ka dalek, ma latapo'i leme Nitu dudungu-papaun mai, fo ela Manetualain koasa nalas. Fo no namahehelek neu Au ndia, Au fe do'o do ampon neu sala-singo nala, fo ala da'di Manetualain hataholi kamahehele nanahelek.’ ”

YOHANIS 8:12

Yesus kokolak seluk no hataholi makadotok sila la nae, “Au nde mangale'do daebafa ka. Metema see tunga Au soona, neukose ana ta la'ok nai makahatu ka dalek fa, tehu ana hapu mangale'do manafe maso'da ka.”

YESAYA 2:5

Hai, Yakob tititi-nonosin-nala lemin, mai fo ata la'ok nai Manetualain mangale'don dalek!

AYUB 33:24

Neukose, ata nusa so'dak ndia, nafa'da no dale kasian nae, ‘Se'i po'i hataholi ndia, fo boso fen kona leo hataholi manamatek-ka, daebafan dale neu. Doi sosoin-na nde ia, de po'in leona.’

AYUB 33:18

Ana ta po'ilotak-kasa, la'o la'di nakalulutuk-ka fa; nasulu-nahapas neme mamates-sa mai.

AYUB 33:31

Hu ndia de, Ayub mamanene leona, pasak o di'idoom-ma, fo denge-denge, te besak ia, au nde kokolak-ka.

MAZMUR 13:3

Au muse lu'a-lepa susa losa faihi'da, ma au daleng-nga he'dis-sa, nai lele'do katemak esa dalen-na? Musu-a koasa au losa faihi'da?

MAZMUR 49:19

Nakalenak, metema hataholi esa, ua-nalen malole nai maso'dan-na dalek, fo nanakoa-nanakiok nanahu ua-nale malolen-na soona,

MAZMUR 107:20

Ana tao nalea-nahais nenik paletan-na, ma Ana fes lala bolo mamates-sa deak.

ZAKHARIA 9:11

Manetualain nafa'da anan-nala nae, “No hehelu-balatak fo Au taon no emi, hehelu-balatak fo nanapakunisak nenik bana tutunu-hohotuk daan-na, neukose Au soi-po'i o laum fo manadoi-doso nai mamana tu'u-tapak dalek sama leo hataholi nanalongak-ka nai oedolu ma'dak dale.