AYUB 31:24 - Susula Malalaok Hehelu Palak Ma Hehelu Beuk

²⁴ Beita la'i esa fo, au asalai au deang-nga neu au hata-hetong,

AYUB 31:24 Referans Kwoze

AMSAL 11:28

See nasalai dean-na neu hata-heto soona, neukose ana tu'da sama leo akidoo tuuk-ka; tehu hataholi manatao malole-a, neukose nakapela sama leo ai nupu beuk-ka.

MAZMUR 52:7

Tehu neukose, Manetualain tao namopo-namate o, losa dodoon-na; o nanaho'u-nak ma nanalele'a-lolosok neme o umam mai, ma nanatao namopo-namatek neme hataholi maso'dak-ka, daebafan-na mai.

1 TIMOTIUS 6:17

Ba'eneu hataholi kamasu'ik manai daebafak ia la, ela leo been-na, mafa'das fo ala boso koao ma boso lamahena neu hata-heto mana sapu-lalok sama leo su'i-bete sa. Sila muse lamahena neu ka'da Manetualain fo mana po'a-ngganga basa hata lala'ena fe ita, fo ta'a pake.

1 TIMOTIUS 6:10

Nana neme dale he'di doi ka mai de, basa tatao-nono'i mangalau mata-mata kala, ala da'di. Hapu hataholi nggelok, ala usi ka'da doi ka de, ala ta nau tunga hataholi Salani ka nanoli nala so'on. Hu ndia de, doidoso ka tao nakalulutuk dale nala.

AMSAL 30:9

Nana, metema au amasu'i soona, fafa'kama au afa'da, ae au ta paluu O so'on. Ma metema, au nuu-taa hata-taak soona, fafa'kama au amanako, nalosa au tao anggenggeo O na'dem-ma.”

AMSAL 10:15

Su'i-betes-sa, nasulu-nahapa tou kamasu'ik-ka, naleu-nalaak-ka, tao nakalulutuk hataholi nuu taa-hata taak-ka.

MAZMUR 62:10

Hataholi daebafak-ka, ka'da ani hahaek esa mesan, ana matua, beli tak mesa-mesan. Metema tain soona, emi da'uk-ka, da'uk-ka lena heni, ani hahaek esa.

MAZMUR 49:17

Boso bii-mamata'u, metema hataholi esa, da'di hataholi kamasu'ik, ma hata-heton, boetai lamaba'uk-ka

KOLOSE 3:5

Hu ndia de, tao makamate emi hihii-nanau daebafam fo ana tao nakalulutuk emi maso'da ma fo nde, sosoa-piao ka, dede'a ta kandaa kala fa, nasa sasao ana masuu ka, hihii-nanau mangalau ka, ma tene peta ka, nana tene peta ka sama no sosongo-tatango ka.

LUKAS 12:15

Basa boema, Yesus nafa'da basa hataholi manai sila la nae, “Masanene'dak ma manea, fo boso nalosak emi tenepeta. Nana hataholi daebafa ka so'da na, ta tai-namahena neu ka'da su'i-bete nala fa, leomae hata-heto nala, ala sasi kao-kao.”

KEJADIAN 31:1

Yakob namanene Laban anan-nala kokolak lae leo ia, “Yakob ho'i-na basa ita aman hata-heton lala'en-na so. Basa su'i-beten sila-la, da'di neme ita aman hata-heton mai.”

MARKUS 10:23

Boema Yesus mete ana mana tunga nala de nafa'das nae, “Sosotak la'iesa kana soaneu hataholi kamasu'i ka, ana da'di Manetualain hataholi kamahehelen!”

AYUB 22:24

Tu'u heni o lilopila isim-ma; tapan leo lee ma'dak-ka, buin-na neu.

YEREMIA 9:23

Manetualain nafa'da nae, “Hataholi manatee-tenok-ka, ta bole namatutua-namadedema aoinan-na fa, hu kande manatee-tenon-na, hataholi mabe'i-balakaik-ka, hu kande be'i-balakain-na, ma hataholi kamasu'i-makabetek-ka, hu kande su'i-beten-na.

YESKIAL 28:5

Memak o dangan malelak, de besak ia, o mamasu'i hatu-hatu so, de o su'i-betem ndia, ana tao-na o koao-ndaeao!’ ”