AYUB 31:17 - Susula Malalaok Hehelu Palak Ma Hehelu Beuk

¹⁷ Beita la'i esa fo, au po'ilotak kisa-anamaak-ka namala'a-namandoe, te se'kona au nana'ang-nga dai ma lena.

AYUB 31:17 Referans Kwoze

1 YOHANIS 3:17

Metema hataholi manahapu-manadaik esa nita tolano na toto'a-tataan, tehu ana ta taoafik neu tolanon ndia fa soona, tao leo bee de hataholi ndia nafa'da nae, ndia sue-lai Manetualain?

YAKOBIS 1:27

Nana tunga Amak Manetualain mata memetena soona, hataholi mana tao tunga agama hoholo-lalanen no matetu-mandaa ka nde: tulu-fali kisa ana maa kala, falu ina mana doi doso kala, ma nanea ao ina na, fo daenga ha'da-tatao daebafa ka, boso tao nalutu namahehele na.

ROMA 12:13

Tulu-fali ma tao matetu hataholi Salani fe'ek paluu na, ma sipok emi tolanoom fo namahehelek esa leo emi umam no namahokok, leomae emi beita malela kana fa.

HATAHOLI 4:32

Basa hataholi kamahehelek sila la teikesa-dalekesa ma dudu'a-aafik esa. Ta hapu hataholi esa boen nafa'da nae, ndia hata-heton sila la ndia nuu mesan fa. La'a-pake hata-heto nala leu esa.

YOHANIS 13:29

Sila nggelok laedaenga Yesus nadenu Yudas neu asa seluk hata esa, fo ala paluun nai feta ndia, do nini fe hataholi nuu ta kala doik, nana Yudas nde ho'u sila basa-basas doi na.

LUKAS 11:41

Fo manai emi pinga-mangom dale ndia nde muse emi fen neu hataholi nuu ta-hata ta kala. No enok ndia, basa-basan neukose da'di balisi soaneu emi.

YESKIAL 18:16

do ana tuni-ndeni, do namanako su'di beek-ka. Ana fe falik hataholi mahutak-kala bua pepe'dan soaneu hutan-nala. Ana fe hataholi kamala'ak-kala, la'a, ma ana fe hataholi ba'du tak-kala, bua papakek.

YESKIAL 18:7

Ana beita tipu-dai nita, do namanako fa. Ana fe falik hataholi mahutak-kala, bua pepe'dan soaneu hutan-nala. Ana fe hataholi kamala'ak-kala la'a, ma ana fe hataholi ba'du tak-kala, bua papakek.

AYUB 22:7

O ta fe hataholi mana sota-manguk-ka, ninu fa, ma o ta fe hataholi kamala'ak-ka, nana'ak fa.

NEHEMIA 8:10

Besak ia, fali me'um-ma leona; mi'a-minu no namahokok. Fe emi nana'a-nininum ma emi angol-la seli leo hataholi manato'a-taak-ka. Faik ia, fai hehelik ba'eneu ita Manetualain-na, da'di boso dale he'di. Namahokok fo Manetualain fen neu emi-a, neukose natetea-nahehele emi.”

ULANGAN 15:14

No emi dale malolem-ma, emi muse fen su'di beek neme hata fo, emi Manetualaim-ma fen neu emi, fo nde bi'ihiik bi'ilopo, gandum ma angol.

ULANGAN 15:11

Nai hataholi Israel-la dalek, neukose hapu nahele, hataholi de'ubee nuu taa-hata taak, ma manato'a-taak. Hu ndia de, au paleta emi, fo madale malole neu hataholi sila-la.”

AYUB 31:18

Au akabobois neme bei anan-nala mai; au hela-noles nai au fai maso'dang-nga dalek.

AYUB 31:21

Fafa'kama, au tuni-ndeni hai kisa-anamaak, nana au amahele, neukose au sengi au dede'ang-nga,

ESTER 2:7

Tolanoo daen esa mata makeek, na'de Ester, ma na'de Ibrani-na, na'de Hadasa. Mate Ester ina-aman so, de Mordekhai ho'i-nan, de ana taon da'di ana palan, tehu nakaboboin sama leo ana bongin-na.