AYUB 29:13 - Susula Malalaok Hehelu Palak Ma Hehelu Beuk

¹³ Hataholi manato'a-taak nanseli-a, ana koa au, au tulu-fali inafalu-la, nalosa so'dan-nala tetu-temak.

AYUB 29:13 Referans Kwoze

FILEMON 1:7

Tolanoo Filmon ei, o susue-lalaim neu Manetualain hataholi kamahehele nala, ana tao na au amahoko ma natetea-nahehele au! Basa Manetualain hataholi kamahehele nala lamahoko so, nanahu tolanoo ka.

YESAYA 27:13

Nai lelek ndia, neukose pupuuk matua nanapuuk, fo naloo falik basa hataholi Israel fo, nanatapahenik manai Asyur ma Masir-ra. Neukose ala mai leo Yerusalem mai, fo ala sene-do'ok neu Manetualain nai pupuku malalao-malalafun-na.

AYUB 22:9

Ta ka'da, o ta tulu-fali inafalu-la fa, te o tuni-ndeni kisa-anamaak-kala boe.

YESAYA 65:14

Te'e-te'e, neukose ala eeki-latadale, tehu emi kii noi-noi.

MAZMUR 67:4

Ela leo bee-na, leoina-la koa-kio O, ou Manetualain, ela leo bee-na, basa leoina-la loke makasi neu O.

ULANGAN 26:5

Basa soona, o muse kokolak dede'ak ia-la, nai emi Manetualaim-ma matan-na mae, ‘Ou Manetualain, au bei ba'i kaing-ngala nde been-na, hataholi Aram fo, manamaleu-malaak-kala. Ana no teidalen-nala, leu leo nai Masir, da'di leo hataholi manamai. Lelek, fo ala leo naa leu-a, ka'da sila hataholi de'ubee, tehu ala da'di leoina matuaina, ma mabe'i-balakaik.

ULANGAN 24:13

tehu tunga-tunga le'odaen-na, muse fe falik-kana, fo ela ana sungu soona, ana pake. Soona neukose, ana noke makasi, fo emi Manetualaim-ma, neukose dalen-na namahoko neu emi.

ULANGAN 16:11

Nai emi Manetualain-ma matan, fo nai Ana hele mamanak-ka, emi mamahoko-setelee, sama-sama moo emi anam-mala, emi atam-mala, ma hataholi Lewi-la, hataholi nusa dea-la, faluina-anamaak fo, manaleo manai emi kotam-ma.

AMSAL 11:26

See nakaduduluk gandum soona, neukose hataholi supa-soon, tehu hataholi manamase'o gandum-ma, ana hapu kokoa-kikiok.

RUT SUSULAN-NA 2:20

Boema Naomi nae, “Anang-ngonei, hataholi ndia, bei ita teidalen. Ndia nde muse mete-nakanae ita so'dan-na. Sa'di leo been-na, Manetualain ba'e-palan. Manetualain tao natetu hehelu-balatan tataas esa, nau neu hataholi bei maso'dak-ka, do neu sila fo manamate basak-kala so boe.”