AYUB 28:20 - Susula Malalaok Hehelu Palak Ma Hehelu Beuk

²⁰ Manatee-tenok-ka, matan-na nai bee? Ita hapu dudu'a manadaik-ka, nai bee?

AYUB 28:20 Referans Kwoze

YAKOBIS 1:5

Metema hapu hataholi esa nai emi dalek, dudu'a-aafi manatee teno na beita dai fa, soona ela leo bee na, ana noke neme Manetualain mai fo neukose Manetualain fen dudu'a-aafi manatee tenok; nana Manetualain fe no dale malole ma susue-lalaik, neu basa hataholi la.

AYUB 28:12

Tehu, sanga manatee-tenok-ka nai bee? Ita hapu tanoli nai bee, fo ela ita talelak?

YAKOBIS 1:17

Basa fe fee malole ma bua palsen matetu-mandaa ka, ana mai neme nusa so'da ka mai. Fo Manetualain mana Makadada'dik basa hata masalaak manai lalai a, nde nakona nana. Ndia nde Manetualain fo, Ana ta da'di nasafafali, ma ta nini makiu-makahatuk faa ana boen.

AYUB 28:28

Manetualain nafa'da hataholi daebafak-ka nae, “Soaneu hapu manatee-enok-ka, emi muse fe ha'da-holomata neu Manetualain. Soaneu hapu dudu'a manadaik-ka, emi muse dook-ka meme tatao-nono'i mangalauk-ka mai.”

AYUB 28:23

Ka'da Manetualain mesak-kana, nde bubuluk manatee-tenok-ka, mamanan-na, ka'da Ndia nde bubuluk, enok leo naa neu-a,

AMSAL 2:6

Manetualain nde manafe manatee-tenok-ka; hataholi daebafak-ka hapu malelak ma dudu'a-aafi manadaik neme Ndia mai.

AYUB 28:21

Ta hapu mahahae maso'dak, fo nita hain so, nakalenak, manupui manai lalai-a boeo, ta nita fan.