AYUB 27:5 - Susula Malalaok Hehelu Palak Ma Hehelu Beuk

⁵ Da'di, au ta nau afa'da, ae emi ndoos fa; losa mate boeo, au akatatakak ahele, ae au ta manggenggeok fa.

AYUB 27:5 Referans Kwoze

AYUB 2:9

Saoinan-na nafa'dan nae, “Masa bole, o bei lilineka mahele neu Manetualain? Ayo, makamumulu-makamamaek-kana, fo mate leona!”

AYUB 13:15

Au daleng-nga kisak, nana ketu au namahehenang-nga so! Metema, Manetualain sanga taonisa au soona, au ta aule-ahelu fa, tehu, neukose au asala'e ha'da-paliing, nai matan-na.

GALATIA 2:11

Lelek fo Petrus bei neme Antiokia ndia, au la'ba nana no le'do-le'dok, nana tatao-nono'in sala.

AMSAL 17:15

Manetualain ta hii hataholi fo nasala'e, hataholi malelesik-ka, ma ana fe salak neu hataholi sala taak-ka.

AYUB 42:7

Manetualain kokolak basa no Ayub, boema nafa'da Elifas nae, “Au amanasa o ma o tia-lai ka duam-mala, hu kande, emi ta mafa'da tunga ndoon-na, la'eneu Au aoinang-nga fa. Tehu, Au atang Ayub, ta leondiak fa.

AYUB 32:3

Boeo, namanasa Ayub tia-lain ka teluk sila-la, hu kande ala ta bisa se'i lala Ayub hala-kokolan fa, leomae ala fe salak neu Ayub.

AYUB 29:14

Au ho'i nakeketuk soona, tunga ndoon-na, ma bu'u-ba'en ta; au apadedeik atetu ndoos ma matetuk-ka tataas esa.

ULANGAN 25:1

Metema, tou Israel dua, leu leo uman naketu-nala'dik-ka leu, fo ala kalaak dede'ak esa, boema manakee-manafula laketun, esa ta nasala fa, ma esa nasala.

2 KORINTUS 1:12

Ami mamahoko nana ami dale bobongoana ma natetea-nahehele ami nae, ami maso'dam nai daebafak ia, makasososa na ami tututi-nanatom mo emi a, ami makalala'ok basan no dale ndoos ma matetuk so. Ami tao basa sila la ta no hataholi daebafak manatee teno na fa, tehu no be'ibalakaik fo Manetualain fe ka.

AYUB 2:3

Boema, Manetualain natane nae, “Ade, o taoafik neu Au atang Ayub do ta? Nai basa daebafak-ka lala'en-na, ta hapu hataholi lilinekan ma dale malolen-na, sama leo ndia fa. Ana sene-do'ok neu Au, ma ana ta tao tatao-nono'i mangalauk makandondook fa. Ana bei lilineka nahele Au, leomae o fufu'di-oo'dok Au, fo Au tao susa-soen, no ta nanuu enon-na fa.”

AYUB 6:29

Boso ho'i nakeketuk fo, ta ndoos ma matetuk fa, mame'dak leona! Boso makamuu-makadau au, te tete'ek-ka, au salang ta.

AYUB 31:6

Nemen-na, fo Manetualain tai au, nai tatais matetuk lain, soona neukose, Ana bubuluk, nae au salang ta.

AYUB 32:1

Hu kande, Ayub namahele nanseli neu ndia ndoon-na, boema tia-lai ka telun sila-la boeo, ta nau lataan so'on.

AYUB 32:2

Tehu hataholi esa nai ndia boe, na'de Elihu, fo Barakheel anan-na, fo Bus tititi-nonosin esa nde ndia, neme teidalek Ram-ma mai Ana ta bisa nakatatakak-na nasan-na fa, hu kande Ayub nafa'da nae, ndia ndoos, ma ana fe salak neu Manetualain.

AYUB 17:9

Hataholi malole ma sala tak-ka, boetai namahele so'dan-na, eno-dalan nandaa no Manetualain dalen-na.

AYUB 31:7

Metema, au singo heni eno ndoos-sa, do au daleng-nga, nahiik dede'a manggenggeok, metema, au limang-nga naggenggeo, hu kande sala-singok-ka,

AYUB 33:9

O mafa'da mae, ‘Au malalaok, ta tao salak fa. Au bu'u-ba'em ta, ma o ta tao salak fa.