AYUB 22:28 - Susula Malalaok Hehelu Palak Ma Hehelu Beuk

²⁸ Neukose o ue-le'dim, neni buna-boak tataas esa, ma mangale'dok-ka, neukose nangale'do-na, o so'dam-ma.

AYUB 22:28 Referans Kwoze

MATEOS 21:22

Su'di beek ndia boe, fo emi moken nai emi huhule-haladoi ma dalek, soona neukose emi hapun, sa'di emi mamahele.”

MAZMUR 90:17

Ou ami Amam Manetualain, ba'e-pala ami, fo ela basa ami ue-le'dim lala'ena, neni buna-boak.

MAZMUR 20:4

Ela leo been-na, Ana nafandendelek basa o tunu-hotum, ma namahoko nenik basa o tutunu-hohotu nanatunum lala'ena.

YESAYA 30:21

Metema, emi singo heni enok-ka soona, neukose emi mamanene halan-na, neme emi deam-ma mai, nae, “Enok-ka nde ia; tunga enok ia leona.”

YOHANIS 8:12

Yesus kokolak seluk no hataholi makadotok sila la nae, “Au nde mangale'do daebafa ka. Metema see tunga Au soona, neukose ana ta la'ok nai makahatu ka dalek fa, tehu ana hapu mangale'do manafe maso'da ka.”

AMSAL 4:18

Hataholi mangalauk-ka enon-na makahatuk, sama leo makahatuk-ka nai fai le'odaen-na. Ala lakatunu, fo ala tu'u leu, tehu ala ta bubuluk fa. Nasafalin-na, enok fo hataholi malole-a la'ok tungak-ka nde been-na, sama leo le'do-a tii mai; ana boetai mangale'dok-ka, losa mate'en-na, mangale'don-na namatua.

MALEAKHI 4:2

Tehu ba'eneu emi fo manatunga Au-a, Au koasang fo manasoi-tefak-ka, neukose ana tii mai, sama leo le'do-a, de haan-na neni nakahahaik. Neukose emi matapo'i ma mamahoko, sama leo sapiana fo besak-ka ana kalua neme lalae dale mai.

RATAPAN 3:37

Metema Manetualain nape'da dale nasak hata esa fa soona, tao leo bee-o, hataholi daebafak-ka ta hapu tao hata-hata soaneu dede'ak ndia fa.

MAZMUR 112:4

Mangale'dok-ka, nasalaa nai makahatuk dale, ba'eneu hataholi manatao tunga ndoon-na, ba'eneu hataholi fo ndoos ma matetuk, manasue ma manalai.

AYUB 29:3

Ana fe au, tutulu-fafalik tataas esa, Ana fe mangale'do-na, nangale'do-na au, nai lelek au la'ok nai makahatuk-ka dalek.

YAKOBIS 4:15

Tunga ndo na, emi muse mafa'da mae leo ia, “Metema Lamatua ka nau ami bei maso'da soona, ami tao ia, tao naa.”

MAZMUR 97:11

Mangale'dok-ka, ana tii mai so, ba'eneu hataholi dale ndoos-sa, ma namahokok, soaneu hataholi, manatao tunga ndoon-na.

AYUB 11:17

Neukose, o so'dam-ma mangale'dok, lena heni fai lele'dok-ka, ma nai lelek, o so'dam-ma makahatuk-ka, neukose mangale'dok, sama leo mangale'do fafaik-ka.

AYUB 33:28

Manetualain ta nau au u leo hataholi manamatek-ka, daebafan-na u fa, nalosa besak ia, au bei aso'da.

MAZMUR 1:3

Hataholi ndia, ana hapu buna-boak nai basa ue-le'din lala'en-na dalek; hataholi ndia, sama leo ai-a ana moli nai lee su'un-na, fo naboa la'e fain-na, ma doon-na, ta male nita fa.