AYUB 2:3 - Susula Malalaok Hehelu Palak Ma Hehelu Beuk

³ Boema, Manetualain natane nae, “Ade, o taoafik neu Au atang Ayub do ta? Nai basa daebafak-ka lala'en-na, ta hapu hataholi lilinekan ma dale malolen-na, sama leo ndia fa. Ana sene-do'ok neu Au, ma ana ta tao tatao-nono'i mangalauk makandondook fa. Ana bei lilineka nahele Au, leomae o fufu'di-oo'dok Au, fo Au tao susa-soen, no ta nanuu enon-na fa.”

AYUB 2:3 Referans Kwoze

AYUB 1:8

Boema, Manetualain natanen nae, “Ade o taoafik neu Au atang Ayub do ta? Nai basa daebafak-ka lala'en-na, ta hapu hataholi lilineka leondiak, ma dalen-na malole sama leo ndia fa. Ana sene-do'ok neu Au, ma ana ta tao tatao-nono'i mangalauk makandondook fa.”

1 PETRUS 1:7

Dede'ak ia tetee-tutu'dan nde, fo ela ana da'di buti esa nae, ade te'e-te'e, emi mamahele Lamatua ka do ta. Lilopila sa hapu nalutun boeo, bei nanaso'bak ninik ha'i. Na, emi namahehele ma nde bee na, beli na lenaheni lilo pilasa, da'di muse so'ban boe, fo ela natea-nahele. Fo no enok ndia, neukose emi nanakoa-nanakiok, ma nanafe ha'da-holomata, boema nana namatutua-namadedemak nai faik fo Yesus Kristus fafali ma'i na.

YAKOBIS 1:12

Maua-manalek ba'eneu hataholi fo nakatatakak na dale na, nai lelek fo ana la'oladi sosoba-susu'di ka. Nana metema, nala sosoba-susu'dik ndia deak soona, neukose ana sipo nggadi na, fo nde maso'dak fo Manetualain helu basan neu hataholi mana sue-lai nana.

AMSAL 16:17

Hataholi malole-a, dook-ka neme mangalauk-ka mai; ma hataholi fo ana taoafik neu maso'dan-na eno-dalan-na, nasulu-nahapa aoinan-na.

AYUB 9:17

Ana tao nakalulutuk au, nai ani-sangu dale, ma Ana popo-tama au doi-dosong, tunga dale hihii mesan-na.

FILIPI 3:12

Au ta afa'da ae, au hapu buna-boan, do au matetu-mandaak so. Tehu au sanga enok akandoo, fo au hapu bua palsen fo Kristus Yesus sadia ka. Nana, hu ka nde dede'ak ndia de, Ana loso na falik au, de Ana tao au da'di Ndia nuun so.

YOHANIS 9:3

Tehu Yesus nataa nae, “Hataholi ia poken nana ta hu ka nde ndia sala-singon do ina-aman sala-singon fa, tehu fo ela hataholi a hapu nita Manetualain koasa na tao-no'i nai hataholi ia dalek.

1 PETRUS 5:10

Tehu emi doidoso basa hatematak esa soona, neukose Manetualain tao na emi da'di matetu-mandaak. Neukose Ana fe emi mapadeik metetu, ma natetea-nahehele emi. Nanahu Ndia nde bee na, Manetualain fo dale susue na, ba'u na seli. Fo nalo basa emi, soaneu emi mame'da mita matua-mademan fo, mana ketu basa ta ka, tunga Kristus.

AMSAL 15:8

Manetualain sipok hataholi malole-a huhule-haladoin; tehu Ana ta hii hataholi mangalauk-ka tunu-hotun fa.

AYUB 1:1

Touk esa na'de Ayub, ana leo nai dae Us-sa Ana sene-do'ok, ma ana lilineka neu Manetualain. Hataholi ia, hataholi dale malole, ma ana ta tao tatao-nono'i mangalauk faaanak boen.

AMSAL 14:2

Hataholi manatao tunga ndoon-na, bii-namata'u ma fe ha'da-holomata neu Amak Manetualain; tehu hataholi fo, so'dan-na ta ndoos fa, nakamumulu-nakamamaek-kana.

AMSAL 13:6

Ndoos-sa nasulu-nahapa hataholi fo so'dan-na ndoos; tatao-nono'i mangalauk-ka, tao nakalulutuk hataholi masala-masingok-ka.

AMSAL 11:8

Hataholi ndoos-sa, nala toto'a-tataak-ka deak; hataholi mangalauk-ka hapu batu nakatutunuk.

MAZMUR 41:12

Metema musu-a, ta sengi au fa soona, au bubuluk ae O mook au.

MAZMUR 37:37

Taoafik neu hataholi malole-a ma hataholi dale ndoos-sa; hataholi fo nahiik mole-dame-a, so'dan nai fai manamaik-ka, malole.

AYUB 13:15

Au daleng-nga kisak, nana ketu au namahehenang-nga so! Metema, Manetualain sanga taonisa au soona, au ta aule-ahelu fa, tehu, neukose au asala'e ha'da-paliing, nai matan-na.

AYUB 9:20

Au lilineka, ma ta tao sala-singok fa, tehu au bafang-nga, nafa'da nae, au ta ndoos fa; basa hala-kokolak fo, au difadoong-nga kokolak-kana, nono'kabai, ana fe salak neu au aoinang-nga.

AYUB 1:11

Tehu, leouni'ka, O ho'i falik su'i-beten sila-la lala'en-na soona, tao leo bee-o, ana nakamumulu-nakamamaek O tutik nenik dede'a kokolan.”

2 SEMUEL 20:20

Boema Yoab nataa nae, Ta, makandondook! Au ta anuu dudu'ak tao alutu, do tao akalulutuk o kotam-ma fa!

KEJADIAN 6:9

Noh tutuin-na nde ia. Ana toun telu, fo nde Sem, Ham ma Yafet. Noh ta tao salak fa, ma ndia ka'da hataholi esa mesa-mesak-kana, malole nai tepo-lelen-na. Naso'da teik esa-dalek esa no Manetualain.

MAZMUR 26:1

Dauk kokoa-kikion-na. Fe au ndoos ma matetuk-ka, ou Manetualain, nana au aso'da no dale ndoos. Au amahena neu Manetualain, de au daleng-nga ta naba'e faaanak boen.

AYUB 2:2

Boema, Manetualain natanen ae, “O meme bee mai?” Nitu-a nataa nae, “Au eme, au leleo-lala'ong fo aleu-alaak su'di leo bee u, fo au la'ok okofefeok daebafak-ka.”

AYUB 2:4

Tehu, Nitu-a nataa nae, “Maso'dak ma so'da-la'dak-ka, belin-na lena heni hata-heto. Hataholi daebafak-ka, nau fe heni basa hata-heton lala'en-na, sa'di ana hapu naso'da nahele.

AYUB 1:6

Faik esa boema, mahahaek nusa so'dak-kala, leu leo Manetualain leu, de nitu neu boe.