AYUB 2:11 - Susula Malalaok Hehelu Palak Ma Hehelu Beuk

¹¹ Ayub tia-lain telu, lamanene susa-soe fo manatuni la'e Ayub-pa. Ayub tia-lai ka telun sila-la, nde Elifas neme kota Téman-na mai, Bildad fo hataholi Suah, ma Zofar fo hataholi Naama. Ala lalahalak, leu donge-dama Ayub, fo ala kokoe-nanasin.

AYUB 2:11 Referans Kwoze

ROMA 12:15

Mamahoko mo hataholi manamamahoko kala, ma kii mo hataholi manakii kala.

AYUB 42:11

Basa Ayub ka'an-nala, ma feton-na, boema basa hataholi nalela palaan-nala, ala mai donge-daman, boema ala feta sama-sama lon, nai uman. Lafa'da lae sila boeo, tunga susa neu basa susa-soe lala'en fo, Manetualain fen neu Ayub, boema ala fen kokoe-nanasik. Sila esan-na, fe Ayub doik, ma ndeli lilopilas beke esak.

YEREMIA 49:7

Manetualain nafa'da nae leo ia neu Edom, “Ade hataholi Edom-mala ta hapu dudu'a-aafi neulauk fa? Hu beek nde emi manatee-tenom-mala ta fe seluk emi dudu'a-aafik! Basa sila eno dalan so!

AMSAL 17:17

Tia-laik esa, lilineka tataas esa neu nonoon-na, ma ana da'di tolanook esa, nai toto'a-tataan-na dalek.

AYUB 6:14

Nai doidosok leo ia-ka dalek, au amahena neu tia-lai malole. Ade, au bei lilineka ahele, do au afandele heni Manetualain Fo Manakoasa so do?

1 KORINTUS 12:26

Metema limak-eik esa doidoso soona, basa lima-ei fe'e kala boeo doidoso; ma metema lima-eik esa nanakoa-kiok soona, basa lima-ei fe'e kala boeo tunga namahokok.

KEJADIAN 25:2

Saon ndia, bongin-na ni'iana-la, na'den-nala nde ia: Zimran, Yoksan, Medan, Midian, Isybak, ma Suah.

YOHANIS 11:19

Hataholi Yahudi ba'u ka leu donge Marta no Maria, fo ala kokoe-nanasis, nana tolanoo na mamaten ndia.

AYUB 19:21

Hai, au tia-laing-ngala lemin, sue-lai au dei nana Manetualain liman-na, fepa au.

AYUB 6:19

Kafilah leme Syeba, ma leme Tema mai, fo ala sanga oe ndia, ma lamahena oe ndia.

1 TAWARIKH 1:32

Abraham sao makahatun-na na'de Ketura. Sao makahatun ndia, ana bongi fe Abraham anatouk-kala, de na'den-nala nde ia: Zimran, Yoksan, Medan, Midian, Isybak ma Suah. Yoksan anatoun-nala na'de: Syeba ma Dedan.

KEJADIAN 37:35

Basa anan-nala, nau touk do inak boe, ala mai kokoe-nanasin, tehu ana ta nau kokoe-nanasi fan. Nae, “Neukose au kii-makaleleu ahele au anang-nga losa au mate.” Leondiak ana falu nahele nanahu anan Yusuf.

KEJADIAN 36:15

Esau tititi-nonosin, mane leon-nala nde ia: Esau ana ulun Elifas, nde been-na, leo-leo manamaik ia-la bei-ba'i kain: Teman, Omar, Zefo, Kenas,

IBRANI 13:3

Mafandendelek leona te, hataholi manai bui dale la, nono'ka bai emi boeo nai bui dale sama-sama mos. Ma hataholi-hataholi fo ala tao su'dibebe'i ka lo sala, ela leo bee na emi mafandeles, nono'ka bai ala tao emi leondiak boe.

YESAYA 51:19

Soe matak dua, tuni-ndeni-na o; hu kande, natee-natatik-ka, de o nusam-ma nakalulutuk, ma o laum-mala, mates lo la'as-sa. Ta hapu manasue-lai, ma manakokoe-nanasi o fa.

AMSAL 27:10

Boso mafandele heni o tia-laim, do o amam tia-lain-nala. Boso moke o tolanoom-ma tutulu-fafalik, nai toto'a-tataak-ka dalek; uma titia-tataik fo manadekak-ka, sosoa-ndandaan lena neme tolanook manai dook-ka mai.

AMSAL 18:24

Hapu tia-laik fo, ana ta lilineka fa, tehu hapu nggelok malole-na seli, neme tolanook esa mai.

AYUB 42:7

Manetualain kokolak basa no Ayub, boema nafa'da Elifas nae, “Au amanasa o ma o tia-lai ka duam-mala, hu kande, emi ta mafa'da tunga ndoon-na, la'eneu Au aoinang-nga fa. Tehu, Au atang Ayub, ta leondiak fa.

AYUB 19:19

Au tia-lai maloleng-ngala, mete au soona, ala malua; au sue-lai hataholi-la, ala la'oela au.

AYUB 18:1

Boema Bildad nataa nae, “Hai Ayub, fa'ihi'da dei fo besak-ka o kokolak mate'e? Denge-denge leona, fo mamanene, besak ia, ami sanga kokolak.

AYUB 16:20

Au tia-laing-ngala, ala hakinonoli ma ala hika au; au u leo Manetualain, no kikiik, fo au oke tutulu-fafalik.

AYUB 15:1

Boema Elifas nataa nae, “Ayub, o kokolak bafa louk ndia. O hala-kokolam te'e-te'e, sosoa-ndandaan ta! Ta hapu hataholi malelak ma manatee-tenok-ka nataa, sama leo o ia fa, fo ta nasala'e aoinan-na, nenik dede'ak fo, sosoa-ndandaan ta ndia fa.

AYUB 13:4

Nana, emi mafuni emi nggoam-ma, ma emi tipu-daim-ma, emi sama leo, hataholi malelak pepekok-kala.

AYUB 8:1

Boema Bildad nae, “O kokolak mae leondia, losa faihi'da? O dede'a-kokolam, sama leo anin mangguk-ka.

1 TAWARIKH 7:22

Sila aman susa fai-faik, nalosa tolanoon-nala mai kokoe-nanasin.

AYUB 42:9

Elifas, Bildad ma Zofar tao hata fo, Manetualain nadenun, de Manetualain sipok Ayub huhule-haladoin.

OBAJA 1:9

Basa palani ta'ti batu maneme Téman mai, neukose ala bii lanseli, ma neukose mate basa solda'du Edom-mala.”

AYUB 4:1

Boema, Elifas kokolak nae, “Ayub, metema au kokolak-na, o dalem-ma ba'ihana do ta? Au ta bisa denge-denge, ala dook-ka fa.

AYUB 11:1

Basa boema, Zofar nae, “Ade, hataholi manakokolak bafa louk ndia, ta hapu natataak fa do? Ade, hataholi bafa maloa ndia, muse fen ndoos do?