AYUB 16:5 - Susula Malalaok Hehelu Palak Ma Hehelu Beuk

⁵ Neukose, au atetea-ahehele emi dalem-ma, nenik nadedenuk mata-matak-kala; au dede'a-kokolang, neukose ana fe kokoe-nanasik.

AYUB 16:5 Referans Kwoze

GALATIA 6:1

Tolano-tolanoo ngala lemin! Metema emi mita hataholi esa tao sala-singok soona, ela leo bee na emi mana maso'da nai Manetualain Dula Dale na dale ka, hela-nole hataholi ndia fo ana fali ma'in leo eno ndo sa mai. Tehu muse emi tulu-fali hataholi ndia no dale nakaloe-nakadaek, ma manea fo daenga emi boso tu'da leo tatao-nono'ik ndia dalek meu.

AMSAL 27:17

Sama leo bai-a na'a bai-a, leondiak boe, hataholi daebafak-ka, nanoli neme nonoo hataholin-na mai.

AMSAL 27:9

Sama leo mina kaboomenik-ka nandaa dale, leondiak boe, tia-laik dale malolen-na, tao napena samanek-ka.

MAZMUR 27:14

Mamahena neu Manetualain, matetea-mahehele o dalem-ma; hei, mamahena neu Manetualain leona!

AYUB 29:25

Au nde da'di leo mauli-malangan, fo au ho'i basa nakeketuk lala'en-na, Au auli-alangas, sama leo manek-ka nai solda'dun-nala tala'da, ma au kokoe-nanasis, nai dale he'din-nala dalek.

AYUB 6:14

Nai doidosok leo ia-ka dalek, au amahena neu tia-lai malole. Ade, au bei lilineka ahele, do au afandele heni Manetualain Fo Manakoasa so do?

AYUB 16:4

Leouni'ka emi nde au ia ma au nde emi soona, au boeo bisa kokolak sama leondiak boe. Au kokolak dede'ak makadotok nanseli, o emi; neukose au akakale langa.

AYUB 16:6

Metema, au kokolak soona, au doi-dosong ta naloe fa; metema au denge-denge soona, sosoa-ndandaan-na, beek?

AYUB 6:25

Hala-kokolak ndoos-sa, ana tao makasufu dalek-ka, tehu, o kokolam-ma louk soona, sosoa-ndandaan ta!