AYUB 16:4 - Susula Malalaok Hehelu Palak Ma Hehelu Beuk

⁴ Leouni'ka emi nde au ia ma au nde emi soona, au boeo bisa kokolak sama leondiak boe. Au kokolak dede'ak makadotok nanseli, o emi; neukose au akakale langa.

AYUB 16:4 Referans Kwoze

MAZMUR 109:25

Hataholi mananita au-a, nakamumulu-nakamamaek au, boema nakakale langa.

MAZMUR 22:7

Tehu au ia kalati dae, te ta hataholi daebafak fa, hataholi makadotok hakinonoli ma lakadadaek au.

RATAPAN 2:15

Basa hataholi manala'ok tunga ndia, hakinonoli o, nanahu nakalulutuk basa o lala'en-na so. Lakakale langa ma lafa'da lae, “Ade, ndia ta nde kota mana'ahiik nanseli, kota fo daebafak-ka namatutua-namadedeman do?”

YEREMIA 18:16

Nusak ia ala taon da'dik mamanak fo mangalau ina nan seli, ma ana da'di dede'a muu-dauk losa do doon-na. Basa mana la'ok tunga ndia neukose lakakale langa nau lame'da mangalauk-ka.

2RAJA-RAJA 19:21

Manetualain nafa'da nae, “Kota Yerusalem-ma hika, ma hakinonoli o, Sanherib.

1 KORINTUS 12:26

Metema limak-eik esa doidoso soona, basa lima-ei fe'e kala boeo doidoso; ma metema lima-eik esa nanakoa-kiok soona, basa lima-ei fe'e kala boeo tunga namahokok.

ROMA 12:15

Mamahoko mo hataholi manamamahoko kala, ma kii mo hataholi manakii kala.

MATEOS 7:12

Metema emi nau hataholi tao malole neu emi soona, nakahuluk emi tao malole neu hataholi dei.”

ZEFANYA 2:15

Manada'dik ndia nde neukose, ana da'di neu kota fo henuk no hika-setelek ndia, ma nafa'da nae ndia so'da-molek. Laun-nala laedaenga, sila kotan ndia, kota matuaina nanseli nai daebafak-ka. Te se'kona, kota ndia nee-nee lino-linok nanseli, ta hapu hataholi leo nai ndia fa, ka'da bana fuik-kala leo lai ndia! Hataholi see la'ok tunga kota ndia soona, neukose ana nggenge, ma aon-na ndefa kao-kao.

PENGKHOTBAH 10:14

Memak, hataholi nggoak-ka bafa maloa. Fai manamaik-ka nananafunik ba'eneu ita basa-basa-tala. Ta hapu hataholi bisa nafa'da ela manada'dik fo nai lelek ita tat-tala so.

AMSAL 10:19

Boetai kokolak soona, boetai tao sala-singok; hataholi fo nakatatakak-na maan-na nde been-na, hataholi manatee-tenok.

MAZMUR 44:14

O tao ami da'di uma titia-taik-kala kuku'e-koko'don, ala hakinonoli ma ala hika ami.

AYUB 35:16

O kokolak makandoo boeo, manada'di tak; nana, o ta bubuluk hata fo, o mafa'dak-ka fa.

AYUB 6:14

Nai doidosok leo ia-ka dalek, au amahena neu tia-lai malole. Ade, au bei lilineka ahele, do au afandele heni Manetualain Fo Manakoasa so do?

AYUB 16:5

Neukose, au atetea-ahehele emi dalem-ma, nenik nadedenuk mata-matak-kala; au dede'a-kokolang, neukose ana fe kokoe-nanasik.

YESAYA 37:22

de Manetualain nafa'da nae, “Kota Yerusalem-ma hika, ma hakinonoli o, Sanherib!

YEREMIA 48:27

Ade ta makahulun-na hataholi Israel-la ta nanahika-humek neme Moab mai ma nananakamamaek nonokabai sila nanaho'u nak mata-matak lo nakoda-la fa do?

MAZMUR 22:8

Basa hataholi manalita au-a, ala hakinonoli au, ala kolopii difadoon-nala, ma lakakale langa.