AYUB 15:8 - Susula Malalaok Hehelu Palak Ma Hehelu Beuk

⁸ Ade, o mamanene Manetualain tao dale tutu'un-na do? Ade, ka'da o mesam-ma nde, manuu hataholi daebafak-ka manatee-tenon-na do?

AYUB 15:8 Referans Kwoze

ROMA 11:34

Nai Susula Malalaok dale nanasulak nae leo ia, “See ka nde bubuluk Manetualain dudu'a-aafin? See ka nde fe nanoli-nafa'dak neu Manetualain?

YEREMIA 23:18

Au afa'da ae, “Ta hapu hataholi esa boen neme nabi sila-la, ala bubuluk hata fo manape'da-fuak nai Manetualain dudu'a-aafin dale. Ta hapu neme sila mai-a lamanene hai, ma ala bubuluk ndia dudu'a-aafi manamain-na fa; Ta hapu fo mana tao afik do mana tao malole neu ndia dede'a-kokolan boen.

1 KORINTUS 2:16

Nai Susula Malalaok dale nanasulak nae, “See ka nde bubuluk Manetualain dudu'a-aafin? Ma see ka nde napalani nanoli-nafa'da nana?” Ita nde tanuu dudu'a-aafik fo sama no Kristu sa!

YOHANIS 15:15

Au ta alo emi ae, ata so'on, ninik ata ta bubuluk lamatua na tatao-nono'in fa. Au alo emi ae tolanook, nana basa hata fo Au amanenen neme Au Amang mai a, Au afa'dan neu emi so.

MATEOS 13:35

No enok ndia, hata fo nabi la lafa'da basa ka ana da'di nae, “Metema Au kokolak o hataholi sila la soona, Au pake nakandandaak; neukose Au tui-benga dede'a nananafuni kala, mulai neme daebafak ia dada'di na mai.”

MATEOS 13:11

Boema Yesus nataa nae, “Nana Manetualain fe basa emi baba'e-babati malole, soaneu emi malelak bibila-babaak la'eneu tao leo beek fo Manetualain paleta, tehu sila soona ta.

MATEOS 11:25

Lelek ndia, Yesus hule-haladoi nae, “Amak, fo Lamatuak mana koasa lalai a ma daebafa ka! Au oke makasi neu O, nanahu basa dede'ak sila la, O bibila babaas soaneu hataholi malela kala ma hataholi malela ina la, tehu O matu'dun neu hataholi mana sakola ta kala.

AMOS 3:7

Manetualain Fo Mademaina, metema beita nafa'da dale tutu'un-na neu basa nabi la, fo atan-nala fa soona, Ana beita tao hata esa boen.

AMSAL 3:32

Nana, Manetualain ta hii hataholi manatao tatao-nono'i mangalauk-ka fa, tehu Ana dalek esa no hataholi fo so'dan-na ndoos.

MAZMUR 25:14

Manetualain nde been-na, hataholi kamahehelek-ka tia-lain, nafa'da dudu'a-aafin neus.

AYUB 29:4

Ndia nde, au fai-fai ua-nale maloleng-nga, nai lelek Manetualain, leo-napalasa no au, ma nasulu-nahapa au umang-nga.

AYUB 11:6

Fo sa'di leo been-na, nafa'da o, nae manatee-tenok ndia, enon ba'uk-ka, de hataholi daebafak-ka, ta nalelak-kana fa. Soona besak-ka o mame'da, mae o doidosom ndia, ta ba'u bee esa boen, metema, nakasasamak-kana no huhukuk fo, nandaa o sipon-nana.

ULANGAN 29:29

Ita Manetualain nafuni dede'ak de'ubee; tehu nafa'da hoholo-lalanen neu ita, de ita ma ita tititi-nonosin-nala, muse tungan losa dodoon-na.”

ROMA 11:33

Tete'e ka, Manetualain su'i-beten ba'u na seli! Tete'e ka, manatee teno na ma malela na ba'u na seli! See ka nde hapu palisak matalolole nakeketu nala? See ka nde bubuluk eno na tao leo beek fo naue-nale'di?