AYUB 12:4 - Susula Malalaok Hehelu Palak Ma Hehelu Beuk

⁴ Au nonoong-ngala, ma au tia-laing-ngala, ala hika-hume au, te se'kona, au ia ndoos, ma ta mabuu-ba'ek fa. Makahulun-na, Manetualain nataa au huhule-haladoing, neu faik bee fo, au aloo bou-bou oke tulu-fali au.

AYUB 12:4 Referans Kwoze

MAZMUR 91:15

Metema, ana naloo bou-bou neu Au soona, neukose Au ataan. Neukose Au tulu-falin, nai fai toto'a-tatan-na; ma neukose, Au atapo'in, ma Au fen ha'da-holomata.

AYUB 30:1

Tehu besak ia, hataholi muli-soluk-ka, hakinonoli au. Makahulun-na, au mete sila aman-nala matasi'da-matasaek nanseli, soaneu lanea au bi'ilopong-ngala, ma au busa manafoong-nga.

AYUB 21:3

Fe au loak, fo au kokolak bai, basa ndia soona, emi bole makamumulu-makamamaek seluk!

AYUB 17:6

Besak ia, ala kokolak holo au, nenik dede'a nakalala'dik ndia; ala mai, fo ala mu'di ape neu au mata-panang.

AYUB 17:2

Hataholi-la tao au da'di, hata fo nanahakinonolik; au itas ala kokolak hoholo hataholi.

AYUB 16:10

Hataholi-la laka'uk bafan-nala, fo ala hakinonoli au; Lakamomotu-la au, de ala tutu-fepa au ma ala fapa au nasebu'ung-nga.

IBRANI 11:36

Hapu nggelok nananakamumulu-nakamamaek, nanafiluk, nanapa'ak ninik namosina, ma nanataok leo bui dale leu.

HATAHOLI 17:32

Lelek fo hataholi sila la lamanene Paulus kokolak nae, hataholi mana mate kala laso'da falik, boema sila nggelok hika Paulus. Nggelok bai soona lae, “Ami hii mamanene tolanoo ka kokolak seluk dede'ak ndia.”

LUKAS 16:14

Hataholi Farisi la lamanene basa hata fo Yesus nafa'da kala. Boema ala hikan, nana ala hii ka'da doi ka.

MARKUS 5:40

Tehu ala hika Yesus. Boema nadenu basa-basas kalua leo deak leu de no ni'iana ndia ina aman, ma ana mana tunga katelu nala masok leo ni'iana ndia kaman dale leu.

MATEOS 27:29

Ala ane la ti'ilanga nggauk esa de ala taon neu Yesus langan lain. Basa boema lahoho'u ai tete'ek esa neu lima kona na, boema ala senek leu mata na, de ala hakinonolin lae, “So'dak neu hataholi Yahudi la Mane na!”

MIKHA 7:7

Tehu ita tamahena neu Manetualain; ita tahani ita Manetualain, no namahehele henuk. Neukose namanene ita huhule-haladoin fo Ana soi-tefa-na ita.

YEREMIA 33:3

“Maloo bou-bou neu Au, soona neukose Au ataa; neukose Au afa'da neu emi dede'ak fo neulau ina-la, ma matua-madema-la fo emi beita bubuluk fa.

AMSAL 14:2

Hataholi manatao tunga ndoon-na, bii-namata'u ma fe ha'da-holomata neu Amak Manetualain; tehu hataholi fo, so'dan-na ta ndoos fa, nakamumulu-nakamamaek-kana.

MAZMUR 35:16

Ala hakinonoli lakandoo au, ma ala mete au no nakamuu-nakadauk.

AYUB 16:20

Au tia-laing-ngala, ala hakinonoli ma ala hika au; au u leo Manetualain, no kikiik, fo au oke tutulu-fafalik.

AYUB 11:3

Ayub, o maedaenga, ami ta mataa mabe'i o fa do? O maedaenga, ami denge-denge, nanahu o hakinonolim-ma do?

AYUB 6:29

Boso ho'i nakeketuk fo, ta ndoos ma matetuk fa, mame'dak leona! Boso makamuu-makadau au, te tete'ek-ka, au salang ta.

MATEOS 9:24

nafa'das nae, “Basa-basa mala kalua leo deak meu dei! Ni'iana ia ta mate fan, te ka'da ana sungu ia.” Tehu basa-basas hika Yesus.

AYUB 9:21

Au salang ta, tehu au ta afaduli fa. Au ta hii aso'da so'on. Ba'eneu au soona, au ta paluu hata-hata so'on; manatao salak ma manatao ndoos, ua-nalen-nala sama, fo nde: neukose Manetualain tao namopo-namate duas no'u-no'u.

AYUB 12:5

Emi makamumulu-makamamaek, hataholi manahapu soe-a nai lelek emi so'dam-ma nee-nee lino-linok; hataholi fo, esabain-na ana tu'da, emi bei fepan bai.

AYUB 13:18

Au dede'ang-nga, nanasadia basak po'a-bengan; au amahele, au salang ta.

AYUB 30:9

Besak ia ala mai, de ala hika au; ma ala hakinonoli au.

AYUB 34:7

Ade, emi mita hai hataholi, sama leo Ayub ia do ta? Ana hakinonoli Manetualain la'i nono'ik.

YEREMIA 20:7

Manetualain, O fufu'di-oodok au de au nanafufu'di-oodok. O be'im-ma ba'u lena heni au, ma au akatele. Basa hataholi hakinonoli au, au nananakamu-nakadau neme fafain-na losa nosa.