AYUB 12:23 - Susula Malalaok Hehelu Palak Ma Hehelu Beuk

²³ Ana taon-na leoina-la lakapela, ma tetu-temak, boema, Ana tao namopo-namates, losa beelutu.

AYUB 12:23 Referans Kwoze

YESAYA 26:15

Ou Manetualain, O ta mamade'u ami, fo O anam-mala so, ma O tao mamaloa ami nusam-ma, hu ndia de, O nananamatutua-namadedemak.

YESAYA 9:3

O ho'i-ma lelepa mabelan-na so ma lelepak-ka neme alun lain mai. O sengi leoina manatuni-ndenik ndia fo manalumu-ese O anam-mala. Sama-na leo nai tepo-lelek makahulun eli, lelek O sengi solda'du Midian-nala.

YESAYA 60:22

Nakalenak teidalek fo, anak nanseli, ma nuu taa-hata taak-ka, neukose ana da'di leoina matuaina, ma mabe'i-balakaik. Au fo Manetualain neukose no lai-laik, tao hata esa nandaa no fain-na.”

MAZMUR 107:38

Manetualain ba'e-bati fes, anak makadotok, ma bana-manun-nala, boetai lamade'u.

ZAKHARIA 10:8

Neukose Au aloo Au anang-ngala, Au tao akabubuas da'di esa. Au soi-po'is, ma Au fes lamade'u leo makahulun-na.

YEREMIA 33:22

Neukose Au tama Au atang Dauk tititi-nonosin, ma leo Lewi-a imam-nala, de nalosa dede'un-nala boetai lamaba'uk-ka sama leo solokaek manai tasi su'un-na, ma nduk manai lalai-a fo ta hapu leke-na fan.”

YEREMIA 30:19

Ndia laun-nala neukose ala koa-kio Au nenik nakamek, ma ala eeki-latadale nenik namahokok. Au taon nana fe ha'da-holomata, te ta nananakadaek so'on, ma sila dede'un-nala boe tai lamaba'uk-ka.

YESAYA 51:2

Mafandendelek, emi bei-ba'i kaim Abraham ma Sara, fo manabongi emi-a; lelek Au aloo Abraham-ma, anan ta; boema, Au fen baba'e-papalak, ma Au fen tititi-nonosik makadotok.

YESAYA 27:6

Nai tepo-lelek manamaik-ka, leoina Israel-la, neukose sama leo ai maoka-ka, ma nakapepela boema ana taon-na daebafak-ka, henun nenik boan-nala.

KELUARAN 1:20

Boema Manetualain ba'e-pala ina ka duak fo lakabobongik inak sila, ma Ana fes tititi-nonosik, nanahu ala fe ha'da-holomata neu Manetualain. Ma hataholi Israel-la boeo, boetai lamade'u ma mabe'i-balakaik.

KELUARAN 1:7

Tehu sila tititi-nonosin fo nde hataholi Israel-la, bongi upu-anak makadotok, de lamade'u no lai-laik nanseli, nalosa ala tao lahenu nusa Masir-ra.

HATAHOLI 17:26

Neme ka'da hataholi esa mesa kana de nakadada'dik basa leoina lala'ena, boema nadenus fo ala leo lai basa daebafa ka lala'ena. Ndia boeo nde mana naketu basa neme makasososan mai a, faihi'da, ma nai bee, hataholi daebafa ka bole naso'da.

MAZMUR 107:39

Tehu ala kala, de ela ka'da lumanak, nanahu doidosok-ka, ma tuni-ndenik mabelaina.