AYUB 12:14 - Susula Malalaok Hehelu Palak Ma Hehelu Beuk

¹⁴ Hata fo, Manetualain ofe henin, soona ta bisa nafofo'a falik-kana so'on, Manetualain tao see, da'di hataholi nanafook soona, ta nana po'ik so'on.

AYUB 12:14 Referans Kwoze

NINITAK 3:7

“Neu ata nusa so'da salanik manai Filadelfia la sulakman leoiak: Ia nde halak heheluk neme Ndia fo malalaok ma matetuk. Ndia nde ho'u Dauk nggoe na. Metema Ana soi lelesu soona, ta hapu hataholi esa boen hapu kena fan, ma metema Ana kenan soona, ta hapu hataholi esa boen hapu soin fan.

YESAYA 22:22

Neukose Au pe'da Dauk uman-na, nggoen-na neu alun lain: Fo metema ana soin soona, ta hapu manakena fa; ma metema ana kenan soona, ta hapu manasoi fa.

MALEAKHI 1:4

Leouni'ka, Esau tititi-nonosin, fo hataholi Edom sila-la lae, “Ami kotam-mala, nanatao nakalulutu basak so, tehu neukose ami mafofo'a falik-kana,” soona neukose, Manetualain nataa nae, “Sila bole lafofo'a falik-kana, tehu neukose Au tao atu'un. Neukose lokes soona lae, ‘Nusak nanasoo-supak’, ma loke sila soona lae, ‘Leoina manahapu Manetualain nasa-melun, losa dodoon-na.’ ”

YEREMIA 51:58

Papala-nanadamak mahelek manai Babel-la neukose Au tao akalulutuk-kana fo ala bela leu dae. Basa lelesu ina madema-nala neukose Au de'de henis. Leoina-la sosota-mamangun sosoa-ndandaan ta, hu ka nde neukose ha'i na'a henis. Au, Manetualain Fo Manakoasa de manakokolak.”

AYUB 37:7

Ana tao nate'e hataholi daebafak-ka, ue-le'din, fo ela ala bubuluk, lae Ana bei naue-nale'di.

AYUB 19:10

Ana tao nakalulutuk basa hata fo da'di au namahehenang-nga, sama leo hataholi-a fe'a heni, bubu'u-palusa okan-na, boema ana po'ilotak-kana, male-tale.

AYUB 16:11

Manetualain fe au leo hataholi fo tatao-nono'in ta malole; Ana fe au leo hataholi mangalauk-ka liman dale neu.

AYUB 11:10

Metema, Ana ho'un-na o, fo no o leo manakee-manafulan neu, soona see kande napalani napanggenggee Ndia?

SEMUEL SUSULAK-KA ESAN-NA 26:8

Boema Abisai nafa'da Dauk nae, “Nai le'odaek ia, Manetualain fe basa o musum-ma neu o so. Fe au loak, fo au ho'i-a teen-na, fo au pau seluk-kana neu aon-na, fo ana tola losa dae lain, au pau isan nenik ka'da paun la'i esa, fo ta paluu la'i dua so'on!”

SEMUEL SUSULAK-KA ESAN-NA 17:46

Faik ia boe, neukose Manetualain fe o leo au mai; neukose au sengi o, fo au te'te heni o langam-ma. Neukose au fe o aopaam-ma, ma solda'du Filistin-nala aopaan-nala, neu manupui-la ma bana-la fo la'an. Soona basa daebafak-ka lala'en-na, neukose bubuluk, lae ami leoinam Israel, manuu Manetualain, de ami sene-do'ok-kana,

ROMA 11:32

Nana Manetualain po'ilotak basa hataholi daebafak lala'ena, langa batu ka koasa nalas, fo daenga Ana hapu natu'du susue-lalain neu basa-basas.

YEREMIA 51:64

Ma o kokolak mae, ‘Ia nde been-na neukose ana da'di neu Babel. Neukose nusak ia tenak heni ma ana ta fo'a soon hu ka nde ala hapu susa-soe neme Manetualain mai.’ ” Yeremia dede'a kokola-na nate'e losa ia.

YESAYA 25:2

Au tao akalulutuk kota ndia so; kota makota musuk ndia, ana da'di ai-batu nananaunuk, uma manek fo, hataholi nusa dea-la lafofo'ak-ka, mopok-kana so, ma ta nananafofo'a falik so'on, losa dodoon-na.

YESAYA 14:23

Neukose Au tao Babel da'di puuk, fo ko'donaok-kala mamana leleon-na. Neukose Au sasapu balisi Babel. Au, fo Manetualain nde manakokolak-ka.”

SEMUEL SUSULAK-KA ESAN-NA 24:18

Boema nafa'da Dauk nae, “O nde la'en-na, te au nde sala.

YESKIAL 26:14

Fo Au la'oela kande, ka'da batu esa mesak-kana, fo hataholi tasi-la, mamana ho'i dalan-nala. Kota ndia, neukose ta nananafofo'a falik so'on. Au, Manetualain Fo Mademaina, nde manakokolak-ka.”

KEJADIAN 7:16

nandaa no Manetualain paleta neun. Lelek basa-basas masok lala dalek boema, Manetualain kena ofak-ka lelesun-na neu.

PENGKHOTBAH 7:13

Taoafik neu Manetualain tatao-nono'in. Nana see kande ta hapu tao namandoo hata fo Manetualain tao napeko-pakin?