AYUB 1:5 - Susula Malalaok Hehelu Palak Ma Hehelu Beuk

⁵ Metema basa feta esa soona, Ayub fo'a fafaianak tatas esa, fo ana tunu-hotu tutunu-hohotuk soaneu anan-nala esa-esak, fo ela Manetualain fes do'o do ampon. Nana Ayub dodoo nae, bole da'di anan sila-la tao basa sala-singok, ma ta lame'da fa te, lakamumulu-lakamamaek Manetualain so.

AYUB 1:5 Referans Kwoze

AYUB 42:8

Nah, besak ia, pa'a-ma sapi mane 7 ma bi'ilopo mane 7, fo muu leo Ayub. Basa soona, tunu-hotu bana sila-la, da'di leo tutunu-hohotu nanatunuk, soaneu o aoinam-ma. Neukose, Ayub hule-haladoi ba'eneu emi, de neukose, Au sipok huhule-haladoin. Leomae emi mandaa sipo huhukuk, tehu neukose, Au ta akamamaek emi fa. Emi ta mafa'da tunga ndoon-na, la'eneu Au aoinang-nga fa, tehu Ayub nafa'dan tunga ndoon-na.”

KEJADIAN 8:20

Boema, Noh taon-na mei tunu-hotuk esa, soaneu Manetualain. Ana ho'un-na manupui mata-matak-kala beke esak, ma bana fe'e-fe'ek fo bole na'a paan-na, beke esak, boema ana tunu-hotun da'di leo tutunu-hohotuk nanatunuk nai mei tunu-hotuk ndia lain.

AYUB 8:4

Fafa'kama, o anam-mala lasala-lasingo neu Manetualain, soona nandaa Ana hukus.

SEMUEL SUSULAK-KA ESAN-NA 16:5

Semuel nataa nae, “Hei, tete'ek-ka. Au mai soaneu tunu-hotu fe Manetualain tutunu-hohotuk. Hu ndia de, tao malalao-malalafu o aoinam-ma, fo ela o hapu tunga feta tutunu-hohotuk ndia.” Nadenu Isai no anan-nala boe, fo esa-esak tao nalalao-nalalafu aoinan-na, ma ana ka'is fo leu leo feta ndia leu.

EFESUS 6:18

Tao-no'i basa dede'ak sila la no huhule-haladoik, soaneu moke tutulu-fafalik neme Manetualain mai. Nai basa fai loak lala'ena, hule-haladoi sama na leo Manetualain Dula Dale na, hela-nole emi. Ela leo bee na, emi manea tataas esa, ma boso makadede'ak. Hule-haladoi tataas esa soaneu Manetualain hataholi kamahehelen lala'ena.

HATAHOLI 8:22

Hu ndia de tu'u-tapaheni o dudu'a-aafi mangalaum ndia leona, fo moke neu Lamatua ka fo daenga Ana fe do'o do ampon neu o dudu'a-aafi manga laum ndia!

1RAJA-RAJA 21:13

Hataholi manatao tatao-nono'i mangalauk dua langatuuk lasasalematak loo Nabot, de ala kalaa kanan-nai lea matan lae ana soo-supa basa Manetualain ma manek-ka so. Hu ndia de, loon leo kota deak neu, boema ala tapan nenik batu losa maten.

1RAJA-RAJA 21:10

Madenu hataholi manatao tatao-nono'i mangalauk dua langatuuk lasasalematak loon, fo kalaa kana mae ana soo-supa basa Manetualain ma manek-ka so. Soona moon leo kota deak neu fo tapan nenik batu losa maten!”

KEJADIAN 22:3

Balahaa fafaik boema, Abraham bia ai soaneu tutunu-hohotu nanatunuk-ka, de ana puputu ai sila-la, boema ana fuan neu keledei lain. Abraham no Isak, ma atan dua leu leo mamanak fo, Manetualain nafa'dan-nana.

1 KORINTUS 4:5

Hu ndia de, hu ka nde beita la'e fai na fa, de boso no lai-laik emi maketu mae hataholi esa nasala do ta. Mahani losa Lamatua ka fali ma'in dei. Ndia nde neukose buka basa bibila-babaak fo nananafunik nai makahatu ka dalek. Ndia nde neukose ofeheni basa dale tutu'uk fo manaenek nai hataholi daebafa ka dalen dale. Neu lelek ndia soona, besa ka hataholi a esa-esak ana sipo kokoa-kikiok fo nandaa ana sipon neme Manetualain mai.

HATAHOLI 21:26

Boema Paulus no hataholi kahak sila la leu tunga feta tao balisi ao ka. Basa boema leu leo Manetualain Uman leu fo latanes, bei faik de'ubee bai soona, besa ka feta tao balisi aok ndia basan, ma latanes, sila esa-esak fe tutunu-hohotuk tao leo beek.

LUKAS 18:7

Naa, ade Manetualain neukose ta nasala'e hataholi kamahehelen fo lalo bou-bou lon lele'do-le'odaen fa do? Ade nakadodook fai na, fo Ana ta tulu-fali fas do?

YOHANIS 11:55

Nai lelek ndia, Fai Matua Paskah Yahudi a, ana deka so. Hataholi makadotok leme nggolo-ta'du kala mai, fo ala leo Yerusalem leu, fo sue ka nde Feta beita losa fa te, ala tunga lakahuluk ito-ato tao nalalao ao ka.

LUKAS 1:75

takaluku-takatele neun tataas esa ma tao tamahoko dale na nai ita fai maso'da manalu na dalek.

YEREMIA 4:14

Yerusalem, tu'u-tapa heni dudu'a-aafi mangalauk-ka, neme o dalem dale mai, fo ela o hapu maso'da. O sanga pe'da dudu'a-aafi mangalauk sila-la nai o dalem dale, losa faihi'da?

PENGKHOTBAH 9:10

Tao-no'i o bela-ba'un lala'en-na nenik o be'i-balakaim lala'en-na. Nana mahani te, ta hapu seluk dudu'a-aafik do ue-le'dis so'on. Ta hapu malelak do manatee-tenok nai hataholi manamatek-kala daebafan-na fa. Ma neukose o muu leo naa muu.

MAZMUR 5:3

Taoafik neu au dokodoeng ma tulu-fali au, ou au Maneng ma au Manetualaing-nga.

AYUB 41:25

Metema, ana fo'a napadeik soona, hataholi mabe'i-balakaik boeo, mopo palanin-na, ana taon-nan, ndole-ndaku, nanahu ana bii-namata'u nanseli.

AYUB 27:10

Tunga ndoon-na, ana muse nahiik hapu namahokok neme Manetualain mai, ma ana hule-haladoi neun, tataas esa.

AYUB 2:9

Saoinan-na nafa'dan nae, “Masa bole, o bei lilineka mahele neu Manetualain? Ayo, makamumulu-makamamaek-kana, fo mate leona!”

AYUB 1:11

Tehu, leouni'ka, O ho'i falik su'i-beten sila-la lala'en-na soona, tao leo bee-o, ana nakamumulu-nakamamaek O tutik nenik dede'a kokolan.”

NEHEMIA 12:30

Basa imam, ma hataholi Lewi sila-la, tao feta tao balisik soaneu sila aoinan-nala, basa boema soaneu laun-na, soaneu lelesuina-la ma kota papala nanadaman-na.

KELUARAN 19:10

Besak ia, muu matongo moo hataholi sila-la, ma madenus fo faik ia, ma balahaa laheheleaon, soaneu makaluku-makatele. Ala muse safe-saa bua papaken-nala.

KELUARAN 18:12

Basa boema, Yitro neni bana tutunu-hohotu nanatunuk, ma bana tutunu-hohotu nanado'dok de'ubee, fo da'di leo tutunu-hohotuk fe Manetualain. Harun ma basa leoina Israel-la mane leon-nala mai, de la'a sama-sama loo Yitro nai Manetualain matan.

KEJADIAN 6:5

Manetualain nita hataholi daebafak-kala tatao-nono'i mangalaun-nala, ba'un-na seli nai daebafak-ka; dudu'a-aafin-nala mangalauk tataas esa.

2 KORINTUS 11:2

Au ahiik emi sama leo Manetualain boeo nahiik emi. Emi sama na leo ana fe'oanak fo bei malalaok, fo au aheluk basa on fo fen kabing no touk esa, fo nde Kristus.

1RAJA-RAJA 18:31

Ana ho'i na batu sanahulu dua, fo batu esa soona, ana nggati leo esa neme leo ka sanahulu duak fo Yakob tititi-nonosin-nala. Yakob fo nde Manetualain foin na'de Israel so.

KELUARAN 24:5

Boema Musa nadenu hataholi muli-soluk de'ubee fo leu tunu-hotu tutunu-hohotu nanatunuk soaneu Manetualain, boema ala ta'ti sapi de'ubee soaneu tutunu-hohotu mole-dame.

AYUB 1:4

Ayub anatou ka hitun-nala, biasa ala tao feta nai esa-esak uman langganggatik. Ala ka'i Ayub anafe'o ka telun-nala boe, fo la'a-linu sama-sama.

AYUB 6:14

Nai doidosok leo ia-ka dalek, au amahena neu tia-lai malole. Ade, au bei lilineka ahele, do au afandele heni Manetualain Fo Manakoasa so do?

YESKIAL 14:14

Leomae Noh, Danel ma Ayub, ala leo leme mamanak ndia, tehu sila telu tatao-nono'i malolen-na, hapu soi-tefa-na ka'da sila telu samanen-na mesak-kana. Au, Manetualain Fo Mademaina, nde manakokolak-ka.