AYUB 1:10 - Susula Malalaok Hehelu Palak Ma Hehelu Beuk

¹⁰ O masulu-mahapa uma isin-nala, ma su'i-beten lala'en-na tataas esa. O ba'e-pala ue-le'din, ma O fen bana-manu makadotok, dai soaneu ala tao lahenu nusak-ka lala'en-na.

AYUB 1:10 Referans Kwoze

MAZMUR 34:7

Hataholi ua-nale ta malole-a, naloo bou-bou, de Manetualain nataan, Ana soi-po'in neme makase'en lala'ena mai.

ZAKHARIA 2:5

Manetualain naheluk basa nae, neukose Ndia nde da'di papala nanadamak ha'i okofefeo kota ndia, fo nasulu-nahapan, ma neukose Ana leo nai naa, nai koasa ma matua-mademan lala'en-na dalek.”

1 PETRUS 1:5

Basa sila la nde bee na, soaneu emi, nana emi mamahele Manetualain. Boema Manetualain nanea emi ninik koasa na, fo ela emi sipo so'da molek fo nanasadia basak soaneu nananafa'dak nai le'do fai mate'e ka.

AMSAL 10:22

Ka'da hu kande Manetualain baba'e-papalan, de hataholi-a da'di kamasu'ik; ue-le'di no puse-laipanak-ka, ta hapu popo-tama hata-heto fa.

ZAKHARIA 2:8

See natee-nata'ti no emi soona, natee-natati no Au tei-ateng nde ndia.” Boema Manetualain Fo Manakoasa nadenu au fo anduku-alosak hala heheluk ia, neu leoina fo lamanako Au anang-ngala hata-heton.

AYUB 31:25

do au daleng-nga, namatua hu kande au su'i-beteng fa.

KEJADIAN 15:1

Basa ndia boema, Abram hapu ninitak, de namanene Manetualain nafa'dan nae, “Boso bii, Abram, te neukose, Au asulu-ahapa o neme soe-a mai, ma Au fe o ngga'di matuaina.”

MAZMUR 107:38

Manetualain ba'e-bati fes, anak makadotok, ma bana-manun-nala, boetai lamade'u.

MAZMUR 90:17

Ou ami Amam Manetualain, ba'e-pala ami, fo ela basa ami ue-le'dim lala'ena, neni buna-boak.

ULANGAN 7:13

Neukose, Ana sue-lai ma Ana fe emi baba'e-papalak, nalosa emi anam makadotok, fo emi dede'um-mala, boe popo-tama lakandoo. Neukose, Ana fe baba'e-papalak neu emi tinam-mala, nalosa labuna-laboa gandum, angol ma mina setun. Neukose, Ana fe emi baba'e-papalak, nalosa emi sapim-mala, bi'ihiim-mala, ma bi'ilopom-mala lamade'u. Neukose, emi sipo baba'e-papalak sila-la, nai nusak fo Manetualain fen neu emi, nandaa no hala hehelun neu emi bei-ba'i kaim-mala.

KEJADIAN 26:12

Isak tao tina osi de ana sele-nggali bini-ngges nai nusak ndia, de nai teuk ndia dale na ana hapu buna-boak diku la'i natun esa neme ana sele-nggali ka mai, nanahu Manetualain ba'e-palan.

YESAYA 5:5

Neukose Au tao au osi angol ndia leo iak: Neukose Au ofe heni pa'a fo manaokofeonalan-na, neukose Au tao tu'u papala nanadamak fo, manamasulu-mahapan-nana, Boema, Au po'ilotak bana fuik-kala tao lalutun fo ala heheta-aa'in.

YESAYA 5:2

Ana foi daen-na de ana tu'u heni batun-nala. Ana sele angol nanahehelek neun ana tao lalaa naneak Ana kali-na, bolok esa soaneu mamana hehe'e angon-na, boema nahani boan-na namalatu, tehu angol-la, boan-na makeis.

SEMUEL SUSULAK-KA ESAN-NA 25:16

Lele'do-le'odaen, lasulu-lahapa ami, nai lelek ami foo bi'ihiik, bi'ilopo deka moos.

ULANGAN 33:27

Manetualain nasulu-nahapa emi tataas esa, Alun fo manaketu-basa taak-ka, Ana tia-to'ba emi. Ana usiheni musu-a, neme emi matam-ma mai, fo nadenu emi, tao mamate-mamopos.

MAZMUR 71:21

Neukose O taom-ma au nanafe ha'da-holomata lena seluk ma O kokoe-nanasi au seluk.

AYUB 42:12

Manetualain ba'e-pala Ayub, nenik baba'e-papalak fo manasasi kao-kaok-ka, nai bei ela fai maso'dan-na dalek, lena heni neme tepo-lelek ana beita la'o la'di susa-soe-a fa. Ayub bi'ihii bi'ilopon 14.000, onta 6.000, sapi 2.000, keledei 1.000.

KEJADIAN 49:25

O amam Manetualain, tulu-fali o, Fo Manakoasa, ba'e-pala o, nenik u'dan-na neme lalai mai, ma oe-a neme dae buin-na mai. Nenik ni'iana ma sapi,

KEJADIAN 30:43

No enok ndia de, Yakob namasu'i hatu-hatu. Nanuu bi'ihiik bi'ilopo, onta, keledei ma ata makadotok.

KEJADIAN 30:30

Au beita mai fa, To'o hata-heton ta ba'uk-ka fa, tehu besak ia, To'o namasu'i so. Manetualain ba'e-pala basa To'o nanahu au. Besak ia fain-na losa, au aue-ale'di fe au teidaleng-ngala mesak-kasa.”

MAZMUR 80:12

Ndanan-nala, tapasosola losa Tasi Tala'dak, pe'dun-nala losa Lee Efrat-ta.

MAZMUR 5:12

Sa'di leo been-na, basa hataholi fo, lasulu-lahapa leu O-a, lamahoko-setelee ma eeki-latadale losa dodoon-na. Masulu-mahapa hataholi manasue-lai O-a, fo ela lamahoko hu kande O.

AYUB 29:6

Au bana-manung fe kapaoe makadotok nanseli. Ma au ai setung-ngala, fe mina makadotok, leomae selen nai dae mabatuk lain boe.

ULANGAN 33:11

Manetualain, tulu-fali leo ia, fo ela latea-lahele, ela leo been-na, O mahiik sila ue-le'din. Taom-mamate-mamopo, basa sila musun-nala, nalosa ala ta hapu fo'a lapadeik so'on.”

KEJADIAN 39:5

Mulai hatematak ndia, hu kande Yusuf de Manetualain ba'e-pala hataholi Masir ndia uma loon, ma basa hata-heton lala'en-na, nau manai uma do manai tina osi boe.

AYUB 1:3

Fe'ek neme ndia mai boe, nanuu ata makadotok, bi'ilopo 7.000, onta 3.000, sapi 1.000, ma keledei natun lima. Dede'a keke'un-na hataholi ia nde been-na, hataholi kamasu'ik nanseli, nai laun manai nusak Dulu-a dalek.

AYUB 29:2

“Ela leo been-na, au so'dang-nga sama leo makahulun-na seluk, nai lelek, Manetualain nasulu-nahapa au-a.