AMSAL 9:12 - Susula Malalaok Hehelu Palak Ma Hehelu Beuk

¹² Metema o manuu manatee-tenok soona, neukose o mesam-ma hapu nanalak. Tehu metema o tipa heni manatee-tenok-ka soona neukose o ta hapu hata esa boen.

AMSAL 9:12 Referans Kwoze

YESKIAL 18:20

Neukose matek-ka nde, hataholi fo manatao sala-singok-ka. Anak-ka, ta nde muse lu'a-lepa, aman sala-singon, ma amak-ka, ta nde muse lu'a-lepa anan-na, sala-singon fa. Hataholi malole-a, neukose ana sipo baba'e-papala malole, nanahu tatao-nono'i malolen-na. Ma hataholi manatao mangalauk-ka, neukose ana doidoso, hu kande tatao-nono'i mangalaun-nala.

AYUB 22:21

Nah, Ayub, mole-dame moo Manetualain leona, fo ela o hapu nee-nee lino-linok. Metema, o tao ndia soona, tao leo bee-o, o hapu nanalak.

AMSAL 16:26

Dale hihiik soaneu na'a-ninu-a, nakatutuluk hataholi-a naue-nale'di; hu kande tein-na, de no nakasetik, muse naue-nale'di.

YESAYA 28:22

Au amanene basa Manetualain Fo Mademaina ma Manakoasa, nakeketun-na, soaneu Ana tao namate-namopo nusak-ka lala'en-na. Boso makamuu-makadau hala-kokola nasanene'dak fo, au anduku-alosak-kana ia. Mahani te, neukose ta mu'dak ba'eneu emi, fo maladeak fa.

2 PETRUS 3:16

Nai basa Paulus susula nala dalek lala'ena, ana sulak tataas esa la'eneu dede'ak sila la. Memak nai Paulus susulan sila la dalek, hapu baba'ek de'u bee, ita ta talela kasa fa. Boema hataholi fo ta lalelak hata esa boen, ma namahehele nala beita latea-lahele fa, ala popo'de-papai baba'ek sila la, sosoa-ndandaan leona. Boso dodoo doak dede'ak ndia, nana hapu baba'ek nggelok nai Susula Malalaok dale boeo, hataholi sila la, ala popo'de-papais, tao leondiak boe. Tehu hataholi sila tatao-nono'in, nde nini fes momopo-mamates ndia.

GALATIA 6:5

Nanahu hataholi a esa-esak, muse lu'a-lepa aon lulu'a-lelepan.

AMSAL 14:14

Hataholi mangalauk-ka, neukose ketu-seu tatao-nono'i mangalaun-na buna-boan; tehu hataholi malole-a, neukose ana ketu-seu tatao-nono'i malolen-na, buna-boan.

AMSAL 19:29

Hataholi ngoak fo, namatutua-namadedema aoinan-na, tao leo bee-o, neukose ana hapu fefepa-lili'uk.

AYUB 19:4

Leouni'ka, au tatao-nono'ing sala, soona ndia ta neni nahenik soaneu emi fa.