AMSAL 8:21 - Susula Malalaok Hehelu Palak Ma Hehelu Beuk

²¹ Hataholi fo manasue-lai au-a, au taon da'di kamasu'i; au tao ahenu uman-na nenik hata-heto.

AMSAL 8:21 Referans Kwoze

1 PETRUS 1:4

Ita tamahena, ita hapu baba'e-papalak, fo Manetualain sadia basan soaneu hataholi kamahehele nala, fo nde baba'e-papalak fo Ana pe'dan nai nusa so'da ka, fo ta hapu nalutu fan, do naboo do ana kou-mosa fa.

MATEOS 25:46

Soona neukose hataholi sila la nanahukuk ninik huhuku mana ketu basa ta ka, tehu hataholi mana tao tunga Manetualain hihii-nanau na, neukose ala hapu maso'da matetu ka, ma mana ketu basa ta ka.”

AMSAL 24:4

Ma metema hapu malelak, soona kaman-nala, neukose henuk no bua-lo'a mabelik ma manahiik-kala.

KEJADIAN 15:14

Tehu, leoina fo manatao o tititi-nonosim da'di ata ndia, neukose Au hukun, ma nai lelek fo, o tititi-nonosim la'o ela nusak ndia, neukose leni hata-heto makadotok.

IBRANI 10:34

Leondiak boeo emi tunga mame'da dale he'dik soaneu hataholi fo nanahuku ka. Ma nai lelek basa hata fo emi manuu kala nanaloso nak, emi sipok ndia no dale namahokok nana emi bubuluk mae emi bei manuu hata esa fo malole na lena, fo neukose nakatatakak losa dodoo na.

AMSAL 1:13

Ata ho'i-ta, bua-lo'a kabelin-nala, fo ela ita uman-na, henuk no bua-lo'a kakalok.

MAZMUR 16:11

O matu'du au, enok manaleo maso'dak-ka neu; nai O dalek, au hapu namahoko-seteleek fo, manasasi kao-kaok-ka, ma ua-nalek-ka losa dodoon-na.

SEMUEL SUSULAK-KA ESAN-NA 2:8

Ana so'u hataholi nuu taa-hata taak-ka neme doi-doson mai, Ana soi-po'i hataholi nananakadadaek-ka neme doidosok-ka mai. Ana taos da'di manefetoana-la tia-lain, ma Ana fes nangatuuk maha'da-holomatak Manetualain nde nanuu daebafak-ka buin-na, de nafofo'a daebafak-ka nai lain.

NINITAK 21:7

Hataholi fo manasengi kala, neukose ala sipo basa dede'ak sila la neme Au mai. Neukose Au da'di sila Manetualai na, ma sila da'di Au ana ngala.

AMSAL 8:18

Su'i-betes-sa nanasadiak nai au, ha'da-holomata ma tetu-temak-ka boe.

AMSAL 6:31

Ma metema ala ho'u lan soona, muse ana bae falik-kana didikuk la'i hitu; hu ndia de muse basa laiesak hata-heton lala'en-na.

ROMA 8:17

Naa, metema ita ia Manetualain anan soona, ita nde hapu hata-heto nala, boema ita nde sipo baba'e-papalak fo Ana sadia basan soaneu ana nala. Neukose Kristus ba'e fe ita Ndia hata-heton boe; nana metema ita doidoso to Kristus soona, neukose ita tandela-tasa'a ton boe.

AMSAL 8:20

Au tunga enok ndoos ma matetuk-ka, au la'ok nai enok fo tunga ka'da ndoon-na.

AMSAL 10:22

Ka'da hu kande Manetualain baba'e-papalan, de hataholi-a da'di kamasu'ik; ue-le'di no puse-laipanak-ka, ta hapu popo-tama hata-heto fa.

AMSAL 15:6

Nai hataholi malole-a uman, hapu hata-heto makadotok; tehu hataholi mangalauk-ka hata-heton mopok-kana, nanahu susa-soe.

AMSAL 21:20

Hataholi manatee-tenok-ka, tetu-temak ma namasu'i nahele,; tehu hataholi nggoak-ka dodolo-didilo hata-heton