AMSAL 7:7 - Susula Malalaok Hehelu Palak Ma Hehelu Beuk

⁷ Boema au ita touanak ba'uk-ka fo bei muli soluk-kala; tehu au mete hehelu ka'da hataholi esa fo nggoan-na seli nai sila tala'da.

AMSAL 7:7 Referans Kwoze

AMSAL 6:32

Tehu tao leobeek neu hataholi touk manahohongek-ka? Ana tao nalutu ndia aoinan-na mesak-kana! Ndia nggoan-na seli!

AMSAL 1:22

“Hai, hataholi nggoak-panganaa-la lemin! Emi nau leondiak mahele, losa faihi'da? Faihi'da, besak-ka fain-na losa, soaneu emi hahae makadadaek manatee-tenok-ka, ma tipa nanolik-ka?

MATEOS 15:16

Yesus nataa nae, “Ade emi beita malela kana boen?”

YEREMIA 4:22

Manetualain nafa'da nae, “Au anang sila-la, dudu'a-aafi taak-ka, ala ta lalelak Au fa. Sila sama leo ni'iana nggoa-panganaa mesan dudu'a-aafi manadain ta faaanak boen; malelainan-nai mangalauk-ka dalek, manada'di tak, nai tatao-nono'i malole dalek.”

AMSAL 10:13

Hataholi dudu'a-aafi matane-a, kokolak dede'a-kokolak manatee-tenok; hataholi nggoak-ka, paluu filuk-kana nenik ue.

AMSAL 9:16

“Hei, emi fo dudu'a-aafi taak-kala lemin, mai leo ia mai!” Ana nafa'da neu hataholi fo ta nalelak hata esa boe, nae,

AMSAL 9:4

“Se fo ta nalelak hata esa boen soona, bole mai leo ia mai!” Manatee-tenok-ka nafa'da neu madudu'a-aafi taak-ka nae,

AMSAL 8:5

Emi fo dudu'a-aafi manadai tak-kala lemin, manoli manuu dudu'ak matane; emi fo nggoam-ma seli, manoli da'di manatukatei-manasale dalek.

AMSAL 1:32

Hataholi fo malelan-na ta dai fa, neukose maten, ma hataholi dudu'a-aafi taak-ka, neukose nakalulutuk, nanahu ana ta taoafik neu fa.

AMSAL 1:4

Nanoli hataholi dudu'a-aafi taak-ka, nalosa nanuu dudu'a-aafi matane, ma nanoli hataholi muli-soluk-ka, fo ana da'di hataholi malelak, ma ana bisa dudu'a-dodoo sama leo hataholi touinak-ka.

MAZMUR 119:130

Metema nafa'da mangalele'do O nanolim-ma soona, neni mangale'dok, ma ana fe malelak neu hataholi taidaek-ka.

AMSAL 27:12

Hataholi manatee-tenok-ka, nita soe-a soona, nakadedeak; tehu hataholi nggoak-ka, la'ok nakandoo, fo susa-soe tuni-lan.

AMSAL 24:30

Au la'ok hai tunga, hataholi pelatua maisik nggoak esa tinan, ma osi angol-la so.

AMSAL 22:3

Hataholi manatee-tenok-ka, metema nita soe-a soona, nakadedeak; tehu hataholi nggoak-ka, la'ok nakandoo, fo soe-a tuni la'en.

AMSAL 19:25

Metema, hataholi manakoao-ndaeaok-ka, nanahukuk soona, hataholi dudu'a-aafi taak-ka hapu nanolik. Metema, hataholi dale malole-a, hapu kena-ka'ik soona, ana boetai da'di hataholi manatee-tenok.

AMSAL 19:2

Manggatek-ka ta no malelak-ka fa soona, ta malole fa; hataholi fo, nakalupu lai-lai, neukose ana tao salak.

AMSAL 14:18

Hataholi fo malelan-na ta dai fa, neukose ana da'di nggoak; tehu hataholi manatee-tenok-ka, neukose malelan-na boetai namaba'uk-ka.

AMSAL 14:15

Hataholi nggoak-ka, namahele neu basa dede'a-kokolak lala'en-na, tehu hataholi manatee-tenok-ka, ho'i nakeketuk besa-besa.

AMSAL 12:11

Hataholi manatao tina-osi, fo naue-nale'di puselaipana, nanuu nana'ak makadotok; tehu hataholi fo nabasa le'do-fain, soaneu dede'a manada'di tak-ka nde been-na, hataholi nggoak,

MAZMUR 19:7

Ana la'ok ndolo lalai-a, neme pe'dak leo pe'dak neu; basa hata lala'ena, ala hapu le'do haan-na.

AYUB 24:15

Hataholi manahohongek-ka, nahani fai le'donosok-ka losa; ana poti ketu mata-panan, fo ela hataholi boso nalelak-kana.

AMSAL 5:1

Anang-ngonei, mamanene au leona! Taoafik neu au manatee-tenong ma dudu'a manadaing, fo au anolin neu o,

AMSAL 6:20

Anang-ngala lemin, tao-no'i hata fo emi amam paleta-kala, ma boso masanggango heni emi inam nanoli-nafa'dak-kala.