AMSAL 4:7 - Susula Malalaok Hehelu Palak Ma Hehelu Beuk

⁷ O muse tao dede'ak fo nanapaluu makasososak-ka nde, sanga enok fo da'di hataholi manatee-tenok. O usi su'di hata beek-ka boeo, makasososan-na nde, sanga enok fo hapu dudu'a manadaik-ka.

AMSAL 4:7 Referans Kwoze

PENGKHOTBAH 7:12

boeo sama no doik fo manafe nee-nee lino-lino ka. Baite malelak la'eneu manatee-tenok-ka! See nanuun soona, neukose naso'da.

AMSAL 23:23

Asa-ma, nanoli ndoos-sa, manatee-tenok-ka, nanoli-nafa'dak-ka, ma dudu'a manadaik-ka, soona boso mase'o henis.

AMSAL 16:16

Hapu manatee-tenook-ka soona, malolen-na lena heni hapu lilopilas-sa; ma hapu malelak-ka soona, malolen-na lena heni hapu lilofulak-ka.

FILIPI 3:8

Tehu ta ka'da dede'ak sila la mesa kasa fa; te basa hata lala'ena, au afa'da ae, ka'da lini tutu'dak fe au. Nanahu besak ia, au hapu hata esa, beli na ba'una seli so: fo nde au alelak au Lamatuang Yesus Kristus. Hu ka nde Kristus de, au ata po'i eme basa hata lala'ena mai. Au oke basa sila lala'ena soona, au ae kadafu dae sila la, fo daenga no enok ndia, au hapu anuu Kristus,

LUKAS 12:20

Tehu Manetualain nafa'dan nae, ‘Hei nggoa konei! Le'odaek ia boe, mate o, fo neukose see ka nde hapu basa su'i-betes fo o makadudulu mak sila la?’

MAZMUR 119:104

O hoholo-lalanem, fe au malelak, nalosa au ta ahiik, ha'da-palii manatipu-daik-ka fa.

LUKAS 10:42

te see ko na fo nanapaluu ka, ka'da dede'ak esa mesa kana. Maria hele basa hata fo malole a, fo neukose ta nanaho'ik neme ndia mai fa.”

AMSAL 21:6

Su'i-betes fo hapun nenik enok tipu-daik-ka, mopon lai-lai, ma neni mamates fe hataholi.

PENGKHOTBAH 4:8

Hapu hataholi maso'da mesa-mesa kana, ta no anak do tolanook boen. Leomae leondiak boe, naue-nale'di nakandondoo henin, losa pusen-na titi, tehu dalen-na ta tesa-tama nenik hata-heton fa. Soaneu see kande pusen-na titi, ma ana ta sipok basa namahoko-setelek lala'en-na fa? Ndia boeo manada'di taak ma eno maso'dak esa neni doidosok.

AMSAL 4:5

Da'di hataholi manatee-tenok, ma malelaina. Mafandendelek au nanoling-ngala tataas esa, fo boso tu'u-tapa henin.”

AMSAL 8:23

Au nananakada'dik neme le'do fai makasososak-ka, nai makasososan-na nai lelek daebafak-ka beita nakadada'dik-kana fa.

2TAWARIKH 1:10

Hu ndia de, ela leo bee na fe au manatee tenok ma malelak fo au paluun soaneu hela-noles. Metema ta leondiak fa soona, tao leo bee fo au hapu paleta O ana makadotom ia la?”

AMSAL 2:4

Sanga basa sila-la, sama leo sanga lilopilas, ma usi basa sila-la, sama leo usi hata-heto nananafunik.